கே இனியவன் சமுதாய கவிதைகள்

எண்சாண் உடம்பில்
ஒருசாண் வயிற்றுக்கு
நாளும் போராட்டம்
நிமிடம் தோறும்
திண்டாட்டம்

மூடை தூக்கி தூக்கி
கேள்விக்குறியாகவில்லை
முதுகு - அடுத்த நொடி ..
என்ன நிலை என்று கேட்டு
கேட்டுத்தான் கூனலாகியது
முதுகு .....!!!

படித்தவன் முதுகு
கூனவில்லை -அவன்
தலை கூனுகிறது
தேவைக்கும்
தேவையில்லாமலும் .....!!!

மொத்தத்தில் ஒருசாண் வயிறு
கேள்விக்குறியாக்குகிறது
மனிதனை ....!!!

சமூக கவிதைகள் அருமை தொடருங்கள்

இதன் கீழ்தொடரும்

படித்தவனுக்கு வேலைவாய்ப்பு - கனவு
பள்ளி மாணவனுக்கு விடுமுறை -கனவு
பக்கத்துவீட்டாருக்கு என் வீட்டில் -கனவு
பருவ வயதில் காதலில் -கனவு
பருவ மங்கைக்கு திருமணத்தில் -கனவு
பட்ட கடனுக்கு வட்டி செலுத்துல்-கனவு
பண்பாடு இல்லாதவனுக்கு வார்த்தை -கனவு
பட்டியில் பசுவுக்கு காளைமேல் -கனவு
பட்டினியில் இருப்பவனுக்கு உணவு -கனவு
அடுத்தென்ன
அடுத்தென்ன
என்பதே கனவு .....!!!

அறிவில்லாதவனை
பெரியவனாக்கி
அறிவுள்ளவனை
சிறியவனாக்கும்
சக்தி எனக்கு
மட்டும் உண்டு
-பணம் -

உன்னை கண்டவுடன்
காதலிக்கவே தோன்றியது
என் மனம் ...........!!!

என்னசெய்வது -உணர்வை விட ...
என் குடும்பக்கடமை தடுக்கிறது.....
திருமணமாகாத தங்கைகள்....
முதுமையில் இருக்கும் பெற்றோர் ...
என்னையே நம்பி படிக்கும் தம்பி ...
இப்படிதான் ......
எத்தனையோ அண்ணன்கள்
காதலை புதைத்துவிட்டார்கள் ....
நிறைய அண்ணன்களின் ...
இதயம் மயானம் தான் .....!!!

வெட்டப்பட்ட மரத்தின் மத்தியில்
நிற்கும் வெட்டப்படாத மரத்தின்
பரிதாப நிலை இது ....!!!

அடுத்த மரணதண்டனை
தனக்கு தான் என்று தெரிந்த
தூக்கு தண்டனை கைதிபோல்
துடித்துக்கொண்டு இருக்கிறது
வெட்டுப்படாத மரம்...!!!

காற்றடிக்கிறது
மரம் அசையாமல் இருக்கிறது
சாகப்போகிறவனுக்கு
தென்றலென்ன புயலென்ன ...?
காற்றடிக்க அசைந்து கவர்ச்சி காட்ட ...!!!

அந்தோ ஒரு வாகன இரைச்சல்
இன்று எனக்கு மரணதண்டனையோ
கருணைமனுக்கூட கொடுக்க முடியாத
கொடும் பாவியாகி விட்டேனே ...?
நான் விட்டதவறு
வெட்ட வருபவனுக்கு மூச்சுவிட
காற்று கொடுத்ததுதான் ....!!!
[You must be registered and logged in to see this link.]

தாயே நீ பத்துமாதம் ...
சுமந்தாய் பக்குவமாய் ...!!!
மாணவன் சுமக்கிறான்
பாடப்புத்தகத்தை பக்குவமாய் ...!!!
காதலன் காதலியை ..
நெஞ்சில் சுமக்கிறான் பக்குவமாய் ...!!!
தொழிலாளி வயிற்றுக்காக ...
சுமக்கிறான் மூடையை பக்குவமாய் ....!!!
நாட்டு கடனை மக்கள் ...
வரியாக சுமக்கின்றனர் பக்குவமாய் ....!!!
காட்டுக்கு கூடு போகும் போது ...
நான்கு பேர் சுமக்கிறார்கள் பக்குவமாய் ...!!!

