“இயற்கை” கனடா பள்ளி மாணவர்களுக்கு எழுதிய கவிதை!!

by **பட்டாம்பூச்சி** Tue Mar 01, 2011 10:46 am

தலைப்பு : “இயற்கை”
இயற்கை;
இறைவன் மறைந்து கொடுத்த கொடை;
இயற்கை;
தமிழரின் கடவுள் பற்றிற்கான விடை;
விடையின் விளக்கம் சொல்கிறேன்
சற்று காது கொடுப்பீர்களா???!!!
வெளிச்சம் தந்ததால் இயற்கை
சூரியக் கடவுளானது;
தண்ணீரின் உயிர்ப்பினால் இயற்கை
மழைதேவன்.. கடல்தேவியானது;
பூமியின் இருப்பினால் விளைச்சளால்
இயற்கை; பூமித் தாயானது;
காற்றின் சுவாசத்தால் இயற்கை
வாயுதேவன் ஆனது;
பணத்தின் ஆளுமையால் மரம் கூட
பணமும்; பணம் கூட லட்சுமியும் ஆனது;
படிக்கும் படிப்பு; அறிவு; பகிர்தல்; கற்பித்தல்
கலை கூட கலைவாணி ஆனது;
வாழவைத்த இயற்கைக்கு
வாஞ்சையாக நன்றி சொன்னால்
கேடுகளும் தீருமென நம்பினோம்; நம்பிக்கை பக்தியானது;
மரங்களின் பலனால்
மண்ணின் உடைமையால்
கற்களின் உரசலால், மறைப்பினால்,
இயற்கை; மரத்திலும், மண்ணிலும், கல்லிலும்,
நெருப்பிலும் கூட கடவுளானது!
இவ்வளவு ஏன் -
இயற்கைக்கு நன்றி சொல்ல
எழுதுகோல் எடுத்தேன் -
என் எழுத்து கூட கவிதையானது!!
ஆயினும்,
கடவுளை போற்ற மதத்தை படைத்து
மதத்தின் பேரில் மதம் கொண்டோம்;
கடைசியில் -
கடவுள் பேராலேயே
இன்று மனிதம் அழிகிறது.
மனிதனிலிருந்து விலங்குவரை
அழிக்கப் படுகின்றன;
அழிவை திருத்தி
மனிதன் உயிர்களை காக்க; மனிதம் காப்போம்
இயற்கையை -
வெறியின்றி வணங்குவோம்
வெறியில்லா மனிதத்தில்;
தெய்வீகம் இயற்கையாகவே பிறக்கும்!
—————————————————————————————————————-
வித்யாசாகர்

by **நிலாமதி** Wed Mar 02, 2011 5:43 am

நன்றி ...........பாராட்டுக்கள்.

by **அ.இராமநாதன்** Wed Mar 02, 2011 8:23 am

“இயற்கை” கனடா பள்ளி மாணவர்களுக்கு எழுதிய கவிதை!! 2992301929723006

------------
கவிதை அருமை...
-
மனிதன் எப்போதும் ஆறறிவில் இருப்பதில்லை...

மனதில் கோபம், பொறாமை ,பயம் போன்ற காரணங்களால்
ஐந்தறிவுக்கும், நாலறிவுக்கும் கூட தாழ்ந்து விடுவான்...
அப்போது அவன் நியாயம், தர்மங்களை துச்சமாக மதித்து
நடந்து கொள்வான்...
--
இயற்கையை நேசிப்பவன் மனிதன்...!
==
அன்புடன்
அ.இராமநாதன்
http://rammalar.wordpress.com