சென்ரியுவாய்த் திருக்குறள் 76

by **கவியருவி ம. ரமேஷ்** Tue Apr 10, 2012 8:35 am

குறள் 76:
அறத்திற்கே அன்புசார் பென்ப அறியார்
மறத்திற்கும் அஃதே துணை.
கலைஞர் உரை:
வீரச் செயல்களுக்கும் அன்பு துணையாகத் திகழ்கிறது என்பதை அறியாதவர்களே, அறச் செயல்களுக்கு மட்டுமே அன்பு துணையாக இருப்பதாகக் கூறுவார்கள்.
மு.வ உரை:
அறியாதவர், அறத்திற்கு மட்டுமே அன்பு துணையாகும் என்று கூறுவர்:ஆராய்ந்து பார்த்தால் வீரத்திற்கும் அதுவே துணையாக நிற்கின்றது.
சாலமன் பாப்பையா உரை:
அறத்திற்கு மட்டுமே அன்பு துணையாகும் என்று கூறுவோர் அறியாதவரே; மறத்திற்கும் கூட அதுவே காரணம் ஆகும்.

ம. ரமேஷ் சென்ரியு

வீரத்துக்கும்
துணையாக வருவது
அன்பு

ஹிஷாலியின் சென்ரியு

அறத்திற்கும்
மறத்திற்கும்
அன்பே துணை

தளிரின் சென்ரியு

அன்பினில் விளையும்
அறமும்
வீரமும்!

அன்பு அறத்திற்கு மட்டுமல்ல வீரத்திற்கும் விளைவிடமாகும்