"குப்பையை குப்பைத் தொட்டியில் மட்டும் போடவும்"
Latest topics
» காந்தியடிகளின் பொன்மொழிகள்.
by அ.இராமநாதன் Today at 3:47 pm

» கால் முளைத்த கனவுகள்! நூல் ஆசிரியர் : பாவலர் கருமலைத் தமிழாழன் ! நூல் விமர்சனம் : கவிஞர் இரா. இரவி.!
by eraeravi Today at 1:58 pm

» பெங்களூரு மைதானத்தை கலங்கடித்த தோனி: சென்டிமீட்டர் இடைவெளியில் தோல்வியை தழுவியது சென்னை!
by அ.இராமநாதன் Today at 11:00 am

» மராட்டிய மக்களின் புத்தாண்டு
by அ.இராமநாதன் Today at 10:38 am

» போனில் ஒரு இளசு
by அ.இராமநாதன் Today at 10:27 am

» பொத அறிவு தகவல்
by அ.இராமநாதன் Today at 10:24 am

» விருந்து சாப்பிடுகிறீர்களா?
by அ.இராமநாதன் Today at 10:16 am

» 95 வயதிலும் ஒயாத உழைப்பு
by அ.இராமநாதன் Today at 10:00 am

» ஹைக்கூ 500 ... நூல் ஆசிரியர் : கவிஞர் இரா. இரவி. நூல் விமர்சனம் : கவிப்பேரருவி ஈரோடு தமிழன்பன் !
by eraeravi Thu Apr 18, 2019 12:37 am

» திசையெங்கும் தீப்பொறி! கவிஞர் இரா. இரவி.
by eraeravi Wed Apr 17, 2019 12:06 am

» வேதத்திலிருந்து வந்தது திருக்குறள் என்று பொய் சொன்ன நாகசாமிக்கு மறுப்பு ! திருக்குறள் ஒரு வழிநூலா? கவிஞர் இரா. இரவி.
by eraeravi Tue Apr 16, 2019 11:58 pm

» இரா.இரவியின் படைப்புலகம் ஓர் அறிமுகம் கவிஞர் மஞ்சுளா, மதுரை
by eraeravi Mon Apr 15, 2019 1:14 pm

» சாலை இளந்திரையனின் படைப்புலகம்! நூல் ஆசிரியர் : முனைவர் லி. ஜன்னத் ! நூல் விமர்சனம் : கவிஞர் இரா. இரவி.
by eraeravi Mon Apr 15, 2019 1:00 pm

» மண் மூடிப் போகும் மாண்புகள்! நூல் ஆசிரியர் : ‘எழுத்தாளர்’ ப. திருமலை1 நூல் விமர்சனம் : கவிஞர் இரா. இரவி.
by eraeravi Mon Apr 15, 2019 12:54 pm

» உலகப் பழமொழிகள்
by அ.இராமநாதன் Fri Apr 12, 2019 9:16 am

» இத்தனை வருஷம் அதை பத்திரமாக வச்சிருக்கா ஜோ!'' - நாஸ்டாலஜி பகிரும் பிருந்தா மாஸ்டர்
by அ.இராமநாதன் Fri Apr 12, 2019 8:47 am

» ஏரி காத்த இளைஞர்!
by அ.இராமநாதன் Thu Apr 11, 2019 5:28 pm

» பொன்னியின் செல்வன் கதையைப் படமாக்கும் மணி ரத்னம்: முக்கியக் கதாபாத்திரங்களில் நடிக்கவுள்ள பிரபல நடிகர்கள்!
by அ.இராமநாதன் Wed Apr 10, 2019 6:58 pm

» வித்தியாசமான போலீஸ் கதாபாத்திரத்தில் விவேக்
by அ.இராமநாதன் Wed Apr 10, 2019 6:57 pm

» புதிய தோற்றத்தில் ரசிகர்களை கவர்ந்த பாவனா
by அ.இராமநாதன் Wed Apr 10, 2019 6:54 pm

» அவர் மாஸ்டர், நாம் அவருடைய சீடர்கள்…! – அமிதாப் பச்சன்
by அ.இராமநாதன் Wed Apr 10, 2019 6:53 pm

