இலங்கையின் முன்னணி தொலைக்காட்சி சேவைகளில் ஒன்றான சுவர்ணவாஹிணியில் நடத்தப்பட்ட மெகா ஸ்டார் பாடல் போட்டித் தொடரின் இறுதிப் போட்டியில் குழப்ப நிலைமை ஏற்பட்டதாகத் தெரிவிக்கப்படுகிறது.

கொழும்பு சுகததாச உள்ளக அரங்கில் மிகவும் பிரமாண்டமான முறையில் இந்த இறுதிப் போட்டி நடைபெற்றது.

போட்டியின் வெற்றியாளர் தொடர்பான தீர்ப்பு அறிவிக்கப்பட்டதன் பின்னர் குழப்ப நிலைமை ஏற்பட்டதாகத் தெரிவிக்கப்படுகிறது.

ஐக்கிய தேசியக் கட்சியின் நாடாளுமன்ற உறுப்பினர் தயாசிறி ஜயசேகரவை தோற்கடிக்கப்பட்டமையினால் இந்த குழப்ப நிலைமை ஏற்பட்டுள்ளது.

இந்தப் போட்டியில் முதலாம் இடத்தைப் பெற்றுக் கொள்வார் என பெரிதும் எதிர்பார்க்கப்பட்ட நாடாளுமன்ற உறுப்பினர் தயாசிறி ஜயசேகரவை தோற்கடித்து, அஜித் வீரசிங்க முதலாம் இடத்தைப் பெற்றுக் கொண்டார்.

கடந்த ஓராண்டு காலமாக நடைபெற்ற இந்தப் போட்டியில் இலங்கையின் முன்னணி அரசியல்வாதிகள், திரை நட்சத்திரங்கள் மற்றும் துறைசார் நிபுணர்கள் கலந்து கொண்டிருந்தமை குறிப்பிடத்தக்கது.

நாடாளுமன்ற உறுப்பினர்களான தயாசிறி ஜயசேகர, உபேக்ஷா ஸ்வர்ணமாலி, ரஞ்சன் ராமநாயக்க உள்ளிட்ட அரசியல்வாதிகள் போட்டியில் பங்கேற்றதுடன், பிரதி அமைச்சர் மேர்வின் சில்வா மற்றும் நாடாளுமன்ற உறுப்பினர் ரோசி சேனாநாயக்க ஆகியோர் நடுவர்களாக பங்குபற்றியிருந்தமை குறிப்பிடத்தக்கது.

இறுதிப் போட்டியில் வெற்றியாளர் அறிவிக்கப்பட்டதன் பின்னர் குழப்ப நிலைமை ஏற்பட்டதாகவும் ரசிகர்கள் பல்வேறு வழிகளில் தமது அதிருப்தியை வெளியிட்டதாகவும் தெரிவிக்கப்படுகிறது.

பிரதி அமைச்சர் மேர்வின் சில்வா மற்றும் தயாசிறி ஜயசேகர ஆகியோர் பாதுகாப்பாக விளையாட்டரங்கை விட்டு வெளியேற்றப்பட்டதாக காவல்துறையினர் அறிவித்துள்ளனர்.

இந்தப் போட்டியில் தயாசிறி ஜயசேகர வெற்றி பெற்றிருக்க வேண்டுமென பிரதி அமைச்சர் உள்ளிட்ட பலர் கருத்து வெளியிட்டிருந்தமை குறிப்பிடத்தக்கது.

முதலாம் இடத்தைப் பெற்றுக் கொண்ட அஜித் வீரசூரிய பெரும் எண்ணிக்கையிலானவர்களுக்கு சிம் அட்டைகளை வாங்கிக் கொடுத்து தமக்கு எஸ்.எம்.எஸ் அனுப்பி வைக்குமாறு கோரியிருந்தாகத் தெரிவிக்கப்படுகிறது.

தமிழ்வின்.

தயாசிறி தான் முதல் இடத்தைப் பிடிப்பார் என்று நானும் எதிர்பார்த்தேன் .சரிவரவில்லை.

அரசியல்ல இதெல்லாம் சகஜமப்பா.