ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

இன்னும் எத்தனைக் காலத்திற்கு அன்று நாம் வாங்கிய அடிகளை மறந்தும், சிந்திய ரத்தத்தை மறந்தும், விட்டுப்போன அவனின் காய்ந்திடாத எச்சத்தில் ஊறிப்போயும் கிடப்போம்? எம் தமிழர் பிறந்தநாளில் வெறும் ஹேப்பி பர்த்டே படிப்போம்? செம்மொழிச் செய்தும்கூட எம்மொழி எம் மொழியோயென்று ஏலனப்படவே ஆனோமே இனமே? ஆங்கிலம் என்ன அத்தனை என் வீடு தாண்டி என் உள்ளம் கடந்து மூளையின் சப்தங்களுக்குள் சென்று அடைத்தாக் கொண்டது? இதோ அதைக் களைந்துவிடச் சொல்லிக் கேட்குமொரு வேண்டுதலை இந்தப் பாடலில் பாருங்கள். அல்லது நாளைய தலைமுறைகளுக்கும் மேலேறி நிற்க வளந்துவிட்ட நமக்கொவ்வாத அப்பண்பிற்கு ஒரு முதற்புள்ளி வைக்கும் முயற்சியாய் இப்பாடல் வருகிறது கேளுங்கள். விரைவில் அன்புறவு இசையமைப்பாளர் திரு. ஆதியின் இசையில் தரணியெங்கும் ஒலிக்கவுள்ளது. ஒலிக்கும் முன் உங்களின் விழிகளில் பூட்டி ரசனைப் பார்க்கக் துணிந்த இவ்வரிகள் இங்கே உங்களின் கருத்தையும் நாடி நிற்கிறது பணிவுடன்:-

இனிக்க இனிக்க வாழ்த்துவோம்...
இனிக்க இனிக்க வாழ்த்துவோம்...
தமிழிலினிக்க மொழியும் சிறக்க -
பிறந்தநாளில் வாழ்த்துவோம்;
பிறந்தநாளில் வாழ்த்துவோம்;

வாழ்கவே வாழ்கவே
வாழ்க வாழ்க வாழ்கவாழ்கவே...

கற்கண்டுச் சிதறலாய் -
சிரிக்கும் சிரிப்பு இனிக்கட்டும்,
சொட்டும் தேன் இனிமையில்
சொற்களெல்லாம் இனிக்கட்டும்;

கனுக்கரும்பின் இனிமையாய்
வாழ்க்கையது நொடிக்கட்டும்,
புகழைக் கூட கசக்காமல்
பிறர் வாயேப் பேசட்டும்;

பொற்காலம் இதுவென்று நீ
வாழும் காலம் ஆகட்டும்,
புதையல்போலுன் மனதென்று
பார்ப்போரெல்லாம் மெச்சட்டும்;

தரணி முழுக்க தமிழ்போல
உன் பேருமது சிறக்கட்டும்,
பெருமையோடு உலகம் பேச - முழுப்
பக்குவமும் கிடைக்கட்டும்;

செல்வம் பல செழிக்க - நீயும்
பெருநிறைவோடு வாழனும்
சேர்த்துவைக்கும் சுகத்தோடு
நல்லப் பேரும் நிலைக்கனும்;

பெரியோரை மதிக்கணும் - பேணிப்
பிள்ளையைப்போல் காக்கனும்
மற்றோரையும் மதிக்கணும் - பெண்ணின்
மாண்பு உயர நடத்தனும்;

மகிழ்ச்சிப் பொங்கும் நாளிலும்
கர்வமின்றித் திரியனும்,
கடலளவுப் பணிவிலே -
இவ்வுலகப் பார்வை அடங்கனும்;

வாழ்த்துவோம் வாழ்த்துவோம் எல்லோரும்
வாழ்த்துவோம்;
சிரித்து சேர்ந்து வாழ்த்துவோம்
மனசுக் குளிர வாழ்த்துவோம்
மீண்டும் மீண்டும் வாழ்த்துவோம்
மகிழ்வுப் பொங்கும் நன்னாளில்
பல்-லாண்டு வாழ வாழ்த்துவோம்;

வாழ்கவே வாழ்கவே
வாழ்க வாழ்க வாழ்கவாழ்கவே...

வாழ்கவே வாழ்கவே
வாழ்க வாழ்க வாழ்கவே
வாழ்க வாழ்க வாழ்கவாழ்கவே..

---------------------

வித்யாசாகர்

by **தங்கை கலை** Sat Dec 10, 2011 4:32 pm

நன்றி ...இதுக்கு என்ன டியூனே போட்டா சரியா irukkum

by **yarlpavanan** Sat Dec 10, 2011 4:45 pm

வித்யாசாகரின் படைப்பைப் பாராட்டுவோம்!
தங்கள் பா தமிழ் பா
பிறந்த நாள் வாழ்த்துப் பா
இனி இங்கு இல்லை
Happy Birthday
பிறந்த நாள் நிகழ்விலே
மட்டுமல்ல
தமிழர் இல்லங்கள் தோறும்
தோன்றிடும் நிகழ்வுகளிலே
தமிழாலே வாழ்த்துவோம் வாருங்கள்!

by **அ.இராமநாதன்** Sat Dec 10, 2011 5:01 pm

by **kanagavasu** Sat Dec 10, 2011 5:41 pm

மகிழ்ச்சிப் பொங்கும் நாளிலும்
கர்வமின்றித் திரியனும்,
கடலளவுப் பணிவிலே -
இவ்வுலகப் பார்வை அடங்கனும்

இந்த வரிகள் எனக்கு பிடித்திருக்கிறது.

ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்! 548321

ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்! 548321

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

Re: ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

Re: ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

Re: ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

Re: ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!

Re: ஹெப்பிபர்த்டே இனி எதற்கு? பிறந்தநாளுக்கு தமிழிருக்கு - வித்யாசாகர்!