» பிரசாந்துக்கு ஜோடியாக கதாநாயகியாக அறிமுகமாகவுள்ள ‘மிஸ் இந்தியா’ அனு கீர்த்தி
by அ.இராமநாதன் Wed Apr 10, 2019 6:44 pm

» ரஜினியின் 167வது படத்தின் பெயர் தர்பார்- பர்ஸ்ட் லுக் போஸ்டர் வெளியீடு
by அ.இராமநாதன் Wed Apr 10, 2019 6:43 pm

» தமிழ் சினிமாவின் முதல் கவர்ச்சிக்கன்னி
by அ.இராமநாதன் Wed Apr 10, 2019 6:41 pm

» இந்தி மற்றும் தெலுங்கில் ரீமேக் ஆகிறது ‘தடம்’
by அ.இராமநாதன் Wed Apr 10, 2019 6:39 pm

» கோவை சரளாவுக்கு இன்று பிறந்தநாள்!
by அ.இராமநாதன் Wed Apr 10, 2019 6:38 pm

» ஏவி.எம்., சகாப்தம் - நானும் ஒரு பெண்
by அ.இராமநாதன் Wed Apr 10, 2019 6:37 pm

» கல்வி இன்று கடைத்தெருவில்! கவிஞர் இரா. இரவி. ******
by eraeravi Tue Apr 09, 2019 10:49 pm

» கீரி (எ) கிரிதரன் - கவிதை
by அ.இராமநாதன் Tue Apr 09, 2019 9:11 pm

» காகிதப்பூவில் மரத்தின் வாசம் - ஹைக்கூ
by அ.இராமநாதன் Tue Apr 09, 2019 9:10 pm

» நிழற்பூ - கவிதை
by அ.இராமநாதன் Tue Apr 09, 2019 9:08 pm

» தாய்க் கோழி - கவிதை
by அ.இராமநாதன் Tue Apr 09, 2019 9:07 pm

» உழைப்பால்...(கவிதை)
by அ.இராமநாதன் Tue Apr 09, 2019 9:05 pm

» அன்பாய், அழகாய், அறிவாய் வளர்த்திடுவோம்! – கவிதை
by அ.இராமநாதன் Tue Apr 09, 2019 9:04 pm

» அடையாளம் - கவிதை
by அ.இராமநாதன் Tue Apr 09, 2019 9:02 pm

» சாத்தான்கள் அபகரித்த பூமி! நூல் ஆசிரியர் : அருணா சுந்தரராசன் நூல் விமர்சனம் : கவிஞர் இரா. இரவி.
by eraeravi Sun Apr 07, 2019 10:55 pm

» படைப்புலகில் வாழ்வார் மகேந்திரன்! கவிஞர் இரா. இரவி.
by eraeravi Thu Apr 04, 2019 11:36 pm

» கவிச்சுவை! நூல் ஆசிரியர் : கவிஞர் இரா. இரவி, மதிப்புரை : எழுத்து வேந்தர் இந்திரா சௌந்தர்ராஜன்,
by eraeravi Wed Apr 03, 2019 1:13 pm

» திரை இசையில் விஞ்சி நிற்பது சமூக விழிப்புணர்வு பாடல்களே! கவிஞர் இரா. இரவி.
by eraeravi Mon Apr 01, 2019 2:07 pm

» கோமாளிகள் வாழ்வும் இலக்கியமும் ! நூல் ஆசிரியர் : இரா. தங்கப்பாண்டியன் ! நூல் விமர்சனம் : கவிஞர் இரா. இரவி.
by eraeravi Mon Apr 01, 2019 1:44 pm

» கொடுவா மீசை! அருவா பார்வை! நூல் ஆசிரியர் : திருமதி கலா விசு ! நூல் விமர்சனம் : கவிஞர் இரா. இரவி.
by eraeravi Mon Apr 01, 2019 1:31 pm

» மனித நேயம் வளர்ப்போம்! கவிஞர் இரா. இரவி.
by eraeravi Sun Mar 31, 2019 5:39 pm

» "ஹைக்கூ 500" நூல் ஆசிரியர்: கவிஞர் இரா. இரவி. நூல் மதிப்புரை -"நெருப்பலைப் பாவலர் ", இராம இளங்கோவன்;பெங்களூரு.
by eraeravi Thu Mar 28, 2019 8:42 pm

