* நூல் ஆசிரியர் : புதகை மு. தருமராசன்

“புதுகை தென்றல்” என்ற பல்சுவை மாத இதழின் ஆசிரியர் புதகை மு. தருமராசன் நூல் ஆசிரியர் புதுகைத்

தென்றல் இதழில் எழுதி வந்த தலையங்கக் கட்டுரைகள் 63-ஐ நூலாக்கி “கவன ஈர்ப்பு” என்று பெயரிட்டு இருக்கிறார்கள். வாசகர்களின் கவனத்தை ஈர்க்கும் நூலாகா உள்ளது.
புதுகைத் தென்றல் இதழின் வாசகனாகிய நான் மாதா மாதம் படித்து வியந்து பாராட்டிய தலையங்கத்தை ஒட்டுமொத்த நூலாகப் பார்க்கும் போது அடைந்த மகிழ்ச்சிக்கு அளவே இல்லை. நூலாசிரியரின் எழுத்து நடையை பாராட்டியே தீர வேண்டும். நூலிற்கு
அணிந்துரை திறனாய்வுத் தென்றல் தி.க.சி அவர்களின் மொழியில் இதோ.

“சுருங்கக்கூறின் இந்நூலில் உள்ள தலையங்கக் கட்டுரைகள் அனைத்திலும் உயரிய
நாட்டுப்பற்று, மொழிப்பற்று கல்வி கலாச்சாரப் பற்று” ஆகியவை ஒளி வீசுகின்றன.

கல்வெட்டு வார்த்தைகள் நூலின் சிறப்பை ரத்தினச் சுருக்கமாக விளக்கிடும் வைர
வரிகள்.

காலத்தை சுட்டிக் காட்டுவது இலக்கியம் என்பார்கள். இன்னும் 100 ஆண்டுகள்
கழித்து இந்த நூலைப் படித்தால் 100 ஆண்டுகளுக்கு முன்பு நாட்டில் என்ன நடந்தது.
அதற்கு இதழ் ஆசிரியர் எதைப் பாராட்டினார். எதைக் கண்டித்தார். என்பதை எதிர்கால
சமுதாயமும் அறிந்து கொள்ளும் வண்ணம் படைக்கப்பட்ட வரலாற்று ஆவணம் இந்த நூல்

அக்டோபர் 2003 தொடங்கி டிசம்பர் 2008 வரை புதுகைத் தென்றல் இதழ்களை
பத்திரப்படுத்தி வைத்தமைக்கே நூல் ஆசிரியரைப் பாராட்ட வேண்டும். முனைவர்
இரா.மோகன் அவர்கள் கலந்து கொள்ளும் விழாக்களை எல்லாம் ஆவணப்படுத்தி வருவார்கள்.
நாளை கலந்து கொள்ளும் நிகழ்ச்சி எத்தனாவது நிகழ்ச்சி என்று அறுதியிட்டுக்
கூறுவார்கள். அதுபோல புதுகைத்தென்றல் இதழ்களை ஆவணப்படுத்தி பழத்திலிருந்து சாறு
எடுப்பதைப் போல தலையங்கக் கட்டுரைகளை மட்டும் தொகுத்து நூலாக்கியது
மிகச்சிறப்பு. “உலகப் பொதுமறையாம் திருக்குறளில் பாடாத பொருளே இல்லை”
என்பார்கள். அதுபோல கவன ஈர்ப்பு நூலில் “சொல்லாத பொருளே இல்லை” என்று
சொல்லுமளவிற்கு அனைத்தையும் தொட்டு இருக்கிறார் நூல் ஆசிரியர்.

