கடவுளை கண்டுபிடித்த ''சூப்பர் ஸ்டார்''யார்?

by kadhar24 Tue Apr 05, 2011 2:16 pm

இந்த உலகில் எவ்வளவோ கண்டுபிடிப்புகள் கண்டுபிடிக்கப்பட்டு,அவற்றில் பல காலாவதியாகி மறைந்தே விட்டது.சில இன்றும் ஆதிக்கம் செலுத்திக்கொண்டிருக்கிறது.அவற்றில் ஒன்றுதான் ''கடவுள்'' என்ற கருத்தாக்கம்.இந்த கடவுளை கண்டு பிடித்து,இந்த உலகத்தில் உலவ விட்ட மகாராசனை உண்மையிலே பாராட்ட வேண்டும்.அவருக்கு எவ்வளவு தொலைநோக்கு பார்வை இருந்தால்,இந்த ஒரு வார்த்தைக்குத்தான் மனிதன் பயப்படுவான் என்று சிந்தித்து,இந்த உலகிற்கு அறிமுகப்படுத்தி இருப்பார்.

யாரோ கண்டு பிடித்த இந்த கடவுளை இன்று மனிதர்கள் அவர் அவர்களின் சுயநலத்திற்காக எப்படி எல்லாம் பயன் படுத்திக்கொள்கிறார்கள்.ஒரு நாட்டை ஆக்கிரமித்து கொள்வதற்கு,ஒரு இனத்தை அழிப்பதற்கு தங்களின் பொருளாதாரத்தை உயர்த்திக் கொள்வதற்கு,அப்பாவி தொழிலாளர்களை பயம் காட்டி வழி நடத்தி செல்வதற்கு,குடும்பங்களில் தனது தலைமை பணியை தக்க வைத்துக் கொள்வதற்கு,ஊர்த் தலைவராக தன்னை நிலை நிறுத்திக் கொள்வதற்கு இன்னும் விவரிக்க முடியாத அனைத்து செயல்களுக்கும் கடவுளையே ஆதாரமாக கொண்டு மனிதர்களை பணிய வைக்கிறார்கள்.

இன்னும் எத்தனை காலத்துக்குத்தான் இந்தகடவுளை பிடித்து தொங்கி கொண்டிருப்பார்கள்.ஐயா,நவீன மனிதர்களே,நீங்கள் ஏதாவது புதிதாக ஒன்றை கண்டுபிடித்து அறிமுக படுத்துங்களேன். அதுவரைக்கும் இந்த கடவுளுக்கு ''எக்ஸ்பரி டேட்டே''கிடையாதா?

நண்பர்களே பதிவை படித்து ஓட்டைப்போட்டு கருத்தை தரவும்.நன்றி.

by **சிசு** Tue Apr 05, 2011 2:47 pm

சிந்திக்கத் தூண்டும் கேள்விதான்.

கடவுளை யாரும் கண்டுபிடித்திருக்க முடியாது. ஆதாமையும், ஏவாளையும் அவர்களது சந்ததியினர் நிராதரவாய் விட்டுவிட்டு இடம் பெயர்ந்திருப்பார்களே... அந்த நொடியில் அந்த இருவருமே அந்த (ஆப்பிள்-ஐ சாப்பிடாதீர்கள் என்ற) மகாசக்தியை உணர்ந்திருப்பார்கள்.

ஒவ்வொரு ஆதாமும், ஒவ்வொரு ஏவாளும், ஒவ்வொரு முறை இந்த மகாசக்தியை உணரும்போதும் அவர்களாகவே கற்பனையில் உருவகப்படுத்தி அதற்கொரு பெயரும் நாளடைவில் கொடுத்துவிட்டார்கள். அவ்வளவுதான்.

சில விஷயங்களுக்கு "expiry date" இல்லாமல் இருப்பதே சிறந்தது. இன்னும் சொல்லப்போனால், சில விஷயங்களுக்கு "expiry date" கொடுக்கவே முடியாது. (உ-ம. தாயன்பு)

எனக்குத் தெரிந்ததை சொல்லியிருக்கிறேன். தெரியாததை சொல்லித்தாருங்கள். தெரிந்து கொள்கிறேன்.

காதர், உங்கள் வலைப்பூ முகவரியை எங்களுடன் பகிர்ந்து கொள்ளலாமே!!!!

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கடவுளை கண்டுபிடித்த ''சூப்பர் ஸ்டார்''யார்?

கடவுளை கண்டுபிடித்த ''சூப்பர் ஸ்டார்''யார்?

Re: கடவுளை கண்டுபிடித்த ''சூப்பர் ஸ்டார்''யார்?

Re: கடவுளை கண்டுபிடித்த ''சூப்பர் ஸ்டார்''யார்?

Re: கடவுளை கண்டுபிடித்த ''சூப்பர் ஸ்டார்''யார்?