!!!...*ஈரம்*...!!!

by **கவிக்காதலன்** Thu Mar 31, 2011 1:19 pm

[You must be registered and logged in to see this image.]

வெண்மேகம் கொஞ்சம் கொஞ்சமாய்
கருமேகமாய்
உருமாறிக்கொண்டிருந்தது...!

அமைதியாய் வீசி நின்ற
அழகிய தென்றல் காற்று,
அப்போதுதான்
ஆக்ரோஷமானது...!

வானத்தின் ஜன்னலை
கிழித்து வந்த மின்னல் ஒளி - என்
கண்ணெதிரில்
காற்றில் பட்டு தெறித்தது...!

சத்தங்களை
சலிப்பில்லாமல்
பிரசவித்துக்கொண்டிருந்தது
பின்னால் வந்த இடி முழக்கம்...!

மழைத்துளிகள் மண்ணிலே
புள்ளி வைக்காமல்
புதியதாய் ஒரு
நீர்க்கோலம் போட தொடங்கியது...!

என் வீட்டு திண்ணையில் நான்...!

மழையையும்,
மழையின் சலசலப்பையும்
என்றுமே நான் ரசித்ததில்லை...!

அப்போது ஏனோ
அடைமழையை ரசிக்க சொன்னது...!
அடி மனது...

மழையையும்,
மழைத்துளி சத்தத்தையும்
ரசிக்க பிடிக்குமென
என்றோ ஒரு நாள் - அவள்
என் காதில் சொன்னதாய் ஞாபகம்...!

மறந்து கிடந்த
மனதிற்குள்
மறுபடியும் மரணவலி...!

துடிக்கும் இதயம்
சட்டென்று
வெடித்தது போல் ஒரு உணர்வு...!

மழையில் நின்று கொண்டு
அவள் என்னை
அழைப்பது போல் இருந்தது...!

மழையில் நனைந்தால்
மறுநாளே அவளுக்கு
காய்ச்சல் வந்துவிடுமே...!
மழையில் குதிப்பவளை
கைகளால் கட்டியணைத்து
கரையேற்ற வேண்டும் போலிருந்தது...!

முட்டாள் நான்...!
இன்னும்
நிழல்களையும், பிம்பங்களையும்
நிஜமென்று
நினைத்துக்கொண்டிருக்கிறேன்...!

சிந்தி விழுந்த மழைத்துளியும்
என்னைப் பார்த்து
சில்லென்று
சிரிப்பது போலிருந்தது...!

மழைத்துளிகளுக்கிடையில்
மறுபடியும் ஒருமுறை - அவள்
முகத்தை தேடினேன்...!

கடைசியாய் சந்தித்த அன்று
மறந்துவிட சொல்லி
அவள் எங்கோ
மறைந்து போனது -என்
மனதிற்க்குள் இப்போது கனத்தது...!

தலைசாய்த்துக்கொண்டு
அப்படியே கண்மூடினேன் நான்...!

நான் கண்விழித்து பார்க்கும் போது
மழை மொத்தமாய்
நின்றுபோயிருந்தது...!

மண்ணை தொட்ட
மழைத்துளியின் ஈரம் - என்
கண் முன்னே மெதுவாய்
காணாமல் போய்க்கொண்டிருந்தது...!

ஆனால்,
என் கண்ணீர் நனைத்த
என் கன்னங்களும்,
அவள் நினைவுகள் நனைத்த
என் மனதும்
இன்னும் ஈரமாகவே இருந்தது...!

----கவிக்காதலன்...

SOURCE: [You must be registered and logged in to see this link.]

by **kavithaigal** Thu Mar 31, 2011 1:59 pm

ஈரம்
இது பலர் வாழ்வில் வரும் சோகம்
கனவுகளோடு விளையாடும் விளையாட்டில்
நினைவு வரும் போது
தெரியும் சோகமும் வலியும்
கண்ணீர் கொண்டல்ல . . .
நினைவை சுமந்தல்ல . . .
மறுபடியும் பிறந்து வந்தால் கூட புரியாது
அதன் வலி என்னவென்று

அற்புதம் அருமை
வாழ்த்துக்கள்
என்றும் அன்புடன் கந்தவேல் கவிதைக்காக. . .

சோகத்தை சுமந்த வரிகள் நண்பரே... வார்த்தையால் வலிகளை மிகவும் அருமையாக எழுதியிருக்கீங்க பாராட்டுக்கள்

by **சிசு** Thu Mar 31, 2011 3:17 pm

ஈரம் - காட்சிப்படிமம்...

துவக்கத்தில் பஞ்சுமூட்டையாய் இருந்த மனது முடிக்கையில் ஈரத்தோடு...

by **நிலாமதி** Thu Mar 31, 2011 7:01 pm

முட்டாள் நான்...!
இன்னும்
நிழல்களையும், பிம்பங்களையும்
நிஜமென்று
நினைத்துக்கொண்டிருக்கிறேன்...!.......

....முட்டாள் என்று தெரிகிறது விழித்துக் கொள்ளுங்கள்.
வாழ்க்கை இன்னும் வாழ இருக்கிறது