அங்காரகன் என்று அழைக்கப்படுகின்ற செவ்வாய் பற்றி சிறிது தெரிந்துகொள்வோம். செவ்வாய்
சூரியனை ஒருமுறை சுற்றிவருவதற்கு அறுநூற்று எண்பத்தேழு நாட்கள் எடுக்கின்றது.
தன்னைத்தானே சுற்ற இருபத்து நான்கு மணி நேரமும் முப்பத்தேழு நிமிடங்களும் ஆகின்றது.
ஆகவே புவியைப் போலவே அங்கும் இரவு பகல் மாறிமாறி உண்டாகும். பூமியின் அச்சு இருபத்து
மூன்று அரை பாகை சரிந்துள்ளது.செவ்வாய் தன்னைத்தானே சுற்றும் அச்சு இருபத்து நான்கு பாகையில் சரிந்துள்ளமையினால்
பருவகாலம் புவியை ஒத்ததாகவே காணப்படுகிறது. செவ்வாய் சூரியனைச் சுற்ற எடுக்கும்
காலம் ஏறக்குறைய பூமி கதிரவனைச் சுற்ற எடுக்கும் காலப் பகுதியைக் காட்டிலும்
இருமடங்காக உள்ளதினால் காலநிலையும் இருமடங்காகின்றது. தொலைநோக்கி வாயிலாக செவ்வாயை
உற்று நோக்கும் வேளையில் அது செம்மஞ்சள் நிறமாகத் தோன்றும்.இனிநாம் ஆராயவேண்டிய கிரகம் வியாழன் ஆகும். இதன் பருமன் ஏனைய கிரகங்களை விட பெரிதாக
உள்ளதினால் இது இராட்சத கிரகம் என அழைக்கப்படுகின்றது.இது தன்னைத்தானே ஒரு முறை சுற்ற ஒன்பது மணித்தியாலங்களும் ஐம்பத்து ஐந்து
நிமிடங்களும் ஆகின்றது. ஆகவே இந்த இராட்சத கிரகம் பூமியை விட எவ்வளவு வேகமாகச்
சுழலுகின்றது என்பதைக் கற்பனை பண்ணிப்பார்க்கலாம். அதேவேளை வியாழன் சூரியனை ஒருமுறை
சுற்றிவர பதினொரு வருடங்களும் முந்நூற்று பதினைந்து நாட்களும் எடுக்கின்றது.
வியாழனிலிருந்து கிடைக்கப்பெற்ற நிறமாலையை விஞ்ஞானிகள் ஆராய்ந்து பார்த்தபோது அங்கு
அமோனியா, மெதென் போன்ற வாயுக்கள் இருப்பதைக் கண்டறிந்தனர். நாம் வாழுகின்ற பூமிக்கு
ஒரே ஒரு உபகிரகம் உள்ளது. ஆனால் வியாழனுக்கு பதினாறு உபகிரகங்கள் சுற்றி வருவதாக
அண்மையில் கண்டிபிடித்துள்ளனர்.எமது ஆராயவேண்டிய பட்டியில் அடுத்து வருவது யுரேனஸ் ஆகும். ஆயிரத்து எழுநூற்று
எண்பத்தோராம் ஆண்டுவரை சூரிய குடும்பத்தில் ஆறு கிரகங்களே உள்ளன என்று
நம்பியிருந்தனர். வில்லியம் ஹர்ஷா என்னும் விஞ்ஞானியினால் யுரேனஸ் என்ற கிரகம்
தற்செயலாகக் கண்டுபிடிக்கப்பட்டதாம். இதன் விட்டம் நாற்பத்தெட்டாயிரம் கிலோ மீற்றராகும். தன்னைத்தானே சுற்ற பத்து மணி
நாற்பத்து எட்டு நிமிடங்கள் எடுக்கின்றது. சூரியனை ஒருமுறை சுற்ற எண்பத்து நான்கு
வருடங்கள் செல்கின்றது. யுரெனெஸ்ஸிற்கு ஐந்து உப கிரகங்கள் உள்ளன.அடுத்ததாக நெப்டியூனைப் பார்ப்போம். இக்கிரகம் ஆயிரத்து எண்ணூற்று நாற்பத்தாறாம்
ஆண்டு பெரிலின் விண்வெளி ஆராய்ச்சி மையத்திலிருந்த விஞ்ஞானிகளினால்
கண்டுபிடிக்கப்பட்டது.

