மரணத்திலும் துடிக்கும் ஆண்மை

by **செய்தாலி** Mon Oct 18, 2010 4:15 pm

*உணவு உடல்நலம் உடுதுணி
அதிகார கவனிப்புக்கள்
அந்தி மாலைக் கருக்கலில்
வழியோரம் விழிவைத்து
என் வரவிற்காக தவம்மிருப்பு
என்னை உறக்காத இரவுகள்
என் இருபதுகளில்

*பிள்ளைக்கு அது வாங்கினிங்களா
இது வாங்கினிங்களா
புள்ள பால்குடிக்குது தூங்குது
குழந்தையின் விழிப்பிலும்
அழுகையிலும் உனது கவனங்கள்
எனக்கான உனது நேரமும்
உனக்கான என் காத்திருப்புகளும்
என் முப்பதுகளில்

*நமக்கு வயசுக்கு வந்த
பிள்ளைகள் இருக்கு
என்ன குறுப்புகள் வேண்டியிருக்கு
தள்ளிப் படுங்க என்றுசொல்லி
இருபதாண்டு படுக்கைவிரிப்பு
இரண்டானது என் நாற்பதுகளில்

*மருமகன் மருமகள் பிள்ளைகள்
பேரக்குழந்தைகள் என
அவர்களைச் சுற்றிய தருணங்களில்
உன் கவனிப்பற்று போகிறேன்
என் ஐம்பதுகளில்

*நாளத்தில் குருதியின் வேகம்குறைந்தும்
நோய்களும் அதன் மருந்துகளும்
நாற்காலி தருணங்கள்
உன் பேச்சு துணையற்ற
ஏகாந்த தனிமைகளும்
என் அறுபதுகளில்

*ஆசை அறுபது நாள்
மோஹம் முப்பது நாள்
பழமொழி வாக்குகள்
நரைவிழுந்தும் உடல் சுருங்கியும்
மங்காத உணர்வுகளும்
சுன்டாத உணர்ச்சிகளும்
என் எழுபதிலும்

*வயதுகளின் பேதம் சொல்லி
ஆசைகளை விரிசல் படுத்தாதீர்கள்
உடல் மரணத்திற்குப் பின்னும்
விரைப்பையில் துடிக்கின்ற
உயிரணுக்கள் போல்
மரணத்தின்முந்திய வினாடிகள் வரை
இருவதாம் பருவத்தின் அதே
உணர்வுகளும் உணர்சிகளும்
ஆண்மைக்குள் துடிக்கிறது

:héhé:

கலக்குறீங்க மிகவும் அருமை

by **சங்கவி** Mon Oct 18, 2010 8:18 pm

அத்தனை வயதிலும் உள்ள குரும்புத்தனத்தையும் குடும்பங்களில் உள்ள யாதார்த்த வாழ்க்கை பழக்கங்களையும் மிகவும் அழகிய முறையில் எடுத்துக்காட்டி எங்கள் உள்ளத்தில் தொடவைத்துவிட்டிர்கள் உங்கள் அழகிய கவிமுத்துக்களால்.உங்கள் கவிவரிகளை பாராட்டவார்த்தைகள் இல்லை என்னிடம் அந்தளவு அருமையாக உள்ளது தோழரே மிகவும் ரசித்து ருசித்துபடித்தேன் அத்தனை வரிகளையும்..தாங்கள் சேவை தொடர்ந்து நம்தளத்துக்குதேவை தொடர்ந்து தாருங்கள் தாங்களின் அழகியபடைப்புகளை அன்புபாராட்டுக்கள் தோழரே.

by **செய்தாலி** Tue Oct 19, 2010 11:36 am

உங்கள் கருத்துக்கு என் மனமார்ந்த நன்றிகள்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மரணத்திலும் துடிக்கும் ஆண்மை

மரணத்திலும் துடிக்கும் ஆண்மை

Re: மரணத்திலும் துடிக்கும் ஆண்மை

Re: மரணத்திலும் துடிக்கும் ஆண்மை

Re: மரணத்திலும் துடிக்கும் ஆண்மை

Re: மரணத்திலும் துடிக்கும் ஆண்மை