அமெரிக்காவில், பொருளாதார நெருக்கடி ஏற்பட்ட சூழ்நிலையிலும், வெப்சைட்கள் மூலமும், கடைகளிலும் சூப்பர் விற்பனை ஆகி வருகிறது, என்ன தெரியுமா? பாலியல் மகிழ்ச்சிக்கு தேவைப்படும் செக்ஸ் பொம்மைகள். அமெரிக்காவில் பொருளாதார நெருக்கடி ஓரளவு தீர்ந்தாலும், வேலையில்லா திண்டாட்டம் இன்னும் உள்ளது. வேலையில் உள்ளவர்களும், அனாவசியமாக செலவழிப்பதில்லை; வீட்டில் முடங்கி விடுகின்றனர். பொருளாதார நெருக்கடியால் பல பொருட்களின் விற்பனை குறைந்து விட்டது. ஆனால், காண்டம், செக்ஸ் ஊக்கம் தரும் லோஷன்கள், பாலியல் திருப்திக்கு பொம்மைகள் விற்பனை மட்டும் வழக்கத்தை விட எகிறி விட்டது என்கின்றனர் கடைக்காரர்கள். அமேசான் போன்ற வெப்சைட்கள் மூலமும், ப்ரூக்ளின் போட்டீக் போன்ற பிரபல கடைகள் மூலமும் செக்ஸ் பொம்மைகள் விற்பனையாகின்றன. நியூயார்க் உட்பட பல நகரங்களில் இதற்கு ஏகப்பட்ட கிராக்கி.

வெப்சைட்களில் செக்ஸ் பொம்மைகளுக்கு தனி பிரிவே ஏற்படுத்தப்பட்டுள்ளது. அமேசான் வெப்சைட், ‘செக்ஸ் மகிழ்ச்சி பிரிவு’ என்று தனி ஷாப்பிங் ஆரம்பித்தது. அதில் புதுப்புது செக்ஸ் பொம்மைகள், பொருட்கள் பட்டியலிடப்படுகிறது. அதில் ‘டிக்’ அடித்து, கிரெடிட் கார்டு மூலம் பணம் செலுத்தினால், அடுத்த சில மணி நேரங்களில் இவை வீட்டுக் கதவை தட்டும்.

வேலையில்லாமல் இருப்போரும் செக்ஸ் பொம்மைகளை வாங்குவது அதிகரித்துள்ளது. வேலையிருப்போரும், வார இறுதியில் விருந்துகள், கேளிக்கைகளுக்கு போவதில்லை. போனால், 200 டாலராவது செலவழியும் என்று பயப்படுகின்றனர். அதனால், வீட்டில் முடங்கி விடுகின்றனர். வீட்டில் சும்மா இருக்க முடியுமா... மேற்கண்ட பொருட்களை வாங்குவதில் செலவிடுகின்றனர்.