அல்லாஹ்வின் தூதர் (ஸல்) அவர்கள் வெள்ளி மோதிரம் அணிந்திருந்தார்களா?

by **RAJABTHEEN** Mon Apr 04, 2011 8:05 pm

அல்லாஹ்வின்
தூதர் (ஸல்) அவர்கள் (பைஸாந்திய) ரோமர்களுக்குக் கடிதம் எழுத
விரும்பியபோது மக்கள் ''ரோமர்கள் முத்திரையிடப்படாத எந்தக் கடிதத்தையும்
வாசிக்கமாட்டார்கள்'' என்று கூறினர்.

எனவே
அல்லாஹ்வின் தூதர் (ஸல்) அவர்கள் வெள்ளி மோதிரம் ஒன்றைச் செய்து அதில்
'முஹம்மதுர் ரஸுலல்லாஹ்' எனும் இலச்சினையைப் பொறித்தார்கள். அல்லாஹ்வின்
தூதர் (ஸல்) அவர்களின் கையில் (ஒளிர்ந்த) அந்த மோதிரத்தின் வெண்மையை
இப்போதும் நான் பார்ப்பதைப் போன்றுள்ளது. அறிவிப்பவர் அனஸ் பின்
மாலிக் (ரலி) (நூல்கள் -புகாரி 65, 2938, 5872, 5875, 7162, முஸ்லிம்
4247-4249, திர்மிதீ, நஸயீ, அபூதாவூத், இப்னுமாஜா, அஹ்மத்)

நபி(ஸல்)
அவர்கள் மோதிரம் ஒன்றை தயார் செய்து, 'நாம் மோதிரம் ஒன்றை தயார்
செய்துள்ளோம். அதில் ('முஹம்மதுர் ரசூலுல்லாஹ்' என்ற) இலச்சினை ஒன்றைப்
பொறித்துள்ளோம். எனவே, அதைப் போன்று வேறெவரும் இலச்சினை பொறிக்க
வேண்டாம்' என்றார்கள். நபி(ஸல்) அவர்களின் சுண்டுவிரலில் அது மின்னியதை
இப்போதும் நான் (என் மனத்திரையில்) பார்க்கிறேன். அறிவிப்பவர் அனஸ் பின் மாலிக் (ரலி) (நூல்கள் - புகாரி 5874, 5877, முஸ்லிம் 4246, திர்மிதீ)

அல்லாஹ்வின் தூதர் (ஸல்) அவர்களது வெள்ளி மோதிரம் அபிசீனியக் குமிழ் (அல்லது கருப்புக் கல்) உள்ளதாக இருந்தது. அறிவிப்பவர் அனஸ் பின் மாலிக் (ரலி) (நூல்கள் - புகாரி 5870, முஸ்லிம் 4252, 4253, திர்மிதீ, நஸயீ)

by **RAJABTHEEN** Mon Apr 04, 2011 8:05 pm

நபி
(ஸல்) அவர்கள் மோதிரம் அணியும் பழக்கமுடையவர்களாக இருக்கவில்லை. பின்னர்
அயல் நாட்டு மன்னர்களுக்கு இஸ்லாமிய அழைப்பு விடுத்து கடிதம் எழுதும்போது
முத்திரையிடாத கடிதத்தை பிறநாட்டு அரசர்கள் படிக்கமாட்டார்கள் என்பதால் ''முஹம்மது ரஸுல் அல்லாஹ்'' என
மூன்று வரிகள் பொறிக்கப்பட்ட வெள்ளியிலான மோதிரத்தை தயார் செய்து
அல்லாஹ்வின் தூதர் (ஸல்) அவர்கள் அணிந்துகொண்டார்கள். இந்த வெள்ளி
மோதிரம் அரசு முத்திரை மோதிரமாகப் பயன்படுத்தப்பட்டு வந்ததுள்ளது.

மோதிரத்தில்
''முஹம்மது ரஸுல் அல்லாஹ்'' என்கிற இலச்சினையை நீங்கள் எழுதிக்கொள்ள
வேண்டாம் என்று தடைவந்துள்ளதால் அவ்வாறு எழுதி வெள்ளி மோதிரம் அணிவதை நாம்
தவிர்த்துக்கொள்ள வேண்டும்.

நபி (ஸல்)
அவர்களின் வெள்ளி மோதிரத்தின் தலைப் பகுதியில் அபிசினீயக் கல்
பதிக்கப்பட்டிருந்தது என்று அறிவிப்புகளிலிருந்து அறிந்தாலும், கருப்புக்
கல் என்று நேரடியான வாசகத்தை நாமறியவில்லை. ஆனாலும் அதிர்ஷ்டக் கல் என்கிற
மூடநம்பிக்கையின்றி கருப்புக் கல் உள்பட கல் பதிக்கப்பட்ட வெள்ளி மோதிரம்
அணிய மார்க்கத்தில் தடையேதும் இல்லை என்பதே நமது புரிதல்!

(அல்லாஹ் மிக அறிந்தவன்)

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அல்லாஹ்வின் தூதர் (ஸல்) அவர்கள் வெள்ளி மோதிரம் அணிந்திருந்தார்களா?

அல்லாஹ்வின் தூதர் (ஸல்) அவர்கள் வெள்ளி மோதிரம் அணிந்திருந்தார்களா?

Re: அல்லாஹ்வின் தூதர் (ஸல்) அவர்கள் வெள்ளி மோதிரம் அணிந்திருந்தார்களா?