நிச்சயம்

இரட்சிப்பைக் குறித்த சந்தேகங்கள் அசாதாரணமானவைகள் அல்ல. நாம்
நேர்மையான ரீதியில் கிறிஸ்துவை சொந்த இரட்சகராக ஏற்றுக் கொண்ட
பின்பும் கூட, சில வேளைகளில் சந்தேகங்கள் மெதுவாக எழும்பும். இந்த
சந்தேகங்கள் தேவனுடையவைகள் அல்ல! அவைகள் உள்ளிருந்து வருபவை -
மானிட இதயத்தில் இருந்து, எமது வீழ்ந்து போன சுபாவத்தில் இருந்து
வருபவை. உள்ளிருந்து வராதவையுமுண்டு. அவை – சாத்தான் அல்லது
பிசாசிடமிருந்து வருபவை. ஆகையினால் இரட்சிப்பின் நிச்சயத்திற்காக
நாம் எமது உணர்வுகளில் சார்ந்திருக்கக் கூடாது. ஏனெனில், (1)
உணர்வுகள் அடிக்கடி மாறும். (2) மனதின் பகுதியிலும்
மனவெழுச்சிகளிலும்; சாத்தான் கிரியை செய்கின்றான். (2கொரிந்தியர்
4: 3,4). சாத்தானிடமிருந்து சந்தேகங்கள் வருகிறது; தேவனிடமிருந்து
நிச்சயம் வருகிறது.

எப்படி இந்த நிச்சயம் வருகிறது? தேவனின் வார்த்தைக்கூடாக வருகிறது.
நாம் எல்லாவற்றையும் அறிவோமானால் அதனை வேதாகமம் அவ்வாறு
கூறுவதினால் அறிகிறோம். அந்தப்படியே நாம் சதாகாலத்திற்கும்
இரட்சிக்கப்பட்டுள்ளோம் என்பதையும் அறிந்து கொள்கிறோம். இதனைக்
கவனியுங்கள்! “உங்களுக்கு நித்திய ஜீவன் உண்டென்று நீங்கள்
அறியவும், தேவகுமாரனுடைய நாமத்தின்மேல் நீங்கள்
விசுவாசமாயிருக்கவும், தேவகுமாரனுடைய நாமத்தின்மேல்
விசுவாசமாயிருக்கிற உங்களுக்கு இவைகளை எழுதியிருக்கிறேன்” (1யோவான்
5:13). (1) தேவகுமாரனாகிய கிறிஸ்துவை நீங்கள் விசுவாசிப்பதற்கும்,
(2) நீங்கள் கிறிஸ்துவை ஏற்றுக்கொண்டால், உங்களுக்கு நித்திய ஜீவன்
உண்டென்று நீங்கள் அறியவும் வேதாகமம் எழுதப்பட்டுள்ளது.

“நீங்கள் அறியவும்,….. உங்களுக்கு இவைகளை எழுதியிருக்கிறேன்” நாம்
கிறிஸ்துவை ஏற்றுக்கொள்கையில் சதாகாலத்திற்கும் மீட்கப்பட்டு
இருக்கிறோம் என்பதை நாம் அறிவோம். ஏனெனில் தேவன் அவ்வாறு
கூறுகின்றார் - அத்துடன் தேவன் பொய்சொல்ல மாட்டார். தேவன்
மெய்யாயிருக்கிறார், எல்லா மனிதரும் பொய்யர் (1யோவான் 5:10). இந்த
உண்மையைத் தவற விட வேண்டாம்: நாம் இரட்சிக்கப்பட்டுள்ளோம் என்று
எமக்கு மெய்யாகவே தெரியும். ஏனெனில் வேதாகமம், தேவனுடைய வார்த்தை
அவ்வாறு கூறுகிறது - அத்துடன் தேவன் பொய் சொல்லார்!

விசுவாசமானது தேவனை அவரின் வார்த்தையில் ஏற்றுக்கொள்வதாகும்.
“கர்தராகிய இயேசு கிறிஸ்துவை விசுவாசி அப்பொழுது
இரட்சிக்கப்படுவாய்” என தேவன் சொல்வாரானால் - நீங்கள்
விசுவாசிக்கையில் இரட்சிக்கப்படுவீர்கள் அல்லது தேவன் ஒரு பொய்யர்!
சாத்தியமானவை இந்த இரண்டும் மட்டுந்தான். ஆகவே நீர்
இரட்சிக்கப்பட்டுள்ளீர் என்பது உமக்குத் தெரியும். ஏனெனில்
பொய்யுரையாத தேவன் அதனை வாக்களித்துள்ளார்! விசுவாசமானது
சாதாரணமானதாக தேவனை விசுவாசிப்பதாகும்.

கிறிஸ்துவை விசுவாசத்தினால் ஏற்றுக்கொள்வதே உம்மை இரட்சிப்பது.
வேதத்தில் உள்ள வாக்குறுதிகளை விசுவாசிப்பதே உமக்கு இரட்சிப்பின்
நிச்சயத்தைத் தருவது. நீர் இரட்சிப்பையும் அதன் நிச்சயத்தையும்
உடையவராக இருக்க வேண்டும்! நீங்கள் அவ்வாறு இருக்க முடியும்
என்பதற்காக தேவனுக்கு நன்றி கூறுங்கள்!!!

சத்தியத்தை மீட்டல்: (வசனங்களைப் பார்க்கவும்)

• சந்தேகமானது மானிட இதயத்திலிருந்தும் சாத்தானிடமிருந்தும்
வருகிறது. (எரேமியா 17:9, 2கொரி 4:3,4).
• இரட்சிப்பின் நிச்சயம் தேவனுடைய வார்த்தையில் இருந்து மட்டும்
வருகிறது.(1யோவா 5:11,12).
• தேவன் கூறினால் அது உண்மை, தேவன் பொய் சொல்ல மாட்டார். (ரோமர்
3:4).
• தேவனின் வாக்குறுதியை நம்புவதும் நிச்சயமும் உமதாகும் (வெளி
19:1, 21:5,6).

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நிச்சயம்

நிச்சயம்