நீங்கள் அழகுடன் இருக்க வேண்டுமா..?

சுத்தமான தேனை வாங்கித் தினமும் காலையில்
வெறும் வயிற்றில் ஒரு தம்ளர் தண்ணீரில் ஒரு ஸ்பூன் விட்டுக் கலக்கி அருந்த
வேண்டும். ஒரு மாத காலமாவது இவ்வாறு சாப்பிட்டு வந்தால். உடலை மெலிதாக்கி.
இறுகச் செய்யும் சக்தி தேனுக்கு உண்டு.

முருங்கை இலை. பூ ஆகியவற்றை
இரண்டு கைப்பிடியளவு எடுத்து 4 தம்ளர் தண்ணீரில் போட்டு காய்ச்சி அரை
தம்ளராக அது வற்றியதும். அத்துடன் பனங்கற்கண்டு சேர்த்து தினமும்
அதிகாலையில் வெறும் வயிற்றில் சாப்பிட்டு வந்தாலும் நல்ல பலன் கிடைக்கும்.

நல்ல
மிளகுடன் சிறிது சீரகம் சேர்த்து தண்ணீரில் போட்டு நன்றாக அவித்து அந்த
நீரை வடிகட்டி தினமும் காலையில் பருகி வந்தால் உடலில் உள்ள கெட்ட நீர்
வெளியேறி உடல் ஆரோக்கியமாக மாறும்.

ஒரு அவுன்ஸ் வெங்காயச் சாற்றில் 2
ஸ்பூன் சுத்தமான தேன் கலந்து தினமும் சாப்பிட்டு வர வேண்டும். உணவில் கீரை
வகைகளை அதிகம் சேர்த்துக் கொள்ள வேண்டும்.

சோற்றுக்கற்றாழையை
எடுத்து அதன் மேல் தோலை சீவி விட்டு உள்ளே இருக்கும் சோற்றுப் பகுதியைச்
சேகரித்து தினமும் 100 கிராம் அளவுக்கு அதில் நன்றாகத் தண்ணீர் விட்டுக்
கழுவி சர்க்கரை சேர்த்து மூன்று வார காலம் சாப்பிட்டு வந்தால் உடல்
இளைத்துப் பூங்கொடி போல் ஆகும்.

அகத்திக்கீரையும் முருங்கைக்கீரையும் கோவைக் கீரையும் கூட உடல் எடையைக் குறைக்கும். மாற்றி மாற்றிச் சாப்பிட்டு வரலாம்.

பிரண்டை
உப்பு அல்லது பிரண்டை பஸ்பம் (சித்த மருத்துவக் கடையில் கிடைக்கும்)
இவற்றில் ஏதாவது ஒன்றை தினம் காலை யில் ஓர் அரிசி எடை நெய்யுடனும். மறுநாள்
காலையில் ஓர் அரிசி எடை இளநீருடனும் மாற்றி மாற்றி உண்டு வர உடலுக்கு
எவ்விதக் கெடுதலுமின்றி நிச்சயமாக மெலிவதுடன் எடையும் குறையும்.

இரண்டு
தம்ளர்மோருடன் இரண்டு காரட்டையும் போட்டு மைய அரைத்துக் குடித்து வர ஒரு
வாரத்தில் இருந்து உடல் இளைக்க ஆரம்பித்து விடும். போதும் என்ற நிலை வந்த
வுடன் சாப்பிடுவதை நிறுத்திவிட வேண்டும்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நீங்கள் அழகுடன் இருக்க வேண்டுமா..?

நீங்கள் அழகுடன் இருக்க வேண்டுமா..?