பாங்கு சொல்ல வேண்டுமா?

by **RAJABTHEEN** Sat Mar 05, 2011 7:15 pm

கேள்வி:-
சகோதரர்களுக்கு அஸ்ஸலாமுஅலைக்கும்,

பாங்கு கூறப்படுவது காதில் விழாத நிலையில், வீட்டிலிருந்த படியே இகாமத் மட்டும் சொல்லி கடமையான தொழுகையை தொழுவது கூடுமா? அல்லது பாங்கு சொல்லி, இகாமத் சொல்லித்தான் தொழ வேண்டுமா?

தயவு செய்து அறிந்தவர்கள் குரான் மற்றும் ஹதீஸ்களின் பார்வையில் விளக்கவும்.

நன்றி. ஜஸாகல்லாஹு கைரன்

by **RAJABTHEEN** Sat Mar 05, 2011 7:15 pm

பதில்:-
வ அலைக்குமுஸ் ஸலாம் வரஹ்

ஏற்கெனவே வேறோர் இழையில் இதேக் கேள்விக்கு விளக்கமளித்துள்ளதால் அதையே இங்கு பதிவு செய்கிறோம். தவிர்க்க முடியாத நிலையில் மட்டுமே வீட்டில் கடமையானத் தொழுகையைத் தொழுது கொள்ளவும். அதையே வழக்கமாக்கி ஜமாஅத்தைத் தவறவிட வேண்டாம். பள்ளிவாசலிலும் பொது இடங்களிலும் தொழுகைக்கான அழைப்பை - பாங்கு சொல்வதைச் சப்தமாகக் கூறலாம். வீடு பொது இடம் அல்ல என்பதால் சப்தமின்றியே அதாவது சப்தத்தைக் குறைத்து பாங்கும் இகாமத்தும் சொல்லிக்கொள்ளலாம். (அல்லாஹ் மிக அறிந்தவன்)

வேறு இழையில் சகோதரர் அப்துல் மஜீத் அவர்களின் கேள்வி இது. - //கேள்வி:- அஸ்ஸலாமு அலைக்கும் வரஹ், வீட்டில் தனியாக அல்லது இரண்டு,மூன்று பேர் கூட்டாக தொழும்போது இகாமத மட்டும் சொல்லி தொழுதால் போதுமா? அல்லது அதான் கூறி பிறகு இகாமத் சொல்லி தொழா வேண்டுமா? வஸ்ஸலாம்.//

பாங்கு சொல்வதின் நன்மையைக் குறிப்பிட்டு பல ஹதீஸ்கள் உள்ளன. அவற்றில் சில,

by **RAJABTHEEN** Sat Mar 05, 2011 7:15 pm

1. "பாங்கு சொல்வதற்குரிய நன்மையையும் முதல் வரிசையில் நின்று (தொழுவதற்குரிய) நன்மையையும் மக்கள்
அறிவார்களானால் அதற்காக அவர்கள் போட்டி போட்டுக் கொண்டு வருவர். யாருக்கு அந்த இடம் கொடுப்பது என்பதில் சீட்டுக் குலுக்கியெடுக்கப்படும் நிலையேற்பட்டாலும் அதற்கும் தயாராகி விடுவர். தொழுகையை ஆரம்ப நேரத்தில் நிறைவேற்றுவதிலுள்ள நன்மையை அறிவார்களானால் அதற்காக விரைந்து செல்வார்கள். ஸுபுஹ் தொழுகையிலும் இஷா (அதமா)த் தொழுகையிலும் உள்ள நன்மையை அறிவார்களானால் தவழ்ந்தாவது (ஜமாஅத்) தொழுகைக்கு வந்து சேர்ந்து விடுவார்கள்." என்று அபூஹுரைரா (ரலி) அவர்கள் அறிவிக்கிறார்கள். (புகாரி, 615)

பாங்கு சப்தத்தைக் கேட்பவர் பாங்கு சொல்பவருக்காக மறுமை நாளில் பரிந்துரை,

2. அபூ ஸயீதுல் குத்ரீ(ரலி) என்னிடம் 'நீர் ஆடுகளை மேய்ப்பதிலும் காட்டுப் புறங்களுக்குச் செல்வதிலும் ஆசைப்படுவதை காண்கிறேன். நீர் ஆடுகளுடன் சென்றால் அல்லது காட்டுப் புறம் சென்றால் தொழுகைக்காக பாங்கு சொல்லும்போது குரல் உயர்த்திச் சொல்வீராக! காரணம், முஅத்தினுடைய பாங்கு சப்தத்தைக் கேட்கிற ஜின்னாக இருந்தாலும் மனிதனாக இருந்தாலும் வேறு எதுவாக இருந்தாலும் அவருக்காக மறுமை நாளில் பரிந்துரை செய்வார்கள்' எனக் கூறிவிட்டு, இவ்வாறு நபி(ஸல்) அவர்கள் சொல்ல, கேட்டேன் என்றும் கூறினார்கள். (புகாரி, 609)

பாங்கு சப்தத்தால் ஷைத்தான் வெருண்டோடுகின்றான்,

by **RAJABTHEEN** Sat Mar 05, 2011 7:16 pm

3. ''தொழுகை அறிவிப்புச் செய்பவர் அறிவிப்புச் செய்ய ஆரம்பித்தால் ஷைத்தான் வாயு வெளியேறியவனாக புறமுதுகிட்டு ஓடுகிறான்'' என்று அல்லாஹ்வின் தூதர் (ஸல்) அவர்கள் கூறினார்கள். இதை அபூஹுரைரா (ரலி) அவர்கள் அறிவிக்கிறார்கள். (முஸ்லிம், 634)

தொழுகை நேரம் வந்துவிட்டால் இருவர் இருந்தாலும் பாங்கும், இகாமத்தும் சொல்லித் தொழவேண்டும் என்பதே நபிமொழியின் வழிகாட்டல்.

4. பயணத்தை மேற்கொள்ள விரும்பிய இருவர் நபி(ஸல்) அவர்களிடம் வந்தனர். அப்போது அவர்களிடம் 'நீங்கள் இருவரும் பயணம் புறப்பட்டுச் சென்றால், தொழுகைக்காக பாங்கு சொல்லிப் பின்னர் இகாமத்தும் சொல்லுங்கள். பின்னர் உங்களில் பெரியவர் இமாமாக நின்று தொழுகை நடத்தட்டும்' என்று இறைத்தூதர்(ஸல்) அவர்கள் கூறினார்கள். இதை மாலிக் இப்னு ஹுவைரிஸ்(ரலி) அறிவிக்கிறார்கள். (புகாரி, 630)

வேறு மனிதர்களே இல்லாத காடு - மலையில் ஒருவர் மட்டுமே தனித்திருந்தாலும், தொழுகை நேரம் வந்து விட்டால் கடமையானத் தொழுகைக்கு பாங்கும், இகாமத்தும் மிக அவசியம் என்பதை நபித்தோழர் அபூ ஸயீதுல் குத்ரீ (ரலி) அவர்களின் (2வது) அறிவிப்பிலிருந்து விளங்கிக்கொள்ளலாம்.

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பாங்கு சொல்ல வேண்டுமா?

பாங்கு சொல்ல வேண்டுமா?

Re: பாங்கு சொல்ல வேண்டுமா?

Re: பாங்கு சொல்ல வேண்டுமா?

Re: பாங்கு சொல்ல வேண்டுமா?

Re: பாங்கு சொல்ல வேண்டுமா?