» ஆயிரம் ஹைக்கூ' நூல் ஆசிரியர் : கவிஞர் இரா. இரவி. நூல் மதிப்புரை: ப. மகேஸ்வரி, பாரதியார் பல்கலை, கோவை.
by eraeravi Thu Mar 28, 2019 12:17 am

» கவிச்சுவை! நூல் ஆசிரியர் : கவிஞர் இரா. இரவி, மதிப்புரை : மு. அழகுராஜ்
by eraeravi Thu Mar 28, 2019 12:16 am

பதிவர் திரட்டி!
பதிவர் - தமிழ் மக்களின் வலை திரட்டி.
RSS feeds


Yahoo! 
MSN 
AOL 
Netvibes 
Bloglines 



‘பால்ய வீதியில்’வாசகர்களின் கவிதைகள்! - கவிதைமணி

Post new topic   Reply to topic

Go down

‘பால்ய வீதியில்’வாசகர்களின் கவிதைகள்! - கவிதைமணி Empty ‘பால்ய வீதியில்’வாசகர்களின் கவிதைகள்! - கவிதைமணி

Post by அ.இராமநாதன் on Sun Oct 07, 2018 7:44 pm

வீதியில்’வாசகர்களின் கவிதைகள்!
By கவிதைமணி  |   Published on : 07th October 2018 05:25 PM  |   அ+அ அ-   |  [You must be registered and logged in to see this link.]

