தம்பதிகள் ஒருவர் மனதில் ஒருவர் இடம்பிடிப்பதற்கு முக்கிய இடமாக விளங்குவது படுக்கையறை. இதன் அருமையை உணர்ந்த இந்தியர்கள் சங்க காலத்திலேயே பல ஆய்வுகள் செய்து காமசூத்ரா உள்ளிட்ட உலகப்புகழ் வாய்ந்த நூல்களையும், கஜுராஹோ சிற்பங்களையும் படைத்துள்ளனர்.

தற்போதைய பணம் தேடும் யுகத்தில் தம்பதிகளிடையே நெருக்கமான நேரங்கள் குறைந்தாலும், கலவியில் உச்சத்தை எட்ட வேண்டும் என்பதே நவநாகரிகப் பெண்களின் ஆவலாக உள்ளது. ஆனால் காலையில்

அலுவலகத்திற்குச் சென்றுவிட்டு இரவில் வீடு திரும்பும் கணவர்களுக்கு ஏற்படும் அலுவலக டென்ஷன் காரணமாக படுக்கையறையில் அவர்கள் பலமிழந்த நிலையில் செயல்படுகின்றனர்.

இதன் காரணமாக “நான் விரும்பிய உச்சநிலையை அடைவதற்கு முன்பாகவே என் கணவர் ‘துவண்டு’ விடுகிறார்” என்று பல திருமதிகள் தற்போது தயக்கம் இல்லாமல் தங்களின் தோழிகளிடம் வருத்தப்படுவது சாதாரணமாகி விட்டது.

இது இப்படி என்றால், விடுமுறை நாட்களில் காலை முதல் மாலை வரை கணவருக்கு பிடித்த உணவு வகைகளை செய்து கொடுத்து, அவருக்கு தேவையான பணிவிடைகளையும் செய்து இன்பமான இரவு நேரத்தை எதிர்நோக்கி ஆவலாக காத்திருக்கும் அம்மணிகளும் ஏமாற்றம் அடைவதுதான் வேதனையான விஷயம். இதற்கு காரணம் அவர்களின் கணவர்கள் விரைவாகவே ‘விளையாட்டை’ முடித்துவிடுவதுதான். இதனால் மனைவிகள் மிகவும் தவித்துப் போகும் நிலையும் ஏற்படுகிறது.

“இரவு முழுவதும் திருப்திப்படுத்த வேண்டாம், ஒரு 30 நிமிடமாவது கவனிக்க வேண்டாமா” என்று அங்கலாய்க்கும் மனைவிகளுக்காகவே உருவாக்கப்பட்டு வருவதுதான் PSD-502 ஸ்பிரே.

விந்து முந்துவதால் விரைவிலேயே காதல் விளையாட்டை கணவர்கள் முடித்து விடுவதால் ஏக்கப்படும் பெண்களுக்காகவே பிரத்யேகமாக தயாரிக்கப்பட்ட ஸ்பிரே இது என்றாலும், இதனைப் பயன்படுத்தப்போவது என்னவோ ஆண்கள்தான்.

உறவின் போது நீண்ட நேரம் தாக்குப் பிடிக்க முடியாத ஆண்களுக்கென்றே பிரத்யேக ஸ்பிரேக்கள் ஏற்கனவே விற்பனையில் இருந்தாலும், தற்போது உருவாக்கப்பட்டுள்ள இந்த PSD-502 ஸ்பிரே மற்றவற்றை விட பன்மடங்கு சிறப்பான பலனைத் தரும் எனத் தெரிவிக்கப்பட்டுள்ளது.

இங்கிலாந்தின் ராயல் விக்டோரியா மருத்துவமனையைச் சேர்ந்த
மருத்துவர்கள் குழு உருவாக்கியுள்ள இந்த ஸ்பிரே-வில் ஆணுறுப்பின் மேற்புறத்தில் உள்ள உணர்ச்சிகளை மட்டுப்படுத்தும் லிடோகைன் (lidocaine), ப்ரிலோகைன் (prilocaine) வேதிப் பொருட்கள் குறிப்பிடத்தக்க விகிதத்தில் சேர்க்கப்பட்டு உள்ளன.

காதல் விளையாட்டிற்கு 5 நிமிடத்திற்கு முன்பாக ஸ்பிரேவை ஆணுறுப்பில் தெளித்துக் கொள்வதால், அதன் உணர்ச்சிகள் மட்டுப்படுத்தப்படுகின்றன. இதன் காரணமாக பெண்ணுறுப்பில் உள்ளே செல்லும் ஆணுறுப்பு நீண்ட நேரம் வரை உச்சத்தை எட்டாமல் இயங்க முடியும் என மருத்துவர்கள் தெரிவித்துள்ளனர்.

சுமார் ஒரு நிமிடத்திற்குள் விந்தை வெளியேற்றிவிடும் தன்மையுள்ள 300 ஆண்களை ‘தேடிக்’ கண்டறிந்து இந்த பரிசோதனையை ராயல் விக்டோரியா மருத்துவமனை குழு நடத்தியது. இதில் 200 ‘முந்தும்’ கணவர்களுக்கு PSD-502 ஸ்பிரேவை வழங்கிய குழு, மற்ற 100 பேருக்கு சாதாரண (வேதிப் பொருட்கள் இல்லாத) ஸ்பிரேவை வழங்கியது.


இதில் PSD-502 ஸ்பிரேவை பயன்படுத்திய கணவர்கள், சுமார் 6.3 நிமிடங்கள் வரை தாக்குப் பிடித்ததாகவும், சாதாரண ஸ்பிரே உபயோகித்தவர்கள் 1.7 நிமிடங்கள் மட்டுமே தாக்குப் பிடித்ததாகவும் ஆய்வில் தெரியவந்துள்ளது.

பெண்களுக்கு பேருதவியாக இருக்கப் போகும் இந்த PSD-502 ஸ்பிரேவை பயன்படுத்துவதால் பெண்ணுறுப்பில் சிறிது எரிச்சல் இருப்பதாகம், உணர்ச்சியற்ற தன்மையால் ஆணுறுப்பு விறைப்புத்தன்மை குறைந்து விடுவதாகவும் இதனை பயன்படுத்தியவர்கள் தெரிவித்துள்ளனர்.

எனினும் இந்த ஸ்பிரேவைப் பயன்படுத்திய பின்னர் ஆணுறை பயன்படுத்தினால் பெண்ணுறுப்பில் எரிச்சல் ஏற்படுவதைத் தவிர்க்கலாம் என இதனை உருவாக்கியுள்ள மருத்துவர்கள் யோசனை தெரிவித்துள்ளனர்.