நூற்று அறுபத்து ஐந்து ஆண்டுகளுக்கு ஒருமுறை இது சூரியனைச்
சுற்றி வருகின்றது. தன்னைத்தானே சுற்ற பதினைந்து மணி நாற்பது நிமிடங்களும் செல்லும்.
இக்கிரகம் சூரியனிலிருந்து மிகவும் தொலைவில் நிலைகொண்டுள்ளதினால் எப்பொழும்
குளிராகவே காணப்படுகின்றது.இதற்கு இரண்டு உபகிரகங்கள் உள்ளன. இவ் உபகிரகங்களில் ஒன்று ஆறு நாட்களுக்கு ஒருமுறை
தாய்க்கிரகத்தை எதிர்த்திசையில் வலம் வருகின்றது. நெப்டியூனை வெறுங்கண்களால்
பார்க்க முடியாது.
இனி இக்கால விஞ்ஞானிகளினால் கிரகங்கள் பட்டியலிலிருந்து
துரதிஷ்டவசமாக நீக்கப்பட்ட புளூட்டோ பற்றி சிறிது ஆராய்வோம். இக்கிரகம் ஆயிரத்து
தொள்ளாயிரத்து முப்பதாம் ஆண்டு விண்வெளி ஆராய்ச்சி மையத்தினரால் கண்டு
பிடிக்கப்பட்டது. இது சூரியனிலிருந்து ஐநூற்று எழுபத்தாறு கோடி கிலோ மீற்றர்
தொலைதூரத்தில் உள்ளது.இனி தற்கால விஞ்ஞானிகளினால் புளூட்டோ கிரகத்தை கோள்கள் பட்டியலிருந்து
நீக்கியமைக்குரிய பிரதான காரணியைப் பார்ப்போம். அதாவது புளூட்டோவிற்கு கிரகங்களுக்கு
இருக்க வேண்டிய தாற்பரியங்கள் மிகக் குறைவாகவே உள்ளதைக் குறிப்பிடலாம்.இனி விண்துகள் பற்றிப் பார்ப்போம். அதாவது செவ்வாயின் பாதைக்கும் வியாழனின்
பாதைக்கும் இடையில் வித்தியாசமான பருமனுடைய பல்லாயிரக்கணக்கான சிறு வஸ்துக்கள் ஏனைய
கோள்களைப் போலவே சூரியனை ஒழுங்காகச் சுற்றி வருகின்றன. இவற்றையே விண்துகள் என்று
அழைக்கின்றனர்.இறுதியாக விண்கற்கள் பற்றி சிறிது தெரிந்துகொள்வோம் வானத்தில் கரு முகில்கள்
இல்லாது கோடான கோடி விண்மீன்கள் எம்மைப் பார்த்து கண் சிமிட்டுகின்றவேளையில்
நட்சத்திரம் போன்ற தோற்றமுடைய பொருளொன்று திடீரென்று புவியை நோக்கி மின்னல்
வேகத்தில் வானவில்லில் உள்ள வர்ணங்களுடன் வீழ்வதைக் காண்கின்றோம். இதுதான்
விண்கற்களாகும். சிறிய கற்களினால் பூமியில் வாழ்வோருக்கு பங்கம் ஏற்படப்போவதில்லை. ஆனால் ஆயிரத்து
தொள்ளாயிரத்து எட்டாம் ஆண்டு சைபீரியக்காட்டில் வீழ்ந்த பாரிய விண்கல்லினால்
பெரும்சேதம் உண்டாகிவிட்டதை அறிகின்றோம்.இதனால் ஏற்பட்ட குழி சுமார் நாற்பத்து ஐந்து கிலோ மீற்றர் விட்டம் உரையதாம். வனப்
பிரதேசத்தில் வீழ்ந்த காரணத்தினால் மனித உயிர்களுக்கு அவ்வளவாக தேசம்
ஏற்பட்டிருக்காது, ஆனால் நகர்ப்புறங்களிலோ அல்லது சமுத்திரங்களிளோ ராட்க்ஷ
விண்கற்கள் விழும் பட்சத்தில் இலட்சக்கணக்கான உயிர்கள் காவுகொள்ளப்பட்டு விடும்.
கடலில் விழுகின்ற பாரிய பருமனுடைய விண்கல்லால் சுனாமி ஏற்படலாம். இதன் கொடூரத்தை நாம் இரண்டாயிரத்து நான்கு டிசம்பர் மாதம் நன்கு உணர்ந்து கொண்டோம்
தானே!பிரபஞ்சத்தில் உள்ள அற்புதங்களை விஞ்ஞானிகள் கண்டுகளிக்க தொழில்நுட்ப சாதனங்கள்
உறுதுணைபுரிகின்றன. அவற்றில் அதிசக்தி வாய்ந்த தொலை நோக்கி ராடார் ரொக்கெட்டில்
ஏவப்படுகின்ற ஸ்கை லாப் என்பனவற்றை விண்வெளி ஆய்வாளர்கள் தயார் நிலையில்
வைத்துள்ளனர் என்பது இந்நூற்றாண்டு வாழ் மக்கள் செய்த பெரும் பாக்கியம்.

தகவலை தெரிந்து கொள்ள தந்தமைக்கு நன்றி பாஸ்

தெரிந்த தகவல் ஆனால் அருமையான தமிழில்.