உத்தரபிரதேசம் மாநிலம் ஷகரன்பூர் கோர்ட்டில் குமாஸ்தாவாக இருந்து ஓய்வு பெற்றவர் ஜிந்தா ஹசன் (67). 4 பெண்களை திருமணம் செய்த இவர் இதுவரை 53 குழந்தைகளை பெற்று உள்ளார்.

1964-ம் ஆண்டு இவருக்கு முதல் திருமணம் நடந்தது. அனிஷா என்ற பெண்ணை திருமணம செய்து கொண்டார். இவர் மூலம் 4 குழந்தைகள் பிறந்தன. பின்னர் அனிஷா இறந்துவிட்டார்.

இதை தொடர்ந்து அனிஷாவின் சகோதரி தஸ்லிம் பானுவை 2-வது திருமணம் செய்து கொண்டார். அவர் மூலம் 27 குழந்தைகள் பிறந்தன. அடுத்து சவீதா பானு என்ற பெண்ணை 3-வதாக திருமணம் செய்து கொண்டார்.

அவர் மூலம் 10 குழந்தைகள் பிறந்தன. பின்னர் அவர் விவாகரத்து பெற்று பாகிஸ்தான் சென்றுவிட்டார். 1980-ம் ஆண்டு 4-வதாக நர்கிஸ் பர்வீன் என்ற பெண்ணை திருமணம் செய்து கொண்டார். இவர் மூலம் 12 குழந்தைகள் பிறந்தன. 4 மனைவிகள் மூலமும் மொத்தம் 53 குழந்தைகள் பிறந்திருந்தனர். ஆனால் இதில் ஒரு துரதிஷ்டம் இந்த குழந்தைகளில் 26 பேர் பல்வேறு காரணங்களால் இறந்து விட்டனர்.

அவருடைய 53 குழந்தைகளில் மூத்தவர் பெண். அவருக்கு தற்போது 40 வயதாகிறது. கடைசியாக ஆண் குழந்தை பிறந்தது. அவனுக்கு 10 வயதாகிறது. நீங்கள் ஒரு ஆண் 53 குழந்தைகளை பெற்று இருக்கிறீர்களே என்று அவரிடம் கேட்டால் குழந்தைகள் அனைவரும் கடவுள் கொடுத்த பரிசு. அவருடைய விருப்பம் எதுவோ அது நடந்து இருக்கிறது.

இதில் என் பங்கு என்ன இருக்கிறது? என்று திருப்பி கேட்கிறார். இப்போது உங்களுக்கு வயது அதிகமாகி விட்டது. இந்த நிலையில் மீண்டும் திருமணம் செய்து கொள்ள விரும்புகிறீர்களா? என்று கேட்டதற்கு இதற்கும் அவர் மறுப்பு தெரிவிக்கவில்லை என் எதிர் காலம் பற்றி நான் எப்படி தீர்மானிக்க முடியும். இதிலும் கடவுள் தான் முடிவு செய்ய வேண்டும்.

கடவுள் என்ன விரும்புகிறாரோ அதை நான் செய்வேன் என்றார். 53 குழந்தைகளில் எந்த குழந்தை எந்த மனைவிக்கு பிறந்தது என்று கூட அவருக்கு தெரியவில்லை. இத்தனை குழந்தைகள் இருந்தாலும் அவர்களுக்கும் எந்த மோதலும் ஏற்பட்டது இல்லை.

நாங்களே அதிகம் பேர் இருப்பதால் எங்க ளுக்கு உறவினர்களோ, நண் பர்களோ தேவையில்லை. நாங்களே நண்பர்களாகவும், உறவினர்களாகவும் இருக்கி றோம் என்று அவர் கூறினார்.

என்ன இது