காலுறைகளை மஸஹ் செய்யும் கால வரம்பு.

by **RAJABTHEEN** Thu Apr 07, 2011 7:56 pm

ஹதீஸ் எண்: 157
காலுறைகளை மஸஹ் செய்யும் காலம் பயணிக்கு மூன்று நாட்களாகும். உள்ளூர்வாசிக்கு ஒரு பகலும் ஒரு இரவுமாகும் என்று அண்ணல் நபி (ஸல்) அவர்கள் கூறினார்கள்.

அறிவிப்பவர்: குஜைமா பின் சாபித் (ரலி) அவர்கள்.

இமாம் அபூதாவூத் குறிப்பிடுகின்றார்கள்:
தனது இஸ்நாத் மூலம் (இதை) இப்றாகீம் அத்தைமீ என்பாரிடமிருந்து மனசூர் பின் அல்முஃதமர் அறிவிக்கும் போது இந்த காலவரையை நீங்கள் நீட்டிக் கேட்டிருந்தால் நபி (ஸல்) அவர்கள் நீட்டித்தந்திருப்பார்கள் என்று அறிவிக்கின்றார்.

by **RAJABTHEEN** Thu Apr 07, 2011 7:56 pm

ஹதீஸ் எண்: 158
உபைப் பின் இமாரா (ரலி) அவர்கள் அல்லாஹ்வின் திருத்தூதர் அவர்களே! நான் இருகாலுறைகளின் மீதும் மஸஹ் செய்யலாமா? என்று வினவியதும் அவர்கள் 'ஆம்' என்றனர். ஒரு நாள் (முழுவதும் செய்யலாமா?) என்று அவர் வினவியதும் அண்ணலார் அவர்கள் ஒருநாள் (முழுதும் செய்யலாம்) என்றனர். இரு நாட்கள் (வரை செய்யலாமா?) என்று அவர் வினவ அண்ணலார் அவர்கள் இருநாடகள்! (வரை) என்று பதிலளித்தார்கள். மூன்று நாட்கள் (வரை செய்யலாமா?) என்று அவர் வினவ அண்ணலார் அவர்கள் 'ஆம்' நீர் விரும்பிய நாட்கள் வரை என்று பதிலளித்தார்கள்.

அல்லாஹ்வின் திருத்தூதர் (ஸல்) அவர்களுடன் இரு கிப்லாக்களை (பைத்துல் மக்தஸ், கஃபா) முன்னோக்கித் தொழுதவர் என்று உபை பின் இமாரா (ரலி) அவர்களைப் பற்றி இதன் அறிவிப்பாளர்களில் ஒருவரான யஹ்யா பின் அய்யூப் என்பார் குறிப்பிடுகின்றார்.

இமாம் அபூதாவூத் குறிப்பிடுகின்றார்கள்.
இப்னு அபூமர்யம் என்பார் அறிவிக்கும் தனது ஹதீஸில் (நாட்களை நீட்டிக் கொண்டிருந்த) உபைய் பின் இமாரா (ரலி) அவர்கள் ஏழு என்று எண்ணிக்கையை அடைந்த போது அல்லாஹ்வின் திருத்தூதர் (ஸல்) அவர்கள் 'ஆம், உமக்கு தோன்றிய நாட்கள் (வரை) என்று பதிலளித்தார்கள்' என்று அறிவிக்கிறார்.

இமாம் அபூதாவூத் (ரஹ்) அவர்கள் குறிப்பிடுகின்றார்கள்.
மேலுள்ள முதல் அறிவிப்பாளரான யஹ்யா பின் அய்யூப் என்பாரின் 'இஸ்னாதில்' கருத்து வேற்றுமை காணப்படுவதோடு இவர் ஹதீஸில் வல்லுனராக இல்லை.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காலுறைகளை மஸஹ் செய்யும் கால வரம்பு.

காலுறைகளை மஸஹ் செய்யும் கால வரம்பு.

Re: காலுறைகளை மஸஹ் செய்யும் கால வரம்பு.