படிப்பினைகள் தரக்கூடிய குர்ஆன்,ஹதீ்ஸ்கள்

by **RAJABTHEEN** Sat Mar 05, 2011 11:21 am

நம்பிக்கை கொண்டோரே! அனைவரும் அல்லாஹ்வை நோக்கித் திரும்புங்கள்! இதனால் வெற்றியடைவீர்கள். (அல்குர்ஆன் 24:31)

by **RAJABTHEEN** Sat Mar 05, 2011 11:21 am

நன்மையை ஏவி தீமையைத் தடுத்து நல் வழியை நோக்கி அழைக்கும் சமுதாயம் உங்களிடம் இருக்க வேண்டும். அவர்களே வெற்றி பெற்றோர். (அல் குர்ஆன் 104)

by **RAJABTHEEN** Sat Mar 05, 2011 11:22 am

நீங்கள் தண்டிப்பதாயின் நீங்கள் துன்புறுத்தப்பட்ட அளவுக்கே தண்டியுங்கள். நீங்கள் பொறுமையுடனிருந்தால் பொறுமையாளர்களுக்கு அதுவே மிகச் சிறந்ததாகும். (அல் குர்ஆன் 16:126)

by **RAJABTHEEN** Sat Mar 05, 2011 11:22 am

பயபக்தியுடையோர் எத்தகையோர் என்றால்,) அவர்கள் இன்பமான (செல்வ) நிலையிலும், துன்பமான (ஏழ்மை) நிலையிலும் (இறைவனின் பாதையில்) செலவிடுவார்கள். தவிர கோபத்தை அடக்கி கொள்வார்கள். மனிதர்(கள் செய்யும் பிழை)களை மன்னிப்போராய் இருப்பார்கள். (இவ்வாறு அழகாக) நன்மை செய்வோரையே அல்லாஹ் நேசிக்கின்றான். (அல் குர்ஆன் 3 : 134)

by **RAJABTHEEN** Sat Mar 05, 2011 11:23 am

சிறந்த வீரம்-கோபத்தை அடக்கிக் கொள்ளுதல்.(நபிமொழி)
நபி (ஸல்) அவர்களிடம் ஒரு மனிதர் வந்து எனக்கு உபதேசம் செய்யுங்கள் என்றார். கோபம் கொள்ளாதே! என்றார்கள். பலமுறை கேட்ட போதும், கோபம் கொள்ளாதே! என்றார்கள். (அறிவிப்பவர்: அபு ஹூரைரா (ரலி) நூல்: புஹாரி)

by **RAJABTHEEN** Sat Mar 05, 2011 11:24 am

அல்லாஹ்விடம் மனிதர்களிலேயே மிகவும் வெறுப்புக்குரியவன் கடுமையாக (எப்போது பார்த்தாலும்) சச்சரவு செய்து கொண்டிருப்பவனேயாவான் . இதனை ஆயிஷா (ரலி) அவர்கள் அறிவிக்கின்றார்கள். (நூல்:புஹாரி)

by **RAJABTHEEN** Sat Mar 05, 2011 11:24 am

கனிவான இனிய சொற்களும் மன்னித்தலும் தர்மம் செய்தபின் நோவினை தொடரும்படி செய்யும் ஸதக்காவை(தர்மத்தை) விட மேலானவையாகும். தவிர அல்லாஹ்(எவரிடத்திலும் எவ்விதத்) தேவையும் இல்லாதவன் மிக்க பொறுமையாளன். (அல் குர்ஆன் 2:263)

by **RAJABTHEEN** Sat Mar 05, 2011 11:29 am

தவறான நடத்தையுடைய பெண் ஒரு நாயைக் கண்டாள். அந்த நாய் தாகம் அதிகரித்து நாக்கு வறண்டு ஒருகிணற்றைச் சுற்றி வந்து கொண்டே இருந்தது. உடனே அவள் தனது காலுறைகளை ஒரு துணியில் கட்டி, கிணற்றில்விட்டு தண்ணீர் எடுத்து, அந்த நாய்க்கு புகட்டினாள். இதன்காரணமாக இறைவன் அவளை மன்னித்தான். நூல்: புஹாரி,முஸ்லிம்

