ஔவையாரின் பொன்மொழிகள்

by **அ.இராமநாதன்** Sat May 17, 2014 10:25 am

[You must be registered and logged in to see this image.]

----

கெடுவது செய்யின் விடுவது கருமம் :
-
கெடுதி செய்துதான் ஒரு காரியத்தில்
வெற்றி பெற வேண்டுமாயின் அக்
காரியத்தையே விட்டு விடுவது நல்லது.
-
கைப்பொருள் தன்னின் மெய்ப்பொருள் கல்வி :

உனது கைப்பொருளைவிட உன்னிடம்
கடைசிவரை நிற்கக்கூடிய மெய்ப்பொருள்
உன் படிப்புதான்.
-

ஊக்கம் உடைமை ஆக்கத்திற்கு அழகு :

ஆக்கத்திற்கும் வெற்றிக்கும் உற்சாகங்களைத்
தருவது ஒருவனிடம் இயல்பாக அமைந்திருக்கும்
ஊக்கம்தான்.
-

ஒளவியம் பேசுதல் ஆக்கத்திற்கு அழிவு :

ஒருவன் பொறாமையுடன் வீறாப்புப் பேசினால்
அது அவனுடைய ஆக்கத்திற்கு அழிவு தரும்.
-
கிட்டாதாயின் வெட்டென மற :

கிடைக்காததை அந்தக் கணமே அடியோடு
மறந்து விடு.
-
தீராக்கோபம் போராய் முடியும் :

தணியாத கோபம் தவிர்க்க முடியாத சண்டையில்
வந்து முடியும்.
-
தேடாது அழிக்கின் பாடாய் முடியும் :

ஒருவன் எதையும் தேடாமல் தன்னிடமுள்ளதை
செலவழித்துக் கொண்டிருந்தால் அவனது பிற்கால
வாழ்க்கை பெரும் துன்பத்தில் முடியும்.
-
கெடுப்பது ஒழி :

எதையும் எவரையும் கெடுப்பதை உன் சு
பாவத்திலிருந்து ஒழித்து விடு.
-
மனம் தடுமாறேல் :

எந்த சந்தர்ப்பத்திலும் மனம் தடுமாறாதே.
-
மிகைபடச் சொல்லேல் :

மிதமிஞ்சிப் பேசாதே. எதையும் மிகைப்படுத்திச்
சொல்லாதே.
-
-----------------------------------
-தொகுப்பு: குடந்தை ராஜகோபால், சேலம்.
(சிறுவர் மணி)