கருப்பு நிற வரவேற்பு

by **RAJABTHEEN** Sun Apr 10, 2011 8:05 pm

விடைபெற்ற விடியலிலும்
விழிகளுக்கு கருப்பு நிற வரவேற்பு
கடக்கின்ற விடியலுக்கும்
கண்ணீர் துளிகளும் கவலைகளும் வரவேற்பு
மலரப்போகும் விடியலிலாவது
மனசு நலம் பெறுமா?
விடையில்லாத பயணங்களால்
வீறு நடைபோட முடியவில்லை
ஒவ்வொரு விடியலிலும்
ஏக்கங்கள் அதிகமாகிறது.
நாளையாவது பொழுது
நலமாய் விடியுமா என்று...- தினமும்
பல வினாக்களுடன்
பயணிக்கின்ற பொழுதுகளுக்கு
பதிலில்லை இன்றுவரை...
ஏக்கங்கள் தொடர்கிறது
எத்தனை முறை தான்
எழுந்து நடப்பது இறந்து இறந்து....