‘பால்ய வீதியில்’வாசகர்களின் கவிதைகள்! - கவிதைமணி Download
பால்ய வீதியில் 
ரீங்கார வண்டுகளாய்
காடுமேடு சுற்றினோம்
கால்கடுக்க நடந்தோம்
களைப்புத் தெரியவில்லை
களிப்புதான் இருந்தது.
எண்கணக்கு எளிதில் சொல்லும்
எண்ணற்ற வித்தைகளை
அடிவாங்கி உதைவாங்கி
அழுது கற்றுக்கொண்டோம் 
ஆயினும் ஆசானென்றால்
பயபக்தி கொடுத்து வளர்ந்ததை
மறுக்க முடியுமா..?
இரவின் மடியில் மல்லாந்து படுத்து
ஆகாய விண்மீன்களை
பல நாட்கள் எண்ணிய அனுபவங்கள்
அத்தனையும் மறக்க முடியுமா...? 
தீப்பெட்டிகளை நூலில் கட்டி 
நண்பனிடம் பேசி மகிழ்ந்த
அந்த அனுப இன்பங்களும்
இன்றைக்கு இருக்கும் ஆயிரம் 
திறன்பேசிகளைக்கொண்டு
ஈடுசெய்ய முடியுமா..?
பள்ளி விடுமுறையென்றாலே
பாட்டி, தாத்தா. அத்தை, மாமா
உறவுகள் என்று அவர் வீடு தேடி
ஓடி ஆடிய உல்லாச நினைவுகள்
தொலைத்த பால்ய வீதிகளை
இன்று தேடி அலைகிறேன் எங்கெங்கோ
என் பிள்ளைகளை அழைத்துச்செல்ல
அது மீண்டும் கிடைத்தால்
நான் கூட இன்று சிறுவன்தான்!
- கவிஞர் பி.மதியழகன்
**
பால்ய வீதியில் சிறகுகள் விரிந்து  
பால் நிலா சிரிப்பில் பகையுமழிந்து 
நெஞ்சகச் சாலையில் நேசம் நிரம்பி 
வஞ்சகமில்லா வாழ்வும் வரமாய் வசப்படும்!
அரும்பிடும் மொட்டுகள் அந்தில் அணியாக 
விரும்பிடும் வண்ணம் விழிகளும் மணியாக
அரிலில்லா அளியை அளாவிடும் உறவுகள் 
ஆவளியில் சேர்ந்திடும் மேகலைகளாய் ஆடிடும்!  
இனமதில் பேதம் எழுந்து நடந்திடும் 
இதயச் சலனமும் அனிச்சையாய்க் கடந்திட
நினைவுகள் நீந்திடும் ஈரத் தடங்களில் 
கனவுகள் செழித்துக் கடிமலர்க் காடுமெழும்!
- மு. திருமாவளவன், அறிவியல் ஆய்வாளர் மற்றும் பேராசிரியர்
**
பிறந்த  மனிதனின் 
சிறந்த  பருவம் 
பால்ய பருவம்!
கவலையின்றி  ஆடிப்பாடி 
பள்ளிக்கு  துள்ளி குதித்து 
கள்ளமில்லாமல் 
அள்ள அள்ள குறையாத 
ரசிக்க  வைக்கும்  
உன்னத  பருவம்!
வீதியில் நடமாட  
சட்டமுண்டு.........
திட்டமில்லா  பால்ய வீதியில் 
வட்டமிட்டு மகிழலாம்!
ஓடிப்  போன நேரம் வராது  போல
தேடிப்போனாலும் கிடைக்காத 
மூடிவிடும்  பால்ய வீதியில் 
வாடி விடாமல்   ஆடி விளையாடு! 
கோடி முறை சொல்வேன் 
"பால்ய வீதியே!................
நீ வாழ்க.........என்று!
- உஷா முத்துராமன், மதுரை   
**
பால்ய வீதியில்
பார்க்கின்ற பார்வையில்
எத்தனை எத்தனை இன்பங்கள்
எனக்குள் வைத்தாய் ஈசனே!
வாசத்தலங்கள் நமக்குள் ஒன்றான கருவறையானதால்
குழந்தையும் தெய்வமும்
குணத்தால் ஒன்றென்றே
குவலயம் மகிழ்ந்தது ஈசனே!
மறக்காமல் மறந்துவிட்ட
மறுக்க முடியாத உண்மைகளும்
காமக் குரோத எண்ணங்கள்
கடுகளவும் தீண்டாத
புதுமை பால்வெள்ளை மனமும்
பால்வீதியில் பதித்த ஈசனே!
தந்தை முகம் தாயின் முகம்
தளர்ந்து போன தாத்தா முகம்
பாட்டி முகம் பதிய வைத்தாய்
பாசத்திலே உதிரம் வைத்தாய்
