மண்ணுக்குள்ள போனதுக்கப்றம் எதுக்கு வேணும் கண்ணு ?

by **ranhasan** Tue Jul 16, 2013 4:47 pm

பதிவோட தலைப்பு படு மொக்கையா இருக்கலாம் ஆனால் பதிவு முக்கியமானது... எத்தனையோ பேரு கவிதைத்துவமாகவும் சிந்தனைத்துவமாகவும் சொன்ன விஷயம்தான் இது, நான் எதுவும் புதுசா சொல்றதுக்கு இல்லை..

செத்த பிறகு நாய் கடிச்சாலும் நரி கடிச்சாலும் நமக்கு தெரிய போறதில்லை, பொத்தி பொத்தி பாதுகாத்த மேனியும் அழகும் மென்மையும் சில மணிநேரங்கள்ல சிதைந்து போய்ற கூடியது... கடைசில புதைச்சோ எரிச்சோ முழுமையாக அழிக்கப்படபோற ஒரு கூடு நம் உடம்பு... ஆனால் உள்ள இருக்க நமக்கு மட்டுமே சொந்தமான நம்மால் மட்டுமே உணர முடிந்த ஒன்னு நம்முடைய உடல் உறுப்புகள், அதுக்கும் ஆயுள் காலம் நாம செத்து சில மணிநேரங்களுக்கு மட்டும்தான்... அதுக்குள்ள அதை இன்னொருத்தருக்கு பொருத்தினா அவுங்க மூல்யமா நமது உறுப்புகள் அழியாமல் இருக்கும்... இது எவ்ளோ பெரிய அறிவியல் சாதனை, எனது இதயம் இன்னொருவர் உடலில் துடிப்பதும், எனது கண் மற்றொருவர் பார்வையில் காட்சியை பிரதிபலிப்பதும் எத்தனை பெரிய அதிசயம், அத்தனையும் நிகழ்காலத்தில் நடந்துகொண்டுதான் இருக்கிறது... எனது உடல் உறுப்புகளை நான் எப்பொழுதோ தானம் செய்துவிட்டேன்.. வெறும் ஒரு நாளைக்கு ஊறார் பார்த்து ஒப்பாரி வைக்குற பொனமா போறதை விட ஒருத்தர் உடம்புல ஒரு அங்கமா வாழ்றது எனக்கு பிடிச்சுருக்கு, உங்களுக்கும் பிடிச்சுருந்தா கீழ இருக்க ஆன்லைன் கண்தானம் பதிவு செய்யும் தளம் சென்று பதிந்து கொள்ளுங்கள்...

http://donateeyes.org/registration/registration-form.php