வாமனம்

by **Aathira** Sat Feb 13, 2010 1:11 am

வாமனம்

மேசை மேலிருந்த பூந்தொட்டி
குளியலறையில் இருந்த நீ வாங்கி வந்த நீலக்குவளை
அலமாரியில் இருந்த பலவண்ண ஆடைகள்
அடுக்கிவைத்த புத்தகங்கள்
கம்பிவழி உன்குரலைக் கொண்டுவந்த
தொலைபேசி இணைப்பு
கைக்குள்ளிருந்து அடிக்கடி சிணுங்கி
உன்முகத்தைக் காட்டும் அலைபேசி
எல்லாவற்றையும் அகற்றி விட்டேன்.

கண்களிலா,
மூளையிலா,
இதயத்திலா,
உடல் முழுவதிலா ,
உடல் பரவிய அணுத்திரளிலா,
தேடித்தேடி களைத்து விட்டேன்
கண்ணுக்குத் தெரியாது
வியாபித்து இருக்கும்
உன் நினைவுகள்
இருக்குமிடம் அறியாமல்.

உன் நினைவைக் கொல்ல
நித்தம் நித்தம்
யுத்தம் செய்தேன்
எத்தனையோ முறை.
அத்தனை முறையும்
புத்தம் புதிதாய்
பொலிவு கொண்டெழுந்தது
வெட்ட வெட்ட ஒட்டிக்கொண்ட
இராவணன் தலைகளாய்.

மறக்கத் துடித்த
ஒவ்வொரு நொடியும்
முன்றாம் அடிக்கு
இடம் கேட்டு வைத்த
வாமானப் பாதமாய்
அழுத்தி மிதித்தது
இதயத் தலையை.

தேனில் முழ்கிய சிற்றெறும்பென
பாகில் மூழ்கிய கட்டெறும்பென
உன் நினைவில் மூழ்கி
நித்தமும் மடிவதென
சத்தியம் செய்தேன்.

அதற்கும் எனக்குமான
போட்டியில்
உன்னைப்போலவே
வெற்றிகொண்டது
உன் நினைவுகளே!

-ஆதிரா

அருமை, வாழ்த்துக்கள்

by **Aathira** Tue Feb 16, 2010 12:55 am

நன்றி,[You must be registered and logged in to see this image.]
அன்புடன்,
ஆதிரா

[You must be registered and logged in to see this image.]

by **thaliranna** Tue Oct 25, 2011 8:32 pm

உன் நினைவைக் கொல்ல
நித்தம் நித்தம்
யுத்தம் செய்தேன்
எத்தனையோ முறை.
அத்தனை முறையும்
புத்தம் புதிதாய்
பொலிவு கொண்டெழுந்தது
வெட்ட வெட்ட ஒட்டிக்கொண்ட
இராவணன் தலைகளாய்.

சத்தியமான வார்த்தைகள்! நினைவுகள் நீங்குவதில்லை! பாராட்டுக்கள்! [You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வாமனம்

வாமனம்

Re: வாமனம்

Re: வாமனம்

Re: வாமனம்

Re: வாமனம்

Re: வாமனம்