பாரபட்சம் இல்லாமல் வாழ
பரந்தமனம் தந்தீர்கள் ஈசனே!
பால்ய வீதி மாறிப்போச்சு
பரந்தமனமும் மறைந்து போச்சு
பாசக்கயிற்றில் உயிரும் போச்சு
பரமன் துதிக்கும் பழக்கமும் போச்சு  ஈசனே!
பழைமை மாறாத பால்வீதி
புதுமையுடன் படைத்துவிடு 
குழந்தைத்தனம் மாறாத
குற்றமற்ற நல்லுலகம்
உருவாக்கி மகிழ்ந்து விடு
உலகாளும் எங்கள் ஈசனே!.
- புலவர் களந்தை நரசிம்ம சுப்பிரமணியன் சிறுமுகை.
**
பால்காரர் பாம் பாமென்று ஒலியெழுப்ப,
சொம்பிலே பால்
தயிர்காரர் மோரு மோருனு கூவ,
வாயில் வெண்ணை;
கிண்ணத்தில் தயிர்
தண்ணி வந்திருச்சு வான்னு அழைக்க,
தெருக்குழாயில் தண்ணீர்
நம் தெருவில் வசிப்பவருக்கு
ஒன்றென்றால்,
அவருக்காக கண்ணீர்
ரேசன் கடைக்கு போன அம்மா வர நேரமானால்,
ஜெயந்தியக்கா வீட்டில் சுடுசோறு சாம்பார்
வெய்யில் காலத்தில்,
வேப்ப மரத்து காத்து;
குளிர் காலத்தில்,
காதை மூடும் கம்பளி
தீபாவளியில்,
வெங்காய வெடி;
ஆடியில்,
மாரி தேர்வடத்தைப்பிடி
பொங்கலில்,
கரும்பைக்கடி;
மாசியில்,
காளி குண்டம் மிதி
மயான கொள்ளைக்கு முன்,
மோட்டுக்கொப்பரை;
காந்தி ஜெயந்தி கொண்டாட்டம்,
தெருவெல்லாம் உற்சாகம்
சச்சின் டெண்டுல்கர்,
ஆட்டம் பார்க்க;
எல்லோருக்கும் 
நாட்டம்
எல்லா பண்டிகையும்,
நமக்கே;
வாழ்க்கை வாழ்வதற்கே
பண்டிகை போனாலென்ன,
மீதியுள்ள நாட்கள்;
அதைவிட அருமையானது
மாலை ஏழு மணியானால்,
ஒலிக்கும் கைதட்டல்;
அது நண்பர்களின் அழைப்பு
புத்தகத்தை எல்லாம் தூக்கியெறிந்து,
தெரு நண்பர்களோடுவிளையாட்டு
அடுத்த நாளைக்கு மிச்சம் வைக்காமல்;
அனுபவித்த சந்தோசம்
யாரென்று பார்க்காமல்,
எல்லோருடனும்
நேசம்
ஒவ்வொரு மாலையும் ஆட்டம் பாட்டம் கொண்டாட்டம்;
அதை ரசிக்கவே வீட்டு வாசலில் அம்மாக்கள் கூட்டம்
அப்பா வந்தாச்சு,வா உள்ள,
நீ போம்மா , நான் வரேன்,
இன்னும்கொஞ்ச நேரம்,
வெளாண்டுட்டு வரேன்.
- ம.சபரிநாத்,சேலம்
**
உங்கள் குழந்தைகள் 
உங்கள் குழந்தைகள் அல்ல 
உங்களால் வந்தவர்கள் அல்ல 
உங்கள் வழியில் வந்தவர்கள் 
உங்கள் அன்பை அவர்களுக்கு 
ஊட்டுங்கள் எண்ணங்களை அல்ல 
உங்கள் அறவணைப்பை காட்டுங்கள் 
உங்கள் அதிகாரத்தை அல்ல 
அவர்கள் எண்ணங்கள் முற்றிலும் 
வேறு; உங்களால் அவற்றை; 
தொடக்கூட முடியவே முடியாது 
இவை படித்ததில் பிடித்தது
ஐந்து வயதிற்கு அப்புறம் அறிவுக்
கண்கள் திறந்து நல்லதோ தீயதோ 
ஆழ் மனதினிலே பதிந்து விடும்
நூறு வயதை தாண்டிய போதும் மாயாது துளிரும் பால்ய வீதியில் 
தனிமையை சந்திக்கும் சமயங்களில் 
சூழ்நிலைகள் குணங்களை மாற்றும் 
நடந்து வரும் பாதைகளே நேற்று 
இருந்ததை இனி இருக்க ப்போவதை
வகுத்து நல்லவரோ தீயவரோ ஆவர் 
சமூகத்தின் கண்ணுக்கு தென்படும்
ஒதுக்கி வைக்க முற்படும் அல்லது 
தலைவனாக்கி புகழாரம் சூடிடும்
- ஆபிரகாம் வேளாங்கண்ணி, மும்பை மகாராஷ்டிரா
