கொழும்பு: உலக்கோப்பை கிரிக்கெட் இறுதிப்போட்டி ஏற்பாடுகளில் போதிய வசதி
செய்துதரப்படாமல் இந்தியா மெத்தனம் காட்டியாதக இலங்கை அமைச்சர்கள்
குற்றம்சாட்டியுள்ளனர். 2011-ம் ஆண்டு உலகக்கோப்பை கிரிக்கெட் இறுதி
போட்டிகள் மும்பை வான்கட‌ே மைதானத்தில் கடந்த 2-ம் தேதி இந்தியா- இலங்கை
அணிகள் மோதின. இப்போட்டியை காண இலங்கை அதிபர் ராஜபக்ஷே உள்ளிட்ட இலங்கை
அமைச்சர்கள் காண வந்திருந்தனர். இந்நிலையில் இலங்கையிலிருந்து வெளிவரும்
சன்‌டே டைம்ஸ் பத்திரிகையில் கூறப்பட்டிருப்பதாவது:, உலகக்கோப்பை
கிரிக்கெட் இறுதிப்போட்டி இந்தியாவின் மும்பையில் இலங்க‌ை- இந்தியா மோதின.
இப்போட்டியை காண அதிபர் ராஜபக்ஷே தலைமையிலான அமைச்சர் குழுவிற்கு 10
டிக்கெட்டுகள் மட்டுமே ஒதுக்கப்பட்டிருந்தது. பெரும்பாலான அமைச்சர்கள் கள்ள
மார்க்கெட்டில் டிக்கெட் வாங்கித்தான் போட்டியினை பார்த்தனர். இதற்கு
இந்தியா முன்னேற்பாடுகள் செய்து தரவில்லை என்றனர். ஜான் ஷீனவர்த்தனே,
அலுதகமாகே ஆகிய அமைச்சர்கள் கூறுகையில், நாங்கள் இறுதிப்போட்டியை காண
இந்தியாவிற்கு முறையான விசா மூலம் தான் தான் வந்தோம். எனினும் வெளிநாட்டு
அமைச்சர் என்ற முறையில் இந்தியா எந்தவித வசதியினையும் செய்து
கொடுக்கவில்லை என்றனர். இது குறித்து புதுடில்லியின் உள்ள இலங்கைக்கான
இந்திய தூதர் பிரசாத் கரியவாசம் கூறு‌கையில், இலங்கை அதிபர் ராஜபக்ஷே
இந்தியா வருகை குறித்து எங்களுக்கு திடீரென தகவல் கிடைத்தது. இதனால்
அதிபருக்கு மட்டுமே போதிய வசதிகள் செய்து தரும் ஏற்படுத்தும முனைப்பில்
இருந்ததால் மற்ற அமைச்சர்களின் வருகை குறித்து கவனம் கொள்ள முடியவில்லை..
எனினும் இது குறித்து எங்கள் அலுவலகத்திற்கு எந்தவித புகாரும் வரவில்லை
என்றார்.

கொடுத்தது போதும்... போதும்...