19-ந்தேதி சூப்பர் பவுர்ணமி: பூகம்பம் ஏற்பட

சந்திரன்-செவ்வாயைப் பார்ப்பதால் 19-ந்தேதி சூப்பர் பவுர்ணமி: பூகம்பம் ஏற்படும் ஆபத்து;

19-ந்தேதி சூப்பர் பவுர்ணமி: பூகம்பம் ஏற்பட 8ca7c08c-6409-438a-bc64-32a046974d0f_S_secvpf

ஜபப்பானில் நேற்று தாக்கிய சுனாமி அரக்கனால் மிகப்பெரிய பேரழிவு ஏற்பட்டுள்ளது. ஆயிரத்திற்கும் மேற்பட்டோரின் உயிரை பலி வாங்கியது. இந்நிலையில் வருகிற 19-ந்தேதி (சனிக்கிழமை) “சூப்பர் பவுர்ணமி” ஏற்படுகிறது. 18 ஆண்டுகளுக்கு பிறகு வானில் நடைபெறும் இந்த அதிசயத்தால் மீண்டும் பூகம்பம் அபாயம் உள்ளது.

இதுபற்றி விஞ்ஞானிகள் கூறும்போது, 18 ஆண்டுகளுக்கு பிறகு சந்திரன் மீண்டும் பூமிக்கு அருகில் வருகிறது. இதனால் பூகம்பம், எரிமலை சீற்றம் போன்ற இயற்கை பேரழிவுகள் நடைபெற வாய்ப்புள்ளது என்றனர். பூமிக்கும் சந்திரனுக்கும் உள்ள தூரம் 2 லட்சத்து 35 ஆயிரம் மைல். 19-ந்தேதி அன்று வரும் பவுர்ணமியை விஞ்ஞானிகள் சூப்பர் பவுர்ணமி என்று வர்ணிக்கிறார்கள்.

அன்று பூமிக்கும், சந்திரனுக்கும் இடையே உள்ள தூரம் 2 லட்சத்து 21 ஆயிரத்து 556 மைல் ஆக குறைந்து விடும். இதேபோன்ற நிகழ்வு கடந்த 1992-ம் ஆண்டுதான் நடந்தது. அதற்கு பிறகு இப்போதுதான் சந்திரன் பூமியை நெருங்கி வருகிறது. சூப்பர் பவுர்ணமி அன்று சந்திரன் வழக்கமான அளவை விட சுமார் 90 சதவீதம் பெரியதாக இருக்கும். அடுத்த மாத பவுர்ணமி வரை சந்திரன் மிகுந்த பிரகாசத்துடன் காணப்படும். இதற்கு முன்பு 1955, 1974, 1992, 2005 ஆகிய ஆண்டுகளில் ஏற்பட்டது.

விஞ்ஞானி ஜான்கெட்லே கூறும்போது, பூமியில் ஏற்படும் சுனாமி, பூகம்பம், எரிமலை சீற்றம் போன்ற இயற்கை பேரழிவுகளுக்கு சந்திரன் எந்த வகையிலும் காரணமாக இருக்காது. கடற்கரை நகரங்களில் மட்டும் வானிலையில் சிறு சிறு மாற்றங்கள்நிகழும். கடல் ஓரளவு கொந்தளிப்பாக காணப்படும். ராட்சத அலைகள் தோன்றி பயமுறுத்தும் என்றார். மிரட்டும் சூப்பர் பவுர்ணமி கடந்த காலங்களில் சூப்பர் பவுர்ணமி ஏற்பட்ட கால கட்டங்களில் பூமியில் பெரிய அளவுக்கு இயற்கை பேரழிவுகள் நடந்துள்ளது.

கடந்த 2005-ம் ஆண் டில் சூப்பர் பவுர்ணமி ஏற்பட்டபோது ஆஸ்திரேலியாவின் டார்வின் நகரை “டிரேச” என்ற சூறாவளியால் பெரிய அளவில் நாசம் ஏற்பட்டது. 1974-ம் ஆண்டில் இந்தோனேசியாவில் சுனாமி ஏற்பட்டு பெரிய அளவில் உயிரிழப்புகள் ஏற்பட்டது. இதனால் வருகிற 19-ந் தேதி நிகழும் சூப்பர் பவுர்ணமியால் பூமியின் எந்த பகுதியில் இயற்கை பேரழிவு ஏற்படுமோ என்ற பீதி ஏற்பட்டுள்ளது.

சில விஞ்ஞானிகள் கூறும் போது, பூமியை சந்திரன் நெருங்கி வரும் சூப்பர் பவுர்ணமியால் பூமியில் வெப்பம் தணியும். இதனால் கோடைகால அனலில் இருந்து நாம் ஓரளவு தப்பித்து கொள்ளலாம் என்றனர்.