பட்டணம் செல்லும் வழிப்போக்கர் ஒருவர், உருளியில் ஒரு கிராமத்தின் எல்லையை அடையுமுன், கழுதையை மேய்ச்சலுக்கு விட்டபடி ஒருவர் ஓய்வாக படுத்திருப்பவரைக் கண்டார். அப்பொழுது இருவக்குமிடையே நடந்த உரையாடல் இது.

உருளியில் வருபவர்: "காலை வணக்கம், நண்பரே! இப்பொழுது மணி என்னவென்று தெரியுமா?"

படுத்திருப்பவர்: (உடனே சிறிது எழுந்து, கழுதையின் அடிமடியில் கைவைத்து பார்த்துவிட்டு) "மணி, இப்பொழுது பத்தாகி பத்து நிமிடங்கள்..!"

உருளியில் வருபவர்: (கழுதையின் மடியை பார்த்து நேரத்தை சரியாக எப்படி சொல்கிறார் என்ற வியப்புடனும், குழப்பத்துடனும் மீண்டும்) "உறுதியாகவா..?"

படுத்திருப்பவர்: (உடனே மறுபடியும் எழுந்து, கழுதையின் அடிமடியில் கைவைத்து பார்த்துவிட்டு) "ஆமாம், நான் சொன்ன அதே நேரம்தான்..!"

உருளியில் வருபவர்: (தன் கடிகார நேரத்தை சரி பார்த்துவிட்டு வியப்புடன்): "நன்றி..!"


நன்றி சொல்லிவிட்டு சென்றவர், மீண்டும் சில மணி நேரம் கழித்து அதேவழியில் வரும்போது, மீண்டும் அதே இடத்தில் சந்திக்கிறார்.


உருளியில் வருபவர்: "ம்..எப்படி இன்றைய பொழுது.. நன்றாக செல்கிறதா..?"

படுத்திருப்பவர்: "ம்..ஆமாம்"

உருளியில் வருபவர்: (தன் சந்தேகத்தை மறுபடியும் தீர்த்துக்கொள்ளும் விதமாக) : "ம்.. இப்பொழுதும் நேரத்தை பார்த்துச் சொல்லுங்கள்..!"

படுத்திருப்பவர்: "ம்..மறுபடியுமா..?"

படுத்திருப்பவர்: (எழுந்து, கழுதையின் அடிமடியில் மறுபடியும் கைவைத்து பார்த்துவிட்டு): "இப்பொழுது மணி ஏழு, பதினைந்து..!"

உருளியில் வருபவர்: (தன் கடிகாரத்தில் சரி பார்த்துவிட்டு, பெரு வியப்புடன்): "அட..! ஆமாம்..!! மிகச் சரியாக இருக்கிறது..! கழுதையின் மடியில் கை வைத்து, நேரத்தை சரியாக கணித்துச் சொல்கிறீர்களே? எப்படி இந்த யுக்தி..? கொஞசம் சொல்லுங்களேன்..!"

படுத்திருப்பவர்: "இது ரொம்ப எளிது.. ! இப்படி பார்த்துதான் உங்களுக்கு நேரத்தை சரியாக சொன்னேன்..!" என்றவாறு கழுதையின் மடியை முற்றிலும் மேலே தூக்கி அகற்ற,

தூரத்தில் ஒரு கிராமத்தின் மணிக்கூண்டு கோபுரத்தில், கடிகாரம் நேரத்தை காட்டிக்கொண்டிருந்தது..!

வணக்கம் நிலாமதி மேடம் கதை சூப்பர். இந்த கதை தொலைக்காட்சியில் ஒரு தனியார் விளம்பரத்துக்காக யானை பயன்படுத்தியிருப்பார்கள். தாங்களூம் பார்த்திருப்பீர்கள் என்று நினைக்கிறேன்.

சபாஷ் அருமையான பகிர்வு அக்கா நல்லா இருக்கு நன்றி அக்கா தொடர்ந்து பூக்க விடுங்க உங்கள் பூக்களை

சூப்பர்..

சூப்பரா இருக்கு !!