வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

இந்திய அரசுக்கு எதிராக பிரளயமாக வெடிக்கும் ; வைகோ ஆவேசம்

தமிழ்த்தோட்டம் :: செய்திச் சோலை :: செய்திச் சங்கமம்

Page 1 of 1

இந்திய அரசுக்கு எதிராக பிரளயமாக வெடிக்கும் ; வைகோ ஆவேசம்

by அரசன் Thu Jun 23, 2011 6:33 pm

[You must be registered and logged in to see this image.]

மதிமுக பொதுச்செயலாளர் வைகோ இன்று செய்தியாளர்களுக்கு பேட்டி அளித்தார்.
அப்போது அவர், ‘’சமச்சீர் கல்வியில் அ.தி.மு.க. அரசு தவறான அணுகுமுறையை கையாண்டு வருகிறது. தனி நபர் துதி பாடுபதை அப்புறப்படுத்தி விட்டு சமச்சீர் கல்வி பாடபுத்தகங்களை அரசு அமுல்படுத்தலாம். ஏற்கனவே புத்தகங்களை அச்சடிக்க 250 கோடி ரூபாய் செலவிடப்பட்டுள்ளது. 15 நாட்கள் காலதாமதமாக பள்ளிகள் திறக்கப்பட்டுள்ளன.

உயர்நீதிமன்ற தீர்ப்பை ஏற்று அரசு செயல்பட்டிருக்க வேண்டும். ஏற்கனவே கல்வி நிபுணர்கள் குழுவினர் கூறிய கருத்தை அரசு ஏற்றிருக்க வேண்டும். தற்போது தனியார் பள்ளி நிர்வாகிகளை புதிய நிபுணர்கள் குழுவில் சேர்த்திருப்பது கண்டிக்கத்தக்கது.

இலங்கை அரசுக்கு இந்திய அரசு பொருளாதார தடை விதிக்க வேண்டும் என்று அ.தி.மு.க. அரசு தீர்மானம் நிறைவேற்றி உள்ளது. அதே நேரத்தில் ஏற்கனவே பொருளாதார ஒப்பந்தத்தில் கையெழுத்து போட்டதையும் ரத்து செய்ய கோரி முன்வைக்காதது ஏன்?

இலங்கை அரசால் தமிழக மீனவர்கள் அடிக்கடி பாதிக்கப்படுகிறார்கள். இதை இந்திய அரசு கண்டிக்காதது ஏன்? இதே நிலை நீடித்தால் மீனவர்கள் மத்தியில் கொந்தளிப்பு ஏற்படும். அதுவே இந்திய அரசுக்கு எதிராக பிரளயமாக வெடிக்கும்.மீனவர்களுக்கு ம.தி.மு.க. உறுதுணையாக இருக்கும்’’ என்று கூறினார்.

நன்றி : நக்கீரன்

அரசன்: நடத்துனர்; Posts : 8081
Points : 9147
Join date : 18/12/2010
Age : 34
Location : என் ஊர்ல தான்