கவிதை போட்டி - பூ (பூக்கள்)

by **கவியருவி ம. ரமேஷ்** Tue May 01, 2012 7:55 pm

First topic message reminder :

உன்னை பூக்களுக்கும் பிடித்திருக்கிறது

பூக்கள்
உனக்காகக் கண் விழித்துக்
காத்துக் கொண்டிருக்கின்றன
முதலில் உன் கை பட.

பூக்களை
மாலையாகத் தொடுத்து
படங்களுக்குத் தொங்கவிடும்போது
ஒன்றிரண்டு இதழ்கள்
கண்ணீர்த் துளிகளாய் உதிர்க்கிறது
நீ
சூடிக்கொள்ளவில்லையே என்பதால்.

விடுமுறை நாட்களில்
நீ
பூக்களைப் பறிக்காதபோது
வண்டுகள்
உனக்கு நன்றி சொல்கிறது.

நாரிலும் நூலிலும்
கட்டுப்படுவதைவிட
உன் தொடுப்பிற்குக்
கட்டுப்படுவதுதான்
பூக்களுக்குப் பிடித்திருக்கிறது.