இந்திய அணியை விட்டுச் செல்வது கடினமான முடிவு - கேரி கர்ஸ்டன்

28 ஆண்டுகளுக்குப்
பிறகு இந்திய அணியை உலக சாம்பியன்களாக்கியதில் பெரும்பங்கு வகித்த இந்திய
கிரிக்கெட் அணியின் பயிற்சியாளர் கேரி கர்ஸ்டன், இந்திய அணியை விட்டுச்
செல்வது என்பது வாழ்நாளில் மிகக் கடினமான முடிவு என்றார்.

"பயிற்சிப்பொறுப்பில்
நீடிப்பது பற்றி அதிகாரபூர்வ தகவல்கள் எதுவும் இதுவரை இல்லை. இந்திய அணியை
விட்டுச் செல்வது என்பது சாதாரண விஷயமல்ல, இருந்தாலும் நான் எனது
குடும்பத்துடன் அதிக நேரம் செலவு செய்ய விரும்புகிறேன்." என்று
செய்தியாளர்களிடம் கேரி கர்ஸ்டன் தெரிவித்தார்.

அதே
பொல் இந்திய அணியினர் கொடுத்த ஒத்துழைப்பு பற்றியும் கர்ஸ்டன் புகழ்ந்து
பேசினார். தான் பார்த்த அளவில் உலகின் சிறந்த கேப்டன் மகேந்திர சிங்
தோனிதான் என்றும் பாராட்டியுள்ளார் கேரி கர்ஸ்டன்.

இதற்கிடையே
ஆஸ்ட்ரேலியாவில் நடைபெறும் ஐ.பி.எல். பாணி உள்நாட்டு மெகா இருபதுக்கு 20
கிரிக்கெட் தொடரில் சிட்னியைச் சேர்ந்த ஒரு அணிக்கு அவர் பயிற்சியாளராகலாம்
என்று ஆஸ்ட்ரேலிய ஊடகங்களும், ஐ.பி.எல். கிரிக்கெட்டில் மும்பை இந்தியன்
அணிக்கு அவரை பயிற்சியாளராக நியமிக்கலாம் என்று இந்திய ஊடகங்களும் தங்களது
ஊகங்களை செய்திகளாக வெளியிட்டுள்ளன.