2009ஆம் ஆண்டு ஒக்டோபர் 17ஆம் திகதி கனடாவிற்கு 76 அகதிகளுடன் சென்ற ஓசன்
லேடி என்ற கப்பல் தொடர்பாக கனடாவில் இன்று நால்வர் கைது
செய்யப்பட்டுள்ளனர்.





இது தொடர்பான பத்திரிகையாளர் மாநாடொன்று இன்று கனடாவில் இடம்பெறவுள்ளது.

கனடிய
மத்திய பொலிசாரால் புரஜெக்ற் ஈ-பனூரிக் எனப் பெயரிடப்பட்டு மேற்கொண்டு
வரும் நடவடிக்கையில் கைது செய்யப்பட்ட நால்வரும் கப்பலை செலுத்தி
வந்தவர்கள் என அறியப்படுகின்றது.

கப்பலிற்குப் பொறுப்பாக இருந்த
விக்னராஜா தேவராஜா மற்றும் கப்பலின் கப்டனான கமல்ராஜ் கந்தசாமி மற்றும்
இயந்திரவியாளர்களான பிரான்சிஸ் மனோகரன் மற்றும் ஜெயச்சந்திரன் கனகராஜா
ஆகியோரே கைது செய்யப்பட்டுள்ளனர்.

கனடாவின் கன்சவேட்டிவ் கட்சி
அரசாங்கம் பெரும்பான்மை பலத்துடன் ஆட்சிக்கு வந்ததன் பின்னர் நடைபெறும்
முதலாவது சம்பவம் இதுவாகும். அத்தோடு இக்கப்பல் விவகாரம் தொடர்பாக
இடம்பெறும் முதலாவது கைதும் இதுவாகும்.

இக் கடத்தலுக்கும் விடுதலைப் புலிகளிற்கும் தொடர்பு உள்ளதாகவே கருதப்படுகின்ற போதும் இது நிரூபிக்கப்படவில்லை.

இன்று இடம்பெற்ற கைதுக்கு மேலாக மேலும் பலர் விரைவில் கைது செய்யப்படுவார்கள் என்றும் பொலிசார் தெரிவித்துள்ளனர்.

இக் கடத்தலில் ஈடுபட்டவர்கள் மீதான குற்றங்கள் நிரூபிக்கப்பட்டால் ஆயுள் தண்டனை வரையான தண்டிப்புக்கு இவர்கள் ஆளாகக் கூடும்.

இதேவேளை
பிரிதொரு கப்பலான சண் சீ என்ற கப்பலில் வருகை தந்த 492 பயணிகளிடமும்
பெறப்பட்ட மீதிப் பணத்திற்கான ஒப்பந்த ஆவணங்கள் கனடியப் பொலிசாரிடம் நோர்வே
பொலிசாரால் கையளிக்கப்பட்டுள்ள நிகழ்வு பெரும் சர்ச்சையைக்
கிளப்பியுள்ளது.

இந்த ஒப்பந்தங்களிலுள்ள பெயர் மற்றும் முகவரிகளில்
உள்ளவர்கள் கண்காணிப்பிற்கு உட்படுத்தப்படலாம் என்றும் இது தொடர்ச்சியான
நடவடிக்கைக்கு வழிவகுக்கும் என்றும் தெரிய வருகிறது.

சண் சீ
கப்பலில் வந்த அகதிகளிற்கான வழக்கறிஞர் ஒருவரின் தகவலின் படி,
கைப்பற்றப்பட்ட அந்த ஆவணங்கள் யாவும் அரச தரப்பால் தங்களின் பார்வைக்கு
தரப்பட்டதாகவும் இந்த ஆவணங்கள் காத்திரமான பங்கை வகிக்கும் எனவும்
தெரிவித்துள்ளார்

என்ன நடக்கிறது அங்கே