by **RAJABTHEEN** Sat Mar 05, 2011 11:30 am

தனது உணவு விஸ்தீரணப்படுத்தப்பட வேண்டுமென்று யார் ஆசைப்படுகின்றாரோ இன்னும் தன் வாழ் நாள் நீள வேண்டுமென்று ஆசைப்படுகின்றாரோ அவர் தன் இரத்த பந்தத்தை சேர்த்து நடக்கட்டும் என நபி(ஸல்) அவர்கள் கூறினார்கள். (புகாரி)

by **RAJABTHEEN** Sat Mar 05, 2011 11:30 am

யார் தன்னுடைய இரு தாடைகளுக்கு மத்தியிலுள்ளதையும், இரு கால்களுக்கு மத்தியிலுள்ளதையும் (ஹராத்திலிருந்து பாதுகாத்துக் கொள்வதாக) எனக்கு உத்தரவாதம் அளிக்கின்றாரோ, அவருக்கு சுவர்க்கத்தை வாங்கிக் கொடுப்பதற்கு நான் உத்தரவாதம் அளிப்பேன் என நபி(ஸல்) அவர்கள் கூறினார்கள். (புகாரி, முஸ்லிம்

by **RAJABTHEEN** Sat Mar 05, 2011 11:30 am

உங்களில் ஒருவர் தமக்கு விரும்புவதையே தம் சகோதரனுக்கும் விரும்பாதது வரை (முழுமையான) ஈமான் கொண்டவராக மாட்டார் என அல்லாஹ்வின் தூதர் முஹம்மது (ஸல்) அவர்கள் கூறினார்கள். அறிவிப்பவர் : அனஸ் (ரழி) நூல் : புஹாரி (11).

by **RAJABTHEEN** Sat Mar 05, 2011 11:30 am

நானும் அனாதையை பொறுப்பெடுப்பவரும் இவ்வாறு சுவர்க்கத்தில் இருப்போம் என, நபி(ஸல்) அவர்கள் தனது நடு விரலையும் ஆள்க்காட்டி விரலையும் சுட்டிக்காட்டினார்கள். (புகாரி)

by **RAJABTHEEN** Sat Mar 05, 2011 11:31 am

இறைத்தூதர்(ஸல்) அவர்கள் கூறினார்கள்'
அல்லாஹ்வையும் மறுமை நாளையும் நம்பிக்கை கொண்டவர் தம் அண்டை வீட்டாருக்குத் தொல்லை தர வேண்டாம். அல்லாஹ்வையும் மறுமை நாளையும் நம்பிக்கை கொண்டவர் தம் விருந்தினரைக் கண்ணியப்படுத்தட்டும். அல்லாஹ்வையும் மறுமை நாளையும் நம்பிக்கை கொண்டவர் (ஒன்று) நல்லதைப் பேசட்டும். அல்லது வாய்மூடி இருக்கட்டும்.
அறிவித்தவர் :அபூ ஹுரைரா(ரலி)
நூல் : புகாரி எண் 6136

by **RAJABTHEEN** Sat Mar 05, 2011 11:31 am

எவர் தன்னுடைய சகோதரனுடைய மானத்தை அவனறியாமலேயே காக்கிறாரோ அல்லாஹ் அவருடைய முகத்தை மறுமையில் நெருப்பிலிருந்து காக்கிறான் என்று அல்லாஹ்வின் தூதர் முஹம்மது (ஸல்) அவர்கள் கூறினார்கள். அறிவிப்பவர் : அபூ தர்தா (ரழி). நூல் : திர்மிதி.

