ம. ரமேஷ் கஸல் (கவிதை)கள்- 13

by **கவியருவி ம. ரமேஷ்** Fri Mar 25, 2011 2:10 pm

•இறைவன்
மண்டியிட்டுக் கேட்ட
கவிதைகளை
நீ
படிக்காமல் கிழித்தெரிந்தாய்

•இறைவன்
பேன் பார்க்கும் சாக்கில்
மறந்து போன
என்
தலையெழுத்தைப் பார்க்கிறான்

•உன் நினைவுகள்
கனவுகளையும்
தூங்க விடுவதில்லை

•இறைவனுக்குக்
கோபம் இருக்கும்
நான்
அதிகம் உச்சரிப்பது
உன் பெயரை

•நான் கல்லாதவன்
எனக்கு
வாழ்க்கைப் பாடம்
கற்றுக் கொடுத்தாய்

•உன்னை விட
விழிப்பு தட்டும் நேரத்தில்
வந்து செல்லும்
உன் கனவுகள்
கொடுமையானது

•மரணத்தில் கூட
நாம் இணைய முடியாது
உன்னைப் புதைப்பார்கள்
என்னை எரிப்பார்கள்

•என் மரணம் உனக்கும்
உன் மரணம் எனக்கும்
தெரியாமலேயே
நடந்து முடிந்துவிட வேண்டும்

ம. ரமேஷ் கஸல் (கவிதை)கள் [You must be registered and logged in to see this link.]