வரிசையில் நின்றிருந்த கடவுள்

by **சரவணன்** Mon Apr 04, 2011 9:49 pm

அப்பாவும், அம்மாவும்
தராத அரவணைப்பை
பொம்மைக்குத் தந்தபடி
உறங்கிக் கொண்டிருந்தது குழந்தை.
கனவில் தோன்றிய கடவுள்கள்
அச்சிறு குழந்தையின் அரவணைப்பை
வரமாய் கேட்டனர்.
வரிசையில் நின்றிருந்த
கடவுள்களுக்கு உறக்கப் புன்னகையை
தந்துவிட்டு பொம்மையை
இறுக்கி அணைத்துக் கொண்டதது.
பொம்மையாதலின் வழிமுறைகள்
அறியாமல் விழித்தபடி நின்றனர்
கடவுள்கள்.