[You must be registered and logged in to see this image.]
அசின் இலங்கை போயிருந்த விவகாரத்தை ஆறவே விட மாட்டார்கள் போலிருக்கிறது. கடந்த சில வாரங்களாக அமைதியாக இருந்த அசின் விவகாரம் மீண்டும் சூடுபிடித்துள்ளது. இந்த முறை அந்த வேலையை இலங்கை அரசே செய்திருப்பதுதான் ஆச்சர்யம்.

சமீபத்தில் நாகப்பட்டினத்தில் நடந்த பொதுக்கூட்டத்தில் இலங்கையை கடுமையாக சாடியிருந்தார் விஜய். இனியும் பொறுக்க மாட்டோம் என்று அவர் சவால் விட, பொறி பறந்தது இலங்கையில். அங்குள்ள அதிகார அமைப்புகள் ஒன்று கூடி விஜய்யின் காவலன் படத்தை ஏன் இலங்கையில் தடை செய்யக் கூடாது என்கிற அளவுக்கு விவாதித்தார்களாம். ஆனால் அவர்களின் கோபத்தை ஆற்றுப்படுத்தியது அசினின் நட்புதான் என்கிறது இலங்கை அரசு. இவரது முகத்திற்காகதான் காவலன் படத்திற்கு தடை விதிக்கவில்லை என்றும் கூறியிருக்கிறது ராஜபக்சேவின் அரசு.

இதுதொடர்பாக இலங்கை அரசு வெளியிட்டுள்ள செய்திக்குறிப்பில், தென்னிந்திய திரைப்பட நடிகர் விஜய் கடந்த வாரம் நாகபட்டினம் பகுதியில் நடத்திய கூட்டத்தில் இலங்கை அரசை கடுமையாக விமர்சித்திருந்தார். தமிழக மீனவர்கள் தொடர்ந்து கொல்லப்பட்டால் இலங்கையை உலக வரைபடத்தில் இருந்து அகற்றுவோம் என அவர் தெரிவித்தது இலங்கை அரசை கடும் சினமடைய வைத்துள்ளது. உடனடியாகவே விஜய் நடித்த காவலன் படத்தை இலங்கையில் தடை செய்யுமாறு இலங்கை பாதுகாப்பு அமைச்சு, அரசு அதிகாரிகளை பணித்திருந்தது. ஆனால் விஜய் படத்தை தடை செய்வதற்கு முன்னர், நாம் அதில் நடித்த கேரளா நடிகை அசின் தொடர்பில் கவனம் செலுத்தினோம். அசின் இலங்கை அரசுக்கு நெருக்கமானவர். பல எதிர்ப்புக்களின் மத்தியில் இலங்கைக்கு பயணம் செய்த அசின் தென்னிந்தியாவில் ஏற்பட்ட எதிர்ப்புக்களை மிகவும் சிறப்பாக முறியடித்திருந்தார். மகிந்தாவின் மனைவி சிராந்தி ராஜபக்சாவுடன் யாழ்ப்பாணத்திற்கும் அசின் சென்றிருந்தார். விஜய் உண்மையில் தமிழ் மக்கள் மீது நம்பிக்கை கொண்டிருந்தால் தனது காவலன் படத்தில் அசினை நடிக்க வைத்திருக்கமாட்டார். இவற்றை கருத்தில் கொண்ட நாம் பின்னர் காவலன் படத்தை தடைசெய்யும் எண்ணத்தை கைவிட்டோம், என்று கூறப்பட்டுள்ளது.

நன்றி :http://www.tamilcinema.com

தகவலுக்கு நன்றி!!!