பாலா மனசில் நரேன்?!

by **கவிக்காதலன்** Thu Mar 03, 2011 12:31 am

[You must be registered and logged in to see this image.]

மசாலா படத்தில் நடிக்க வேண்டும் என்பதுதான் நரேனின் கனவு. என்ன காரணத்தினாலோ சன் டி.வி சப்போர்ட் இருந்தும் இவர் நடித்த 'பூக்கடை ரவி' வரவேயில்லை. அதன்பின் அதே நம்பிக்கையோடு இவர் கமிட் பண்ணிய படம்தான் 'தம்பிக்கோட்டை'. தர வேண்டிய சம்பளத்தை எண்ணி வை. இல்லேன்னா விட மாட்டேன் என்று லேப்புக்கே வந்து தர்ணா பண்ணும் ஹீரோக்களையெல்லாம் சந்தித்திருக்கிறார்கள் தயாரிப்பாளர்கள். நரேனும் 'தம்பிக்கோட்டை' ரிலீசின் போது லேப்புக்கு வந்தார். ஆனால் தயாரிப்பாளரை குறடு வைத்து முறுக்க அல்ல. நம்பிக்கை என்ற சரடு கொண்டு இறுக்க! பிரச்சினைகளை தீர்த்துக் கொண்டே வந்தவர்கள் கடைசியாக குறிப்பிட்ட தொகைக்காக தடுமாறிய போது, அதற்கு நான் பொறுப்பேற்றுக் கொள்கிறேன் என்று முன் வந்தாராம். எப்படியோ படம் வெளியாகிவிட்டது. பாலா அடுத்து இயக்கப் போவது புதுமுகங்களை வைத்துதான் என்று ஒரு பேச்சிருக்கிறது. அதே நேரத்தில் நரேனும் இருக்கிறாராம் அவரது மனசில். அவர் படத்தில் நடிக்க வாய்ப்பு வந்தால் கதைகூட கேட்க மாட்டேன் என்கிறார் நரேன்.