எதிர் காலத்தை யோசி ...
நிகழ்காலத்தில் அதிக நுகர்வும் ...
அளவுக்கு மிஞ்சிய வனவழிப்பும்...
தேவையற்ற முதலீடும் ...
சூழல் அக்கறையின்மையும் ...
அழிக்கப்போவது உன்னையல்ல ..
உன் பரம்பரையை... !!!
பட்டறிந்த பலர் சொன்னாலும் ...
கற்றறிந்த மேதைகள் சொன்னாலும் ...
கட்டறுத்த மாடுகளாய் ...
ஏனிந்த சமுதாயம் ....?

குழந்தை பருவத்தில்
எதை சொன்னாலும்
மறுக்கும் மனசு ....!!!

இளமை பருவத்தில்
காதலி எதை சொன்னாலும்
தாங்கும் மனசு ...!!!

முதுமை பருவத்தில்
எதைசொன்னாலும்
வாழ்க்கையுடன் ஒப்பிட்டு
பார்க்கும் மனசு .....!!!

எவர் சில்வர் வந்தது ...!!!
பானை அழுதது ....?
பானையின் குடும்பம்
மண்குழிக்குள் ...!!!

மாருதி வந்தது
மாட்டுவண்டி அழுதது ...?
மாட்டு வண்டி குடும்பம்
மாண்டு போனது ....!!!

தகவல் தொழில் நுட்பம் வந்தது
தந்தி இறந்தது ...!!!

மாற்றங்கள் வேண்டும்
நிச்சயம் வேண்டும் ..
மாண்டு போகாத
சமுதாயத்துடனும்
இறந்து போகாத நம்
கலாச்சாரத்துடனும் ....!!!

எனக்கே வேண்டும் ...
எல்லாம் வேண்டும் ...
என்ற நினைப்பே -இன்றைய
பொருளாதார சமத்துவமின்மைக்கு ..
காரணம் .....!!!

எனக்கும் வேண்டும் ..
எல்லோருக்கும் வேண்டும்...
என்று நினைத்தால்
பொருளாதார சமத்துவம் தானாக
தோன்றும் ....!!!

வறிய நாடு
செல்வந்த நாடு
வருமான கோடுதான் ...
காரணம் - அதை தீர்மானித்தது ..
மனித எண்ன கோடுதான்

நாடு விருத்தியடைய ..
வருமான விருத்தி மட்டுமல்ல
மனித எண்ணவிருத்தி தான்
மிக அவசியம் ....

எனக்கும் வேண்டும் -முயற்சி
எல்லோருக்கும் வேண்டும் -தியாகம்

தன் வீட்டு குப்பையை ..
தெருவில் தூக்கி வீசும் ..
துப்பறவாளர்களே..
கவனியுங்கள் ...!!!

குப்பையை
தூக்கியெறியவில்லை
உனக்கும் பிறருக்கும்
நோயை தூக்கி எறிகிறாய் ...

சீராக கழிவை சீர் படுத்த
தெரியாத பகுத்தறிவாளா ...!!!

பன்றிக்காய்ச்சல்
பறவைக் காய்ச்சல்
சிக்குன் குனியா
என்று பகுத்தறிவற்ற ..
உயிரினங்களின் பெயர் ..
கொண்டு படுத்தறிவாளா ..
உனக்கு நோய் வருகிறது ...!!!

தன் வீட்டு குப்பையை ..
தெருவில் தூக்கி வீசும் ..
துப்பறவாளர்களே..
கவனியுங்கள் ...!!!

முச்சக்கர வண்டியோடி
மூன்று வேளை உண்டிக்காக
முக்காலமும் பாடுபடும்
கடின உழைப்பாளிகள்
நாங்கள் .....!!!

கைதட்டுதல் வெற்றியின்
சின்னம் - எங்கள் சின்னமே
கைதட்டல் தான்- நீங்கள்
தட்டும் ஒவ்வொரு தட்டலும்
எங்கள் வீட்டில் பல வயிறுகள்
நிரப்பப்படுகின்றன ....!!!

