[You must be registered and logged in to see this image.]பிரிட்டிஷ்
இளவரசர் வில்லியமின் திருமணத்தை முன்னிட்டு மக்கள் தெருக்கள் தோறும் சமூக
மட்டக் கொண்டாட்டங்களில் ஈடுபடுவது வரவேற்கத்தக்கது என்றும் அத்தகைய
நிகழ்வுகளுக்கு உள்ளூராட்சி மன்றங்களின் மட்டத்தில் செயற்படும் அதிகாரிகள்
தடைகளை ஏற்படுத்தக்கூடாது என்றும் பிரிட்டிஷ் பிரதம மந்திரி டேவிட் கமரூன்
தெரிவித்துள்ளார்.





இது சம்பந்தமாக பிரதம மந்திரி கமரூன் சன் பத்திரிகையில் விஷேட
அறிக்கையொன்றை வெளியிட்டுள்ளார். பிரிட்டனில் சில இடங்களில் ஏற்கனவே அரச
குடும்ப திருமணம் தொடர்பான சமூக மட்டக் கொண்டாட்டங்கள் ஆரமபித்துள்ளன.

ஆனால்
அந்தக் கொண்டாட்டங்களின் ஏற்பாட்டாளர்கள் மீது உள்ளூர் நிர்வாகம் பல
நிபந்தனைகளை விதிக்க ஆரம்பித்துள்ளது. அங்கு அமுலில் உள்ள வழமையான சட்ட
விதிகளின் கீழேயே இந்த நிபந்தனைகள் விதிக்கப்படுகின்றன.

இதனையடுத்து
உள்ளூராட்சி மன்ற விவகாரங்களுக்குப் பொறுப்பான பிரிட்டிஷ் அமைச்சர் இன்று
பல புதிய விதிமுறைகளை அவசாமாக வெளியிடவுள்ளார்.

[You must be registered and logged in to see this image.]

இந்தப்
புதிய விதிமுறைகளை அறிமுகம் செய்யும் வகையில் பிரிட்டிஷ் பிரதமர் கமரூன்
தனது மனைவி சகிதம் லண்டன் வீதிகளில் இறங்கி சமூக மட்டக் கொண்டாட்டங்களை
ஊக்குவிப்பார் என்றும் எதிர்ப்பார்க்கப்படுகின்றது.

பிரிட்டிஷ்
மக்கள் கொண்டாடட்டும் என்பது தான் இந்தப் புதிய விதிமுறைகளின் தொனிப்
பொருளாக அமையவுள்ளது. இதனிடையே இந்தத் திருமணத்தோடு இணைந்ததாக இன்னொரு
சுவாரஸ்யமான நிகழ்வும் இடம்பெறவுள்ளது.

இளவரசர் வில்லியம்,
அவருக்கு மனைவியாக வரவுள்ள கேட் மிடில்டன், மற்றும் முடிக்குரிய இளவரசர்
சார்ள்ஸ் ஆகியோர் தமது முன்னாள் காதலர்களுக்கு வழங்கவுள்ள விருந்து திருமண
வைபவத்தை விட ஊடகங்களின் கவனத்தை ஈர்த்துள்ளது.

[You must be registered and logged in to see this image.]

இந்த
விருந்தில் கலந்துகொள்ள விளையாட்டு உலகம், சினிமா உலகம் என்பனவற்றின்
பிரமுகர்கள் பலரும் அழைக்கப்பட்டுள்ளனர். இளவரசர் வில்லியம் அரபெல்லா
முஸ்கரேவ்வுக்கு தங்கஇலை அழைப்பிதழ் ஒன்றை அனுப்பியுள்ளார்.

2004ல்
வில்லியம் சென்.அன்ரூ பல்கலைக்கழகத்தில் இணைவதற்கு முன் மிகவும்
நெருக்கமாகப் பழகியவரே அரபெல்லா முஸ்கரேவ். அத்தோடு தனது முதலாவது காதலி
ரோஸ்பர்குவாருக்கும் வில்லியம் இந்த விருந்துக்கான அழைப்பை விடுத்துள்ளார்.


முதற்தடவையாக தனது உண்மை அன்புக்குப் பாத்திரமான ஜெக்கா
கிரய்க்கிற்கும் அழைப்பு அனுப்ப வில்லியம் மறக்கவில்லை. அதேபோல் கேட்
மிடில்டன் ரீபர்ட் பின்ச் என்பவருக்கு அழைப்பு விடுத்துள்ளார்.

மிடில்டனின்
முதலாவது டேடிங் அனுபவம் இவருடன்தான். சென் அன்ரூஸ் பல்கலைக்கழகத்தில்
வில்லியமை சந்திப்பதற்கு முன்னர் இது இடம்பெற்றது. அதேபோல் மால்புறூ
கல்லூரியில் பயின்ற போது தான் மிகமிக நெருக்கமாகப் பழகிய வில்லியம் மார்க்
என்பவரையும் கேட் மறந்துவிடவில்லை.

இந்த விருந்துக்கான இளவரசர்
சார்ள்ஸின் அழைப்பிதழில் பிரதான இடம் பிடித்துள்ளவர் லூசியா சண்டா குறூஸ்
என்பவர். இவர் பிரிட்டனின் முன்னாள் சிலி நாட்டுத் தூதுவரின் மகள்.
இவர்தான் இளவரசர் சார்ள்ஸின் முதலாவது காதலி என்று கூறப்படுகின்றது.

இவரை
தற்போதைய மனைவி கெமிலா பார்க்கருக்கு சார்ள்ஸ் ஏற்கனவே அறிமுகம் செய்து
வைத்துள்ளார். இது தவிர திருமண ஜோடி பேர்கிங்ஹாம் மாளிகையின்
மாடத்திலிருந்து முத்தமிடும் போது அதைக் காணபதற்கான வரவேற்பு வைபவத்துக்கு
650 பேர் அழைக்கப்பட்டுள்ளனர்.

இவர்களுள் 250பேர் திருமண ஜோடியின்
அழைப்பிலும், 250 பேர் இளவரசர் சார்ள்ஸின் அழைப்பிலும், 50 பேர்
மகாராணியின் அழைப்பிலும்,100 பேர் மணப்பெண் மிடில்டன் குடும்பத்தவர்களின்
அழைப்பிலும் கலந்து கொள்ளவுள்ளனர்.

இந்த வைபவங்களைத் தொடர்ந்து
இடம்பெறும் அதிகாலை வரையான இரவு நேர களியாட்டங்களில் 300 பேர் கலந்து
கொள்ளவுள்ளனர். அரண்மனையின் பல அறைகள் இதனை முன்னிட்டு இரவு விடுதிகள்
போன்ற அமைப்பில் ஒழுங்கு செய்யப்பட்டுள்ளன