பெண்ணினமே கேள்

by **RAJABTHEEN** Sun Apr 10, 2011 8:02 pm

தன்னம்பிக்கை உனக்குண்டோல்
தன்காலில்நில் தலைநிமிர்ந்துவாழ்
இன்னமும் உனக்குள் எதிர்பார்ப்புக்கள்
உண்டானால் என்றுநீ தலைநிமிர்வாய்?

கள்ளனும் காமனும் ஒன்றே-இவர்கட்கு
ஒருபோதும் கருணை காட்டாதே!
உள்ளத்தை உயர்ந்ததாக்கிகொள்
உன்னை நீயே புரிந்துகொள்.
காமுகர்கள் காத்திருக்கும் பாதையிலே
கல்தடக்க கால்தடக்கியும் விழுந்திடாதே!
சமூகத்தை மதித்து நட காரணம்-இந்த
சமூகத்தில் நீயும் ஓர்பிரதிநிதி மறவாதே!

உடலழகைநம்பி உலகில் வாழாதே!
ஒருநாள் ஏமாற்ற ஏமாந்து போவாய்.
கடந்தகாலமும் கரைந்த மானமும்
திரும்பி ஒருபோதும் வரவேவாராது
கன்னியாய் வாழ்ந்தாலும்வாழ் -நீயாய்ஏற்று
கைம்பெண்ணாய்வாழாதே! கண்ணீரே மிஞ்சும்.
அன்னையாய் வாழும் அன்புவாழ்வே அகிலத்தில்
பெண்மைக்கு பெருமை புகழும் தந்தது.
அன்பைவிதை நற்பண்பால் நீர்பாய்ச்சி
துன்பம் கழைந்து துயரமின்றி வாழ
அறிவைவளர் அதுவே உயர்வைத்தரும்
அதனால் உன் ஆணவத்தை வளர்த்திடாதே!
உன்னை நீ உணர்ந்து கொண்டால்
பெண்மைக்கு பெருமை என்றுமே!
தன்னைத்தானே உணராதவரையில்
தரணியில் நீயே உனக்கு எதிரி.