தட்டுங்கள் திறக்கப்படும்
என்றார் -பிரான்
நீங்கள் தட்டுங்கள்
நிறுத்தப்படும் முச்சக்கர வண்டி
என்கிறோம் நாங்கள் ...!!!
எங்கள் வண்டி சிறிது
ஆனால் நாங்கள் செய்யும்
சமூக சேவையோ பெரிது ....!!!

படித்தவனுக்கு வேலைவாய்ப்பு - கனவு
பள்ளி மாணவனுக்கு விடுமுறை -கனவு
பக்கத்துவீட்டாருக்கு என் வீட்டில் -கனவு
பருவ வயதில் காதலில் -கனவு
பருவ மங்கைக்கு திருமணத்தில் -கனவு
பட்ட கடனுக்கு வட்டி செலுத்துல்-கனவு
பண்பாடு இல்லாதவனுக்கு வார்த்தை -கனவு
பட்டியில் பசுவுக்கு காளைமேல் -கனவு
பட்டினியில் இருப்பவனுக்கு உணவு -கனவு
அடுத்தென்ன
அடுத்தென்ன
என்பதே கனவு .....!!!

வீடு முழுக்க மாம்பழம்....
நல்லவை எல்லாம் ......
நல்லவிலைக்கு விற்பேன் .....
கொஞ்சம் பழுதடைந்தவற்றை .....
ஏழை எளியவர்களுக்கு .....
கொடுப்பேன் -நானும் ......
கொடைவள்ளல் தான்.........!!!

நல்லசோறு நிறைய இருக்கும்
நாள்முழுவதும் சாப்பிடயாருமில்லை
விடியல் காலையில் ஏழை எளியவருக்கு
அன்னமிடுவேன் -நானும்
கொடைவள்ளல் தான் .....!!!

விதை நெல்லை வைத்திருப்பேன்
ஏழைவிவசாயிகளுக்கு மனமிரங்கி
கொடுப்பேன் -காசுவாங்க மாட்டேன்
நகை வாங்க மாட்டேன்
விளைச்சலில் ஒரு மூடைக்கு
இரண்டு மூடை கேட்பேன்
நானும் கொடைவள்ளல் தான் ....!!!

அலுமாரி முழுவதும் விதம்
விதமாய் ஆடைகள் ..
சிறுவயதில் பாவித்த
ஆடை முழுவதும் அழகாக
அடுக்கி வைப்பேன் -சின்னானாய்
கிழிந்த ஆடையை ...
ஏழை எளியவர்களுக்கு ...
அன்பளிப்புசெய்வேன் ...
நானும் கொடைவள்ளல் தான் ...!!!

சமூக வரிகள் அனைத்தும் அருமை

நன்றி நன்றி நன்றி

சொர்க்கத்துக்கோ
நரகத்துக்கோ
செல்லவேண்டுமா ..?
காதலித்துப்பார்
இரண்டும் உன்னருகில்
இருக்கும் ...!!!
இதைத்தான் ஞானிகள்
சொன்னார்கள்
சொர்க்கம் நரகம்
என்பது நீ வாழும்
ஒருநாள் வாழ்க்கை
காதலில் இது
உடனுக்குடன் புரியும்
பட்டு தெளிந்த ஒருவனின்
பட்டுப்போன வார்த்தைகள்
யார் இருக்கப்போகிறார்கள்
காதலில் விழாமல் ...?

தொடருங்கள் ஐயா

நன்றிகள்

என்று....
அடங்கும் இந்த
பொன் மோகம் ...?
இறந்த உடலில் கூட
கழற்றி எடுக்கும்
பொன் மோகம் ....!!!

பாடையிலே
துயில் கொள்ளும்
பட்ட உடல் போட்டிருக்கும்
பட்டுப்புடவை பல ஆயிரம்
ரூபாக்கள் ...!!!

துயில் கொள்ளும்
பட்ட உடல் தூங்கும்
பெட்டி பல ஆயிரம்
ரூபாக்கள் ....!!!

பட்ட உடலில்
காதிலொரு தங்க கம்மல்
பட்ட உடல் வேக முன்
பறித்தெடுக்கப்படுகிறது
என்று மறையும் இந்த
பொன் மோகம் ....???

