இங்கே “கிறிஸ்தவன்”
என்பதற்கும் “சீஷன்” என்பதற்குமிடையே கருத்து வித்தியாசம் உண்டு.
ஒரு கிறிஸ்தவன் என்பவன் கிறிஸ்துவை தனது சொந்த இரட்சகராக ஏற்றுக்
கொண்டுள்ளவன், ஒரு “சீஷன்” என்பது “சீரான” என்ற அடிப்படைச்
சொல்லில் இருந்து வந்தது. ஆகவே ஒரு சீஷனானவன், சீராக்கப்பட்ட
கிறிஸ்தவன் ஆவான். அல்லது இன்னொரு விதத்தில் கூறுவதானால், ஒரு
சீஷன் கீழ்ப்படிவுள்ள விசுவாசியாக இருக்கிறான். இவன் இயேசு
கிறிஸ்துவை இரட்சகராக ஏற்றுக் கொண்டுள்ளது மட்டுமல்லாது
கர்த்;தராகவும் ஏற்றுக் கொண்டுள்ளவன்.

நீர் கர்த்தராகிய இயேசு கிறிஸ்துவை உமது சொந்த இரட்சகராக ஏற்றுக்
கொண்டதும், உமது ஆத்துமா சதாகாலத்திற்கும் இரட்சிக்கப்பட்டும்
பாதுகாப்பாகவும் இருக்கிறது. “கர்த்தருடைய நாமத்தை தொழுது
கொள்ளுகிற எவனும் இரட்சிக்கப்படுவான்” (ரோமர் 10:13). கர்த்தராகிய
இயேசு கிறிஸ்து உமது வாழ்வின் உண்மையான எஜமானாக இருப்பாரானால்,
நீர் அவருக்கு எல்லா விதத்திலும் கீழ்ப்படிவீர். ஒரு
கீழ்ப்படிவுள்ள விசுவாசியாக கிறிஸ்து கட்டளையிட்ட எல்லாவற்றையும்
செய்வீர்: “அல்லாமலும், நீங்கள் உங்களை வ ஞ்சியாதபடிக்கு
திருவசனத்தைக் கேட்கிறவர்களாய் மாத்திரமல்ல, அதன்படி
செய்கிறவர்களாயும் இருங்கள்” (யாக்கோபு 1:22)

உமது கிறிஸ்தவ நடக்கையில் எடுக்கும் முதல் நடவடிக்கையில் ஒன்று
கிறிஸ்துவின் மீதான உமது விசுவாசத்தை பகிரங்கப்படுத்துவதாகும்.
கர்த்தராகியு இயேசுவின் மீதான உமது விசுவாசத்தை அறிக்கை செய்வதானது
கிறிஸ்துவின் கர்த்தத்துவத்தைத் தெரிவிப்பதன் ஒரு நடவடிக்கையாகும்:
“நீதியுண்டாக இருதயத்திலே விசுவாசிக்கப்படும், இரட்சிப்புண்டாக
வாயினாலே அறிக்கைபண்ணப்படும்” (ரோமர் 10:10). “மனுஷர் முன்பாக
என்னை அறிக்கை பண்ணுகிறவன் எவனோ, அவனை நானும் பரலோகத்திலிருக்கிற
என் பிதாவின் முன்பாக அறிக்கைபண்ணுவேன்” (மத்தேயு 10:32) என இயேசு
கூறினார்.

உமது நண்பர்களுக்கும் அன்பானவர்களுக்கும் உடனடியாக உமது
இரட்சிப்பைக் குறித்துக் கூறவேண்டும். அத்துடன் உள்ளுர் சபையிலும்
அழைப்புவிடுக்கும் நேரத்தில் முன்பாகச் சென்று, நீர் கிறிஸ்துவை
உமது இரட்சகராக ஏற்றுக் கொண்டதை பாஸ்டரிடம் கூறவேண்டும். புதிய
கிறிஸ்தவர்களாக சுவிசேஷத்தின் மகிமையான செய்தியினை நாம்
எமக்குள்ளேயே அடக்கி வைக்கக் கூடாது. நாம் கிறிஸ்துவைக் குறித்தோ
அல்லது அவரின் சுவிசேஷத்தைக் குறித்தோ வெட்கப்படக் கூடாது.
அப்போஸ்தலனாகிய பவுல் எமக்கு உதாரணமாக இருந்துள்ளார்:
“கிறிஸ்துவின் சுவிசேஷத்தைக் குறித்து நான் வெட்கப்படேன்; முன்பு
யூதரிலும் பின்பு கிரேக்கரிலும் விசுவாசிக்கிறவனெவனோ அவனுக்கு
இரட்சிப்பு உண்டாவதற்கு அது தேவபெலனாயிருக்கிறது” (ரோமர் 1:16)
என்றார். சிலுவையின் மீதில் இருக்கையில் கிறிஸ்து உம்மைக் குறித்து
வெட்கப்படவில்லை; பூமியின் மீதில் கிறிஸ்துவைக் குறித்து வெட்கப்பட
வேண்டாம். இயேசு கிறிஸ்துவின் மீதான உமது விசுவாசத்தினை பகிரங்கமாக
அறிக்கை செய்ய வேண்டுமென கர்த்தராகிய இயேசுவினால்
கட்டளையிடப்பட்டுள்ளது இது உமக்கு கடவுளின் பிள்ளையாகக்
கிருபையிலும், அறிவிலும் வளருவதற்கு உதவி செய்யும். அத்துடன் நீர்
இந்த முக்கியமான விடயத்தில் தேவனுக்குக் கீழ்ப்படிவதனால்
மற்றவர்களும் ஊக்கடளிக்கப்படுவார்கள்.

சத்தியத்தை மீட்டல்: வசனங்களைப் பார்க்கவும்:
ஒரு சீஷனானவன் கர்த்தராகிய கிறிஸ்துவுக்கு கீழ்ப்படியும் ஒரு
கிறிஸ்தவனாக இருக்கிறான் (லூக்கா 6:46).
ஒரு சீஷனானவன் திருவசனத்தின்படி செய்கிறவனாயும் இருக்க வேண்டுமென
கட்டளை பெற்றவன் (யாக்கோபு 1:22-24). மனிதர்களின் முன்பாக
கிறிஸ்துவை அறிக்கைபண்ணுவது ஒரு கிறிஸ்தவனின் முதல் நடவடிக்கைகளில்
ஒன்றாகும் (மத்தேயு 10:32).

அறிக்கை அருமை........ இது உங்களோடதா............ யாராவது பிரசங்கம் பண்ணுணத / வெளியிட்டத இங்கு பதிவிட்டிருக்குறீர்களா...........

வேறு நண்பர் ஒருவர வெளியிட்டது தான் எனக்கு பிடித்திருந்துச்சு அதனை நான் பகிர்ந்து கொண்டேன் மகி...