வளையம் போன்ற கர்ப்பப் பை கொண்ட பெண்ணுக்கு, செயற்கை முறையில் விந்தணு
செலுத்தி, குழந்தை பெறும் வகையில் சிகிச்சை அளித்ததில், அப்பெண்ணுக்கு பெண்
குழந்தை பிறந்துள்ளது.





மும்பை, வெர்சோவா பகுதியை சேர்ந்தவர் சீமா (பெயர்
மாற்றப்பட்டுள்ளது); வயது 31. பருவம் அடைய வேண்டிய வயதில், மாத விடாய்
ஏற்படாமல் இருந்தது.

மருத்துவர்கள் பரிசோதித்தபோது, அவருடைய
கர்ப்பப்பையும், சினைப் பைகளும், மெல்லிய வளையம் போல இருந்தது தெரிந்தது.
எனவே, மாதவிடாய் ஏற்படும் வாய்ப்பும், மகப்பேறு ஏற்படும் வாய்ப்பும்
இவருக்குக் கிடையாது என, கைவிரித்து விட்டனர்.

இந்நிலையில்,
இவருக்கு திருமணம் நடந்தது. மாமனார், மாமியார், இத்திருமணத்தை எதிர்த்தனர்.
மகனையும், மருமகளையும், வீட்டை விட்டு வெளியேற்றினர்.

மகன், மனம்
நொந்து போனார். கணவருக்கு குழந்தை மிகவும் பிடிக்கும் என்பதால், குழந்தை
பெற்றே தீருவது என்பதில் உறுதியாய் இருந்தார் சீமா. சீமாவின் தாய்,
பாந்த்ராவில், அகர்வால் நர்சிங் ஹோமில் நர்சாய் பணிபுரிகிறார்.

அவர்
உதவியுடன், டாக்டர் பீயுஷ் கோயலிடம், சீமா, பரிசோதனை மேற்கொண்டார்.
சீமாவுக்கு முதலில், கருத்தடை மாத்திரை கொடுக்கப்பட்டது. இதையடுத்து, சில
நாட்களிலேயே, மாதவிடாய் ஏற்பட்டது.

பின், கர்ப்பப் பையில் முழு
பரிசோதனை நடந்தது. கர்ப்பப் பையின் வாய் முற்றிலும் அடைபட்டுக் கிடந்ததும்,
கர்ப்பப் பையின் உள்ளே, கட்டிகள் நிறைந்து கிடந்ததும் தெரிய வந்தது.
கர்ப்பப் பையை மெதுவாக அகலப்படுத்தி, உள்ளே இருந்த கட்டிகள் நீக்கப்பட்டன.

இதையடுத்து,
குழந்தையைத் தாங்குவதற்கு முக்கிய தேவையாகக் கருதப்படும், நெகிழும்
தன்மையை, கர்ப்பப் பை அடைந்தது. பின், கர்ப்பப் பையில், "எண்டோமெட்ரியம்'
வளர்வதற்கான ஹார்மோன் சிகிச்சையும் செய்யப்பட்டது.

பின்,
சீமாவுக்கு, செயற்கை முறையில் கரு தரிக்கும் சிகிச்சை முறையை, டாக்டர்
மேற்கொண்டார். இதில், விந்தணு, கர்ப்பப் பையின் உள்ளே வைக்கப்பட்டு, கரு
உருவாகிறதா என்பது கண்காணிக்கப்படும்.

இதிலும், டாக்டருக்கு வெற்றி
கிடைத்தது. கரு உருவாகி, குறை பிரசவத்தில், ஒரு பெண் குழந்தையும்
பிறந்துள்ளது. நினைத்ததை சாதித்த மகிழ்ச்சியில் உள்ள சீமா, டாக்டருக்கு
நன்றி தெரிவித்துள்ளார்.
[You must be registered and logged in to see this link.]

டாக்டருக்கு பாரட்டுக்கள்..!!!

சீமா என்கிற பெண்மணிக்கு வாழ்த்துக்கள்..!!!