சென்ரியுவாய்த் திருக்குறள் 31

by **கவியருவி ம. ரமேஷ்** Thu Feb 16, 2012 11:52 am

First topic message reminder :

குறள் 31:
சிறப்புஈனும் செல்வமும் ஈனும் அறத்தினூஉங்கு
ஆக்கம் எவனோ உயிர்க்கு.
கலைஞர் உரை:
சிறப்பையும், செழிப்பையும் தரக்கூடிய அறவழி ஒன்றைத்தவிர ஆக்கமளிக்கக் கூடிய வழி வேறென்ன இருக்கிறது?.
மு.வ உரை:
அறம் சிறப்பையும் அளிக்கும்: செல்வத்தையும் அளிக்கும்: ஆகையால் உயிர்க்கு அத்தகைய அறத்தை விட நன்மையானது வேறு யாது?.
சாலமன் பாப்பையா உரை:
அறம், நான்கு பேர் முன் நமக்கு மேன்மையைத் தரும்; நல்ல செல்வத்தையும் கொடுக்கும். இத்தகைய அறத்தைக் காட்டிலும் மேன்மையானது நமக்கு உண்டா?.

தளிரின் சென்ரியு

ஆக்கமளிக்கும்
ஆசிர்வதிக்கும்
நல்லறம்.

செல்வத்தினையும் சிறப்பினையும் தருவது நல்லறமே!

பொருளோடு
புகழும் தரும்
நல்லறம்!

பொருளையும் புகழையும் தருவது நல்லறம்

ம. ரமேஷ் சென்ரியு

சிறப்பும்
செல்வமும்
அறத்தால் விளைவது

ஹிஷாலீ சென்ரியு

செல்வம் சிறப்பு
ஈடில்லை
நல்லறம்...!

மழை செழிப்பு
மனிதன் சிறப்பு
நல் அறவழி....!

சொலவம் சிறப்பு
இல்லா மனிதன்
உயிரற்ற பொம்மை...!

by **கவியருவி ம. ரமேஷ்** Mon Mar 26, 2012 2:00 pm

thaliranna wrote:தளிரின் சென்ரியுவாய் திருக்குறள் 31

ஆக்கமளிக்கும்
ஆசிர்வதிக்கும்
நல்லறம்.

செல்வத்தினையும் சிறப்பினையும் தருவது நல்லறமே!

பொருளோடு
புகழும் தரும்
நல்லறம்!

பொருளையும் புகழையும் தருவது நல்லறம்