தோனி இந்தியாவின் அதிர்ஷ்டம் - அஃப்ரீடி

இந்திய அணிக்கு 3 கிரிக்கெட் ஆட்டங்களுக்கும் ஒரே கேப்டன், நிலையான கேப்டனாக தோனி இருப்பது பாராட்டுக்குரியது என்று பாகிஸ்தான் கேப்டன் தோனிக்கு புகழாரம் சூட்டியுள்ளார்.

இந்தியர்களுக்குப் பரந்த மனது இல்லை என்று கூறியதையடுத்து ஏற்பட்ட சர்ச்சை தொடங்கி அஃப்ரீடி தொடர்ந்து இந்திய அணி, மக்கள், கேப்டன் தோனி, சச்சின் டெண்டுல்கர் என்று புகழ்ந்து தள்ளத் தொடங்கினார்.

"இறுதிப் போட்டியில் தோனி அபாரமான ஆட்டத்தை வெளிப்படுத்தினார். அன்றைய தினம் இந்திய அணியே வெற்றி பெறத் தகுதியான அணி, தோனி போன்ற ஒருவரை நிலையான கேப்டனக பெற அந்த அணி அதிர்ச்த்டம் செய்துள்ளது." என்ரார் அஃப்ரீடி.

மேலும் ஆசியப் பகுதிக்கு கிரிக்கெட் உலகக் கோப்பை மீண்டும் வந்துள்ளது இப்பகுதியில் கிரிக்கெட் ஆட்டத்தின் மீதான ஊக்கத்தை பெருமளவு வளர்த்தெடுக்கும் தவிரவும் இந்திய, பாகிஸ்தான் உறவுகள் ஏற்பட்டு இருதரப்பு கிரிக்கெட் தொடர வாய்ப்பு பெருகும் என்றும் அஃப்ரீடி தெரிவித்துள்ளார்.

சச்சின் டெண்டுல்கர் பற்றி குறிப்பிடுகையில் நான் என்றுமே சச்சினின் ஆட்டத்தை ரசிப்பவன்தான். அவரது கையெழுத்திட்ட ஒரு சட்டையை என் வரவேற்பறையில் வைத்துள்ளேன். இன்னும் அவருக்கு ரன்கள் மீதான ஆசை தீராமலிருப்பது ஆச்சரியத்தை ஏற்படுத்துவதாய் உள்ளது என்றார்.