வாழ்நாளில் கிடைக்கும் ஒரே வாய்ப்பை இழந்துவிட்டேன் - சங்கக்கார

by **RAJABTHEEN** Mon Apr 04, 2011 11:45 am

உலகக் கிண்ண இறுதிப் போட்டியில் தோல்வியடைந்ததையிட்டு ஏமாற்றம் அடைகிறோம். எனினும்
நாம் இவ்வளவு தூரம் வந்ததையிட்டு திருப்தியடைகிறோம் என்று இலங்கை அணித் தலைவர்
குமார் சங்கக்கார தெரிவித்தார்.உலகக் கிண்ண இறுதிப் போட்டியை தொடர்ந்து நடந்த ஊடகவியலாளர் மாநாட் டிலேயே அவர்
இவ்வாறு தெரிவித்தார். அதில் அவர் மேலும் கூறியதாவது:-நாம் எமது ஆட்டத்தையிட்டு பெருமை யடைகிறோம். இறுதிப் போட்டியில் வெற்றிபெற கடைசிவரை
போராடினோம். ஆனால் அதிர்ஷ்டம் கிடைக்கவில்லை. வாழ்நாளில் ஒருமுறையே கிடைத்த வாய்ப்பை
தவறவிட்டேன் என்றார்.இந்த உலகக் கிண்ண போட்டியுடன் ஓய்வுபெற்ற நட்சத்திர சுழற்பந்து வீச்சாளர் முத்தையா
முரளிதரன் பற்றி இங்கு கருத்துக் கூறிய சங்கக்கார, முரளியின் இழப்பு ஈடுசெய்ய
முடியாதது. துரதிருஷ்டவசமாக எம்மால் அவருக்கு சிறந்த பிரியாவிடையை வழங்க முடியவில்லை
என்றார்.இதேவேளை உலகக் கிண்ண இறுதிப் போட்டி பரிசளிப்பு நிகழ்வில் கருத்துக் கூறிய
சங்கக்கார, எங்களை விட சிறந்த அணி தான் உலகக் கிண்ணத்தை வென்றுள்ளது. காம்பீர்
மிகவும் சிறப்பாக விளையாடினார். இதேபோன்று அணித் தலைவர் தோனியும் பொறுப்புடன்
விளையாடி எங்களுக்கு வாய்ப்பு இல்லாமல் செய்து விட்டார். அவரது ஆட்டம் புத்தி
சாலித்தனமாக இருந்தது.இந்தியாவின் துடுப்பாட்ட வரிசை சிறப்பாக உள்ளது. 300 ஓட்டங்கள் எடுத்திருந்தாலும்
போதுமானதாக இருந்திருக்காது என்று நினைக்கிறேன். தொடர்ந்து விக்கெட் கைப்பற்றியும்
இந்தியாவுக்கு அதிக நெருக்கடி கொடுக்க முடியாமல் போனது இவ்வாறு அவர் கூறினார்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வாழ்நாளில் கிடைக்கும் ஒரே வாய்ப்பை இழந்துவிட்டேன் - சங்கக்கார

வாழ்நாளில் கிடைக்கும் ஒரே வாய்ப்பை இழந்துவிட்டேன் - சங்கக்கார