கூவி அழைக்குது பார் - (கவிதை) - மரபின் மைந்தன் முத்தையா

by **அ.இராமநாதன்** Sun Oct 26, 2014 8:21 am

[url=https://www.filepicker.io/api/file/J1mwRUEaRKuN7gtPFpEZ+va mani.jpg][/url]

-
நிலவின் கிரணம் பருகும் விழிகள்
நட்சத்திரங்கள் எண்ணட்டும்
ஒளிரும் கதிரின் விடியல் பொழுதில்
உலகில் நுழைந்து வெல்லட்டும்
-
மலரும் அரும்பில் மதுவின் புதையல்
மனமே வாழ்வும் அது போலே
உலரா உறுதி உனக்குள் இருந்தால்
உயர்வுகள் எல்லாம் மனம்போலே!
-
பரவிக் கிடக்கும் இயற்கை அழகைப்
பருகும் மனதில் பலம் கூடும்
புரவிக் குளம்பின் ஒலியை நொடியின்
நகர்வில் உணர்ந்தால் விசைகூடும்
-
அருவிக் குளியல் போன்றது வாழ்க்கை
அரைகுறை நாட்டம் போதாது
குருவிக் கிருக்கும் குறுகுறுவேகம்
நமக்கேன் இருக்கக் கூடாது!
-
கொட்டிக்கிடக்கும் பிரபஞ்ச அழகு
கூவி அழைக்குது வாழ்ந்திடவே
எட்டிப் பிடிக்க எத்தனை சிகரம்
எல்லாம் அழைக்கும் ஏறிடவே
=
கொட்டி முழக்கி கிளம்பிடு நண்பா
கவலை தயக்கம் கூடாது
முட்டி முளைக்கும் விதையின் முனைப்பு
முயற்சியில் இருந்தால் தடையேது!
-
===================================

>மரபின் மைந்தன் முத்தையா
நன்றி: நமது நம்பிக்கை , அக்டோபர் 2014

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கூவி அழைக்குது பார் - (கவிதை) - மரபின் மைந்தன் முத்தையா

கூவி அழைக்குது பார் - (கவிதை) - மரபின் மைந்தன் முத்தையா

Re: கூவி அழைக்குது பார் - (கவிதை) - மரபின் மைந்தன் முத்தையா