முதல் கட்டுரையே முத்தாய்ப்பாக தொடங்குகின்றது. தமிழர்களுக்கு மானமும் அறிவும்
தந்தவர் தந்தை பெரியார். தந்தை பெரியாரின் பாராட்டைப் பெற்ற பகுத்தறிவுக்கவிஞர்
புரட்சித் கவிஞர் பாரதிதாசனின் வைரவரிகளோடு தொடங்குகின்றது. “நம்பிக்கையுடன்
நடவு செய்கிறோம்” என்ற கட்டுரை தலைப்பே சிறப்பாக உள்ளது.விவசாயி நம்பிக்கையுடன்
தான் நடவு செய்ய வேண்டும். இது விளையுமா? என்ற அவநம்பிக்கை இருந்தால் நடவு
செய்ய முடியாது. ஆது போல இந்நூலின் தலைப்புக்களை தேர்ந்தெடுத்து எழுதியதற்கே
பாராட்ட வேண்டும். இந்தக் கட்டுரையின் இதழியல் நோக்கத்தைச் சொல்லி நடவு
செய்யவில்லை. வாசகர்களின் உள்ளத்தி;ல் பதியம் செய்கிறார். அக்டோபர் 2003
தலையங்கத்தில் குறிப்பிட்டப்படி இன்று வரை கொண்ட கொள்கையில் சமரசம் செய்து
கொள்ளாமல் நடிகைகளின் ஆபாசப் படங்கள் எதுவுமின்றி சினிமா செய்திகள் இன்றி,
அரசியல் சார்பு இன்றி குடும்பத்துடன் அமர்ந்து படிக்கும் அற்புத இதழாக புதுகைத்
தென்றல் இதழை நடத்தி வருவது” எழுதியபடி வாழ்கிறார். வாழ்கிறபடி எழுதுகிறார்
என்பது மெய்ப்பிக்கப்பட்டுள்ளது. மகாகவியின் வைரவரிகளுக்கு செயல் வடிவம்
தந்தவர் புதகை மு.தருமராசன்.

புகழ்பெற்ற பிரபல இதழ்கள் கூட போட்டி போட இயலாமல் தரத்தை தாழ்த்திக் கொண்டு
சமரசம் கொண்டு ஆபாசங்களை அள்ளி விதைக்கும் காலம் இது. கொண்ட கொள்கையில்
சிறிதும் விலகாமல் இயங்கி வரும் இணையற்ற எழுத்தாளர் என்பதை நிரூபிக்கும் நூல்
இது.

இதழ் ஆசிரியர் பணியினை செவ்வன செய்து உள்ளார்கள். பாராட்ட வேண்டியதை
பாராட்டுகின்றார். குறைகளைச் சுட்டிக் காட்டவும் தயங்குவது இல்லை. புதகை மு.
தருமராசன் என்று பிறந்த ஊரை தனது பெயரோடு இணைத்துக் கொண்ட பிறந்தமண் பற்றாளர்.
நூல் ஆசிரியர் புதகை நாடாளுமன்ற தொகுதி பறிக்கப்பட்டதைக் கொண்டு மகாகவி பாரதி
பாடுவானே “நெஞ்சு பொறுக்குதில்லையே” என கொதித்து எழுந்து கட்டுரை வடிக்கிறார்.

இப்படி நூல் முழுவதும் கட்டுரைகள் சிந்தனை விதை விதைக்கின்றன. வாசகர்களுக்கு
நாட்டு நடப்பு பற்றிய பட்டறிவை வளர்க்கின்றன. ஐயுளு படிக்க விரும்பும்
மாணவர்கள் அனைவரும் வாங்கிப் படிக்க வேண்டிய அற்புத நூல். இந்த நூல் படித்தால்
பொது அறிவு வளரும். நேர்முகத் தேர்வுகளில் வெற்றி பெற்று உயர் பதவிகள் பெறலாம்.
இந்நூலை கல்லூரிகளில் இதழியல் பிரிவில் பாடநூலாக வைக்கும் தகுதி உள்ளது
எல்லோரும்; வாங்கிப் படியுங்கள்

எழுத்துக்கள் கால நிகழ்வுகளைக் காட்டும் கண்ணாடி, அத்தகைய எழுத்துக்கள் வாயிலாக உணரப்படும் கருத்துக்களின் மூலமாக அறியப்படும் விஷயங்களின் தூய்மை எழுத்தாளரின் வாய்மைத் தரத்தினைக் கொண்டும் தங்களை போன்றவர்களின் அரிய பணியான நூலகளின் மதிப்புரையினை கொண்டும் தீர்மானிக்கப்படுகிறது அரியதோர் பணி சிறக்க வாழ்த்துக்கள்.

வணக்கம் மிக்க நன்றி
அன்புடன் இரா .இரவி :P