ஐஸ்கட்டி மயமான பிரித்தானியா! மக்களுக்கு அவசர எச்சரிக்கை (ஆரணி அக்கா)

கிட்டத்தட்ட பிரித்தானியாவின் அனைத்துப் பகுதிகளும் பனிக்கட்டியால் மூடப்பட்டுள்ளது. மக்கள் அனைவரும் முன் எச்சரிக்கையுடனும் அவதானமாகவும் இருக்குமாறு வானிலை அவதான மையம் அவசர வேண்டுகோள் விடுத்துள்ளது.

வீதிகள் எல்லாம் கடுமையான பனிப்பொழிவால் பாதிக்கப்பட்டுள்ளதால் வாகன ஓட்டிகளை அவதானமாக இருக்குமாறு கேட்டுக்கொள்ளப்பட்டுள்ளது.

கடுமையான பனிப் பொழிவின் காரணமாக விபத்தில் சிக்கியதில் ஒருவர் உயிரிழந்துள்ளார்.

குறிப்பாக மோட்டர் சைக்கிள் ஓட்டிகள் கடுமையாக எச்சரிக்கப்பட்டுள்ளார்கள்.

வீதிகளில் செல்லும் போது திடீரென பாரிய பனிப்புயல் தாக்கலாம் என வானிலை அவதான மையம் எச்ச்சரித்துள்ளது.

நாளை, மற்றும் தொடர்ந்து வரும் தினங்களில் இன்னும் அதிக பனிப்பொழிவு இருக்கலாம் எனத் தெரிவிக்கப்பட்டுள்ளது.

தொடர்ந்து வரும் நாட்களில் -9 பாகை செல்சியஸ் அளவில் நிலைமை இன்னும் மோசமடைந்து செல்லலாம் என எதிர்வு கூறப்பட்டுள்ளது.

இதனால் பிரித்தானியாவில் மக்களின் இயல்பு வாழ்க்கை பெரிதும் பாதிக்கப்பட்டுள்ளது.

நன்றி தமிழ் சி என் என்