நன்று

மாட்டு வண்டியில் போன சுகம்
மாருதியில் இல்லையடா ....!!!

பாட்டி சொன்ன நம் ஊரைப்போல்
பட்டணம் இல்லையடா ....!!!

நாட்டு நடப்பு எல்லாவற்றையும்
நாழிகையில் சொல்லும் தாத்தா
நாளிதழை திறந்து பார்த்தால்
நாற்றமடிக்குதடா சமூக சீரழிவு....!!!

தெருவோர தாக சாந்தி
தேர் திருவிழாவை
சிறப்படையும் வைக்கும்
இப்போ -தெருவுக்கு தெரு
கோயில் வந்ததால்
தெருவோரத்தை காணோமடா ...!!!

சமுதாய முன்னேற்றம்
ஒரு சாண் ஏறினால்
சமூக சீரழிவு முழம் கணக்கில்
ஏறுதடா .......!!!

நான்கு திசையும் வயல்கள்
நாலாபுற‌மும் குளங்கள்
ஊர் மத்தியில் அம்மன்
ஆலயம் எல்லை புறத்தில்
வீர‌ பத்திரர்
பைரவர்
அய்யனார் ஊரை காக்கும்
கடவுள்களாய்.....!!!

சிறு படகுடன் நிறைந்த‌
கடற்கரை தொலைதூரத்தில்
உடைந்த‌ கட்டுமரங்களும்
ஆங்காங்கே சிதறிகிடக்கும்
வரையறுக்கப்பட்ட‌ குடிசைகள்
கிராமிய‌ பண்பாட்டை
மாற்றாத‌ வாழ்க்கை முறை....!!!

மாலை நேரத்தில் ஆலமரத்தடி
அறிவு தாத்தாக்களின் மன்றம்
மழைக்கு கூட‌ பாடசாலை
பக்கம் ஒதுங்காதவர்கள்
புராணக்கதையிலும்
உலக‌ நடப்பிலும்
படிக்காதமேதைகள்.......!!!

பச்சை மரமொன்றில்
பழங்கள் எதுமில்லை
கறுப்பாய் ஒரு கனி
அதன் பெயர் தேன் கூடு
அதற்கு ஒரு கல்லால் எறிந்து
தேனிகலைக்கும்போது
தலை தெரிக்க‌ ஓடும் சிறார்கள்....!!!

இத்தனையும் அனுபவித்து சுவைத்த‌
அற்புத‌ மனிதன் நான்
காலம் கடந்து என் பிள்ளையுடன்
என் ஊருக்கு போனேன் கனவுகளுடன்
அம்மன் கோயில் இராஜ‌ கோபுரத்தை
காணவில்லை ‍சிறு கூடாரத்துக்குள்
முடங்கி இருந்தால் என் தாய்
காவல் தெய்வங்கள் இருந்த‌
கால‌ சுவடியை கூட‌ காணவில்லை ......!!!

என் கனவு மட்டும்
தவுடு பொடியாகவில்லை
என் ஊரும் தவுடு பொடியாகிவிட்டது
ஆலமரம் கூட‌ அங்கவீனமாய்
கிளைகள் உடைந்த்த‌ நிலையில்
வீடுகள் எல்லாம் துப்பாக்கி
துளையால் அரிதட்டானது
ஓடி விலையாடிய‌ வயலுக்குள்
இறங்க‌ விரும்பினேன் அருகில்
ஒரு பலகை ..கவனம்
வெடிக்கும் இறங்காதீர் இறங்காதீர்....!!!

என் ஊரை காணவில்லை
என் உறவுகளை காணவில்லை
ஓடி விளையாடிய‌ என் நண்பர்களை
ஓரிரு இடங்களில் புகைப்படத்தில் பார்த்தேன்
இது கவிதை இல்லை நான் நேரில்
கண்ட‌ அனுபவித்த‌ துன்பங்கள்
தூரத்தில் என் பழைய‌ நண்பன்
ஓடி வந்து கட்டிப்பிடித்தான்
முடியவில்லை அவனால்
ஒரு கை இல்லை .......!!!

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கே இனியவன் சமுதாய கவிதைகள்

கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்

Re: கே இனியவன் சமுதாய கவிதைகள்