**
பார்க்கின்றேன் நான் வந்த பாலியத்து வீதிதனை
கள்ள மற்று நெஞ்சங் களிக்க விளையாட்டு,
உள்ளம் முழுதும் உவகை, ஒரு தீங்கறியா
வெள்ளை மனம் அங்கே விகற்பமிலாச் சிந்தனைகள்
எள்ளத்தனையும் இதயமதில் துன்பமிலாத்
துள்ளல், துடிப்பு, சுகதேகம் சோர்வறியாப்
பள்ளிப் பருவம் படிக்க மட்டும் ஆர்வமின்மை
என்றிவ்வாறாக என் வாழ்வு ஓடியதும்
ஒன்றொன்றாய் வாழ்வு உருமாற்றம் பெற்றதுவும்
கால நதியிற் கரைந்தெனது உள்ளத்தின்
சீலமெலாம் மாறி சிந்தனையுள் பெண்ணாசை
பாலுணர்வு, காதல், பழக்க வழக்கமெனும்
பல்வேறு கெட்ட பகைகள் வந்து சேர்ந்ததுவும்
எண்ண மனதில் இன்றும் கனக்கிறது.
பால்யத்து வீதியிலே பழையபடி போகவொண்ணா
ஒற்றைவழிப் பாதையில்நான் ஓடிவந்து நிற்கின்றேன்
இற்றை நிலைக்கும் இனிமேல் வரப்போகும்
முற்றிப் பழுத்த முதுமைதரும் தீரா நோய்
உற்றுப் பிறரின் உதவியின்றி வாழவொண்ணா (து)
ஏங்கும் நிலைக்கும் இறப்பை எதிர்பார்த்துத்
தூங்கும் நிலைக்கும் தூரம் அதிகமில்லை.
ஒற்றைவழித் தடத்தில் உயிர் பிரிந்து போம்வரைக்கும்
காத்து நிற்க வேண்டும், கடைசி வரை மூச்சிழுத்துப்
பார்த்திருக்க வேண்டும், பாசக்கயிற்றோடு
காலனிடைப் புகுந்து கணக்கை முடிப்பதற்காய்
தேடிடவும் கூடும்,  தேடிப் பிடித்துடனே
ஆளிவர்தான் என்று அவன்கயிற்றை வீசுகிற
வேளை வரைக்கும் வீண்கவலை வேண்டாமே.
- எஸ் கருணானந்தராஜா
**
மழலை மாறா முகத்துடன்
மலர்ந்து விரிந்ததும்
மனதிலே அச்சமேதுமின்றி
மண்ணிலே  அகரமெழுதியதும்
சின்னச்சின்ன சேட்டைசெய்து 
சிட்டாகப்    பறந்ததும்
சினம் கொண்ட சுற்றத்தின்
சிந்தையதைக்  கவர்ந்ததும்
கற்பனை  ஊற்றெடுக்க
கனவுகளுடன் கைக்கோர்த்ததும்
கள்ளம் கபடமின்றி
கடவுளாகத்   தோன்றியதும்
காலம் பல கடந்தும்
கண்முன்னே விரியுது...
பாசமான நட்புடன் 
பயணித்த பால்யவீதியது.....
- ஜெயா வெங்கட்
**
பாலிய வீதியிலே கற்றது 
கைமண் அளவு கல்லாதது 
உலகளவு!
மூன்று வயதில் தாயின் 
கை பிறிய மனமில்லாமல் 
பள்ளிக்கு செல்ல துவங்கியதும்,
ஆறு வயதில் தன் பேனாவையும் 
பென்சிலையும் காட்டி பெருமைபடுவதும்,
ஒன்பது வயதில் தன் 
சிற்றுண்டியை பகிர்ந்து 
மகிழ்வதும்,
பன்னிரண்டு வயதில் தோழிகளில் தானே 
அழகு என்ற அகம்பாவமும் தோழர்களில் 
நானே மிடுக்கன் என்ற கர்வமும்,
பத்தாவது தேறிய15-வது வயதில் 
எனக்கு நிகர் நானே என்று 
தன்நம்பிக்கை தலைதூக்குவதும்,
காதல்வயப்படும் பதினாறில் 
சக மாணாக்கர் தன்னையே பார்கின்றனர் 
என்று பெருமிதம் கொள்வதும்,
பதினேழில் மீண்டும் சந்திப்போமா 
என்ற எண்ணத்தோடு 
பறந்துவிறிந்த வானில் பறக்க தயாராகி 
இதுவரை, என்ன நடந்தது,ஏன் நடந்தது,
எப்படி நடந்தது, எதற்கு நடந்தது என்று 
பல கேள்விகளுக்கு விடை விளங்கியும் 
விளங்காமலும், 
புத்தக பாடத்தை கற்று, வாழ்வின் 
பாடம் கற்க பறக்கும் இந்த பால்ய வீதியே இளமை பருவம்.
