ஓய்வு பெற்ற பைலட்கள் மூலம் விமானம் இயக்கம்

புதுடில்லி: பல்வேறு கோரிக்கைகளை வலியுறுத்தி போராட்டம் நடத்தி ஏர் இந்தியா
பைலட்டுகளின் வேலை நிறுத்த போராட்டம் எட்டாவது நாளாக தொடர்ந்த நீடித்த
வருகிறது. இதனால் 165 விமானங்களை கொண்டுள்ள ஏர் இந்தியா விமான நிறுவனம் 40
விமானங்களை மட்டுமே இயக்கவேண்டிய கட்டாயத்தில் உள்ளது. டில்லி
உயர்நீதிமன்றமும் பைலட்டுகளை உடனடியாக பணியில் சேர வலியுறுத்தியபின்னரும்
பைலட்டுகள் தொடர்ந்து போராட்டம் நடத்தி வருகின்றனர். இந்நிலையில் பயணிகளின்
நலனை கருத்தில் கொண்டு மத்திய அரசு அதிரடி நடவடிக்கையை மேற்கொள்ள உள்ளது.
இதன்படி ஒய்வு பெற்ற பைலட்டுகளை கொண்டு விமானங்களை இயக்குவது என்பதாகும்.
இதன்மூலம் பயணிகளுக்கு ஏறபட்டுள்ள அசவுகரியங்களை குறைக்க முடியும் என்று
அரசு கருதுகிறது.மேலும் போராட்டத்தில் ஈடுபட்டு வரும் இந்திய கமர்ஷியல்
பைலட் அசோசியேஷனை சேர்ந்த பைலட்டுகள் ஒன்பது பேருக்கு கோர்ட விளக்கம்
கேட்டு நோட்டிஸ் அனுப்பியுள்ளது. அதன் மீதான விசாரணை வரும் 25-ம் தேதி
நடைபெற உள்ளது என்பது குறிப்பிடத்தக்கது.