எலக்ஷனுக்குப் பிறகு 'பகலவன்' ஆரம்பம்!

by **கவிக்காதலன்** Wed Mar 16, 2011 2:44 am

[You must be registered and logged in to see this image.]

தமிழக சட்டசபை தேர்தல் முடிந்த பின்னர் விஜய் நாயகனாக நடிக்கும் 'பகவலன்' படத்தின் ஷூட்டிங் தொடங்கும் என்று டைரக்டர் சீமான் கூறினார். விஜய் - சீமான் இணையும் படம் அறிவிக்கப்பட்டு ஆண்டுகள் உருண்டோடி விட்டன. முதலில் படத்தைப் பற்றிய தகவல் வெளியான நேரத்தில் விடுதலைப் புலிகளுக்கு ஆதரவாக பேசிய சீமான் சிறையில் அடைக்கப்பட்டார். ஒருவழியாக சிறையில் இருந்து மீண்டு வந்த சீமான், விஜய் படத்திற்கு 'பகலவன்' என்று பெயரிட்ட கையோடு, அரசியல் களத்தில் சூடான பிரசாரத்துக்கு தயாராகி வருகிறார். தேர்தல் முடிந்து புதிய அரசு அமைய இரண்டு மாத காலம் ஆகும் என்கிற நிலையில், அதற்கு பிறகுதான் புதிய படத்துக்கான வேலைகளில் இறங்கப் போகிறாராம் சீமான். இதுபற்றி அவர் அளித்துள்ள பேட்டியில், 'பகலவன்' படம் பற்றி ரொம்ப நாட்களுக்கு முன்பே பேசி முடிவு செய்யப்பட்டு விட்டது. இந்த வேலைகளை தொடங்கும் காலகட்டத்தில் சிறைப்பட்டு விட்டேன். நான் விடுதலையாவதற்கு நாளாகும் என்று தம்பி விஜய் வேறு வேறு படங்களை ஒப்புக்கொண்டார். இப்போது இறுதி செய்துவிட்டோம். தயாரிப்பாளர் தாணு அண்ணன். எனக்கும் தேர்தல் வேலைகள் இருக்கின்றன. அவருக்கும் பல பணிகள் இருக்கின்றன. அதற்கு பிறகு படத்திற்கான வேலைகளை தொடங்குவோம், என்று கூறியுள்ளார்.