ஆற்றில் விழுந்த யானைக்குட்டியை போராடி மீட்ட தாய்!

[You must be registered and logged in to see this image.]குன்னூர்
அருகேயுள்ள நஞ்சப்புரசத்திரம் பகுதியில் கடந்த சில நாட்களாக 2 யானைகள் ஒரு
குட்டியுடன் உலா வந்தன. வனத் துறையினரும், பொது மக்களும் அந்த யானைகளை
கொலக்கம்பை பகுதிக்கு விரட்டியடித்தனர்.

அதன் பின்னர் அந்த யானைகள் காட்டை விட்டு வெளியேறி அரசு
விதைப்பண்ணை வழியாக குன்னூர்-மேட்டுப்பாளையம் ரோட்டில் வந்து கொண்டிருந்தன.

அப்போது யானைகளின் கண்களுக்கு அங்குள்ள லாஸ்பால்ஸ் நீர்வீழ்ச்சி
தென்பட்டது.மகிழ்ச்சியடைந்த யானைகள் அதில் குளிக்க இறங்கின. அப்போது
குட்டி யானை கால் தவறி ஆற்றுக்குள் விழுந்தது.

அதை மீட்க மற்றொரு
யானை முயன்றது. அதுவும் ஆற்றுக்குள் விழுந்தது. 2 யானைகளை வெளியே நின்று
கொண்டிருந்த தாய் யானை 1 மணி நேரம் போராடி மீட்டது.

பின்னர் 3 யானைகளும் அந்த ஆற்றில் ஆழம் இல்லாத பகுதியில் 1 1/2 மணி நேரம் ஆனந்த குளியல் போட்டன.

ஒரு
வழியாக ஆனந்த குளியலை முடித்துக் கொண்டு தேயிலை தோட்டத்தின் வழியாக
பர்லியார் நோக்கி சென்றன. யானைகளின் ஆனந்த குளியலை அந்த வழியாக வந்த
சுற்றுலா பயணிகள் கண்டு ரசித்தனர்.
[You must be registered and logged in to see this link.]