by **RAJABTHEEN** Sat Mar 05, 2011 11:32 am

மண்ணில் உள்ள மனிதர்களை நீங்கள் நேசித்தால் விண்ணிலுள்ள இறைவன் உங்களை நேசிப்பான் என்பது நபி மொழி. (நூல்:திர்மிதி)

by **RAJABTHEEN** Sat Mar 05, 2011 11:32 am

பெண்களை நிர்வகிக்க ஆண்கள் தகுதியுடையோராவர். அவர்களில் சிலரை மற்றும் சிலரை விட அல்லாஹ் சிறப்பித்திருப்பதாலும், (ஆண்களாகிய) அவர்கள் தமது செல்வங்களிலிருந்து செலவழிப்பதாலும் ஆகும். எனவே, நல்லொழுக்கமுள்ள பெண்கள் கட்டுப்பட்டு நடப்போராகவும், (கணவனில்லாது) மறைவாக இருக்கும் சமயத்தில் அல்லாஹ்வின் பாதுகாவல் கொண்டு தம்மைப் பாதுகாத்துக் கொள்வோராகவும் இருப்பர். எவர்கள் கணவருக்கு மாறுசெய்வார்கள் என்று நீங்கள் அஞ்சுகின்றீர்களோ, அவர்களுக்கு உபதேசம் செய்யுங்கள். (திருந்தா விட்டால்) படுக்கைகளில் அவர்களை வெறுத்து விடுங்கள். (அதிலும் திருந்தாவிட்டால்) அவர்களுக்கு (இலேசாக) அடியுங்கள். அவர்கள் உங்களுக்குக் கட்டுப்பட்டால், அவர்களுக்கு எதிராக எந்த வழியையும் தேடாதீர்கள். நிச்சயமாக அல்லாஹ் உயர்ந்தவனும், பெரியவனுமாக இருக்கின்றான்.(அல் குர்ஆன்4:34)

by **RAJABTHEEN** Sat Mar 05, 2011 11:32 am

முகம் கண்ணியத்திற்குரிய உறுப்பு. அதன் மூலந்தான் அல்லாஹ்வுக்கு ஸுஜூது செய்யப்படுகின்றது. ‘முகத்தில் அறைய வேண்டாம்!’ என நபி(ஸல்) அவர்கள் தடுத்துள்ளார்கள். (அபூதாவூத்)

by **RAJABTHEEN** Sat Mar 05, 2011 11:33 am

‘உங்களில் ஒருவர் தனது மனைவியை அடிமையை அடிப்பது போன்று அடித்து விட்டுப் பின்னர் இரவில் அவளுடன் உடலுறவில் ஈடுபடுகின்றீர்களே!’ எனக் கூறி நபி(ஸல்) கண்டித்தார்கள். (புகாரி)

by **RAJABTHEEN** Sat Mar 05, 2011 11:33 am

அவர்களுடன் (மனைவியருடன்) நல்ல முறையில் வாழ்க்கை நடத்துங்கள். நீங்கள் அவர்களை வெறுத்தாலும் (பொறுத்துக்கொள்ளுங்கள்.) ஏனெனில், நீங்கள் ஒன்றை வெறுக்க, அல்லாஹ் அதில் அதிகமான நன்மைகளை வைத்திருக்கக் கூடும்.’ (அல் குர்ஆன்4:19)

by **RAJABTHEEN** Sat Mar 05, 2011 11:33 am

நபி(ஸல்) அவர்கள் கூடத் தமது இறுதி ஹஜ் உரையில்; ‘பெண்கள் விடயத்தில் நல்ல முறையில் நடந்துகொள்ளுங்கள்!’ என உபதேசித்துள்ளார்கள் என அபூஹுரைரா(ரலி) அவர்கள் அறிவிக்கிறார்கள். (புகாரி)

by **RAJABTHEEN** Sat Mar 05, 2011 11:34 am

அபூஹுரைரா(ரலி) அவர்கள் அறிவிக்கிறார்கள்; ‘முஃமினான் ஆண் தனது முஃமினான மனைவியை விட்டும் பிரிந்து விடவேண்டாம்! அவளிடத்தில் ஒரு விடயத்தில் குறைகண்டால் அவளிடத்தில் காணப்படும் நல்ல விடயத்தை நினைத்துத் திருப்தி கொள்ளுங்கள்!’ என நபி(ஸல்) அவர்கள் கூறியுள்ளார்கள். (சுனனுல் குப்ரா)

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

படிப்பினைகள் தரக்கூடிய குர்ஆன்,ஹதீ்ஸ்கள்

படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்

Re: படிப்பினைகள் தரக்கூடிய குர்ஆன்,ஹதீ்ஸ்கள்