சுறாவா போகணும்... நெத்திலியா திரும்பனும்... சிறுத்தை டைரக்டர் திடீர் முடிவு!

by **அரசன்** Mon Feb 28, 2011 8:10 pm

சிறுத்தை படத்தின் டைரக்டர் சிவாதான் கோடம்பாக்கத்தின் தற்போதைய 'வெயிட்' டைரக்டர். இந்த வெயிட்டுக்கு சூப்பர் ஹிட் டைரக்டர் என்றொரு அர்த்தம் இருந்தாலும், நேரடி அர்த்தமும் கொள்ளலாம். அந்தளவுக்கு வெயிட்டோ வெயிட் இவர்!

கேமிரா கிரேனில் இவர் ஏறி உட்கார்ந்தால், "அய்யோ அம்மா முதுகு வலிக்குதே" என்று கிரேனே கூட கிரீச் கிரீச் என்று புலம்புகிற அளவுக்கு எடைசாலி மனிதர். அதே நேரத்தில் புத்தியிலும் பலசாலி என்பதை நிரூபித்தது அவரது சிறுத்தை. இந்த வருடத்தின் மெகா கலெக்ஷன் படத்தை கொடுத்தவர் என்பதோடு நல்ல ஒளிப்பதிவாளர் என்ற பெயரையும் இவர் பணியாற்றிய படங்களின் மூலம் எடுத்தவர்.

சிறுத்தை படத்திற்கு பிறகு இவருக்கு ஏராளமான அழைப்புகள். கேட்ட சம்பளத்தை டிக் பண்ணவும் ரெடி. அட்வான்சை புடிங்க என்று குவிந்துவிட்டார்களாம். ஆனால் ஓடியாடி உழைக்கிற அளவுக்கு உடம்பு ஒத்துழைக்கணுமே! தனது 150 கிலோ உடம்பை ஒரேயடியாக குறைத்தால்தான் கை நீட்டி அட்வான்சே வாங்க வேண்டும் என்ற முடிவுக்கு வந்தாராம்.

யாருக்கும் சொல்லாமல் கேரளாவுக்கு பறந்துவிட்டார். அங்கு ராஜ வைத்தியம் என்று சொல்லப்படும் மூலிகை வைத்தியம் நடந்து வருகிறதாம். அவரது ஸ்லிம் வருகைக்காக ஆவலோடு காத்திருக்கிறார்கள் முன்னணி தயாரிப்பாளர்களில் சிலர்!

சுறாவா போனவர் நெத்திலியா திரும்பிவர நமது வாழ்த்துக்கள்!
[You must be registered and logged in to see this image.]

நன்றி : தமிழ்சினிமா .com