இதில் நாம் கற்றது கையளவு கல்லாதது உலகளவு!
- பிரியா ஸ்ரீதர்
**
பறவையாய்ப் பறந்து திரிந்து
பம்பரமாயச் சுழன்று ஆடி
பாசமான நட்புடன் கைகோர்த்து
பால்ய  வீதியில் விளை யாடியதை...
கள்ளம் கபடம் இல்லாத
பள்ளிப் பருவத்தை..
புத்தகச் சுமை  இன்றி
புழுதியில் புரண்ட.தை...
மழைநீரில் காகிதக் கப்பலும்
வெய்யிலில் காற்றாடியும் விட்டதை...
பரமபதமும் பல்லாங் குழியும்
பயிற்றுவித்த பாடத்தை..
கண்ணிமை எனக்   காத்து
கதை சொன்ன பாட்டியை..
திண்ணையில் அமர்ந்து அன்று
திருவாசகம்படித்த தாத்தாவை..
சிந்தையை சிறை பிடிக்கும்
விந்தைமிகு கணினி உலகில்
பயணி க்கும்  இன்றைய
பாலகர் அறிவாரோ ?
- ருக்மணி, கோவை 
**
ஜாதி என்பது எங்களுக்கு தெரியாது
மதம் என்பது எங்களுக்கு புரியாது
தீவிரவாதத்தை நாங்கள் அறியமாட்டோம்
பாலியலை நாங்கள் கண்டுகொள்ள மாட்டோம்
சமுதாய சீர்கேடு எங்களுக்கு தெரியவே தெரியாது
பொறாமை என்பது எங்களிடம் இல்லவே இல்லை
கோபம் எங்களுக்கு வரவே வராது
அரசியல் என்பது என்ன ?
கலவரம் என்பது எங்கே ?
கள்ளத் தனம் ஏதுமில்லை 
பழிவாங்கும் எண்ணமில்லை
பிரச்சனை ஏதுமில்லை
எங்களுக்கு தெரிந்ததெல்லம்
தாத்தா, பாட்டி
அன்னை, தந்தை
அண்ணன், அக்காள்
தங்கை, தம்பி உறவுகள்
அதையும் தாண்டிய நண்பர்கள்
அன்பு, அரவணைப்பு, மகிழ்ச்சி
அடம்பிடித்தல், உணவுப் பண்டம்
விளையாட்டு, விளையாட்டு பொருட்கள்
சண்டையிட்டாலும் இணைந்து கொள்வோம்.
இணைந்து கொண்டாலும் சண்டையிடுவோம்
இந்த பால்ய வீதி - வாழ்க்கை முழுதும் தொடருமா ?
என்ற ஏக்கத்தில் நாம் !
- ஆம்பூர் எம். அருண்குமார்
**
பால்ய வீதியில் ....
காண்பதெல்லாம் பரவசமே 
கண்டதெல்லாம் சொர்க்கமே 
கற்பது தான் எதிர்காலமே 
கற்றவழி நிற்பது எதிர்காலமே 
திரும்பி வராத சொர்க்கங்கள்  
அரும்பும் மீசைக் கனவுகள் 
விரும்பிடும் வண்ணப்பூச்சிகள் 
விரிந்திடும் ஞானத்தேடல்கள் 
தீயது விலக்கி நல்லது கற்றிடு
மானென துள்ளி சிகரம் தொடு 
அறிவுத்தேடலில் ஆற்றல் பெருக்கிடு....
- பாலா கார்த்திகேயன் 
**
பால்ய வீதியை கடக்காதோர் யாருமிலர்!
அதில் பயின்றவர் வீணாய் போனதிலர்! 
வறுமையை சந்தித்திருந்தால் சம்பாதிக்க பயில்வாய்!
பெருமையை சந்தித்திருந்தால் சமகாலத்தில் தங்கி நிற்பாய்!
பயிற்சி எடுத்திருந்தால் சிகரம் தொடுவாய்!
படுத்து உறங்கியிருந்தால் சில சுற்று வளர்வாய்!
எதுவுமே வீணல்ல உபயோகபடும் வரை!
எதுவுமே வீண்தான் உபயோகப்படாத வரை!
பால்ய வீதியில் விழுந்து, எழுந்து நடந்து, கடந்தால் பின்பு சுலபம்!
பால்ய வீதியில் படுத்து, உறங்கி, சோம்பித்திரிந்தால் பின்பு கடினம்!
இந்தியா உயரும் என்பது பால்யவயதினரின் உழைப்பின் கனவில்!
வாரிர் உறக்கம் விழித்து நாட்டை உயர்த்தும் பணிபுரிவோம் வாரீர்!
விழி.எழு.விருட்சமாகுக!
- இனிய தமிழ் செல்வா, ஓமன்
**
அது ஒரு பால்வெளிப்   பயணம்
சென்றுவிட்டால் மீள்வது கடினம்
பயணித்ததை யாரும் மறந்துவிடமுமில்லை
தொலைவுகள் தெரியாமல் தொலைந்துபோய் 
வானம் வசப்பட்ட வேளை அது.
விளக்குவதற்கு அருஞ்சொற்பொருளும் இல்லை
கிழிந்த டவுசரை பிடித்து டயர் ஒட்டிய
நினைவுகள் தேன் மிட்டாயாய் நெஞ்சில் கசிகிறது.
பிலிம் பார்த்து கதை சொன்னது
நினைவுத் திரையில்  காவியமாய் ஓடுகிறது. 
வருடங்கள் ஓடி எல்லாமும் பெற்றுவிட்டோம்
பால்யம் ஒன்றை தவிர... 
- எம்.  விக்னேஷ் 
பள்ளி காலம்
வேலி தாண்டிடும் 
தோள்பை கால்கள் நண்பனோடு! 
வழியோர வீட்டு 
மதில் மேல் தாவிடும்! 
மரத்து கனிகளை 
டவுசருக்குள் நிறைத்திட! 
கிளை அசைவு 
உரியவர் காது தொட! 
அதட்டல் சத்தம்
ஓட்டம் எடுத்திடும் 
பாதி பை நிரப்பிக்கொண்டு! 
நட்புகளுடன்
நாட்கள் நதியாய் நகர்ந்திட!
ஆண்டுகள் 
பல கடந்த பின் 
பால்ய வீதியை
பார்த்துக்கொண்டே
பெற்ற பிள்ளைகளை
பள்ளி அழைத்து செல்கிறேன்!
போட்ட குறும்புகளை நினைத்துக்கொண்டே 
கண்கள் ஈரமாய்
கன்னங்கள் அருவியாய்!!! 
- தஞ்சை. ரீகன்
**
பால்யகாலந்தொட்டே கூடவே பயணித்திடும் தினமணிக்கு கவிதைசூட்டுவதை எண்ணி மகிழ்கின்றேன்! அச்சில் வந்தால் ஆனந்தம்!
பால்யவீதியில்! 
நாலணாவிற்கு தேன்மிட்டாய்
நான்கெட்டில் அத்தைவீடு
நகர்வலம்வர வாடகை சைக்கிள்
நீட்டியுறங்க நொச்சிநிழல்!
திருவிழாக்காலத் தெருக்கூத்து 
திண்ணைக்கிழவிகளின் தெம்மாங்கு
தீராமழையைத் தாங்கும்குழி
தூரத்துக்கண்மாயின் ஒற்றைவழி!
மஞ்சள்நீரன்றைக்கு மறையக்கூண்டுகள்
அஞ்சல்பெட்டிக்கம்பத்து கரையான்கூடுகள்
எஞ்சிய காலங்களுக்கு ஞாபகவூர்தி - இனி
எப்போது போவேனோ, என் பால்யவீதி! 
- கிருஷ்ணபிரசாத், பெங்களூரு
*
பாவாடை தாவணியில்
பாண்டி ஆடிக்கொண்டிருந்தவர்கள்
தொலைக்காட்சிப்பெட்டிக்குள்
தொலைந்து போயாச்சு !!
பல்லாங்குழியில்
பதித்திருந்த விரல்கள்
அலைபேசிக்குள் ஒட்டிக்கொண்டாச்சு !!
அவிழும் ஆடைகளை மறந்து
கவிழும் பட்டங்களைப்பார்த்த
சின்னச்சின்ன பார்வைகள் பாழாச்சு !!
மதங்களைப் பார்க்காமல்
மனங்களைப் பார்த்த
மகிழ்ச்சி முகங்கள் மறைந்தாச்சு !!
மாலையில்,  வியர்வையில் குளிக்காத
ஒரு ட்யுஷன் யுகம் பொறந்தாச்சு !!
வழுக்கும் சாலைகள் ,
பறக்கும் வாகனங்கள்,
முதியவர் சிலரின் நடைப்பயிற்சியில்
வீதிகளின் பால்யத்தை
என்றோ இழந்தாச்சு !!
- கவிஞர் டாக்டர் எஸ். பார்த்தசாரதி -- MD DNB PhD

_________________
அன்புடன்
அ.இராமநாதன்
[You must be registered and logged in to see this link.]
அ.இராமநாதன்
அ.இராமநாதன்
நவரச நாயகன்
நவரச நாயகன்

Posts : 29488
Points : 64786
Join date : 26/01/2011
Age : 74

Back to top Go down

Back to top


 
Permissions in this forum:
You cannot reply to topics in this forum