உறுப்புகளை இழந்தால் மீண்டும் வளரச் செய்யலாம்

by **RAJABTHEEN** Mon Apr 11, 2011 7:06 pm

பாலூட்டிகளில் இழந்து போன கை, கால் உறுப்புகளை மீண்டும் வளரச் செய்ய முடியும் என ஆய்வாளர்களின் புதிய ஆய்வில் தெரியவந்துள்ளது.

பாலூட்டும் இனங்களில் எலி தனது இழந்த உறுப்புகளை வளரச் செய்து கொள்ளும் திறன் கொண்டது என்பது முன்பே ஆய்வாளர்களால் நிரூபிக்கப்பட்டு இருந்தது.

தற்போது ஆய்வாளர்கள் டேரன் ஆர் வில்லியம்ஸ் மற்றும் டாவூன் ஜங் தங்களது புதிய ஆய்வில் பாலூட்டிகளின் உறுப்புகள் மீண்டும் வளர்ச்சி பெறுவதற்கான ஆய்வில் வெற்றி கண்டுள்ளனர்.

நீரிலும், நிலத்திலும் வாழும் நீண்ட வால் உள்ள விலங்கை பயன்படுத்தி அவர்கள் தங்களது ஆய்வினை நிரூபித்து உள்ளனர். பாலூட்டிகளின் இழந்த உறுப்புகளுக்கு மீண்டும் வளர்ச்சி பெற எலிகளின் செல்களில் உறுப்புகள் வளர்ச்சி பெறுவதற்கு மேற்கொள்ளப்பட்ட முறைக்கு முற்றிலும் மாறாக புதிய முறையை விஞ்ஞானிகள் தற்போது கடைபிடித்தனர்.

இந்த ஆய்வினை எளிய ரசாயனக் கலவையை மேற்கொண்டு பாலூட்டிகளில் இழந்த உறுப்புகளில் வளர்ச்சி காணலாம் என நிரூபித்துள்ளனர். விஞ்ஞானிகள் கண்டுபிடித்துள்ள புதிய ரசாயனக் கலவை காயம் அடைந்த விலங்குகளின் உறுப்புகளில் விரைவாக குணம் அடையச் செய்கிறது.

பாதிக்கப்பட்ட உடல் பகுதியில் தொற்று ஏற்படுவதற்கு முன்னரோ அல்லது காயப் பகுதி மூடப்படுவதற்கு முன்பாக புதிய செல்கள் செலுத்தப்படுகின்றன. இந்த முறையில் சேதமடைந்த உடல் உறுப்பு பகுதிகள் முழுவளர்ச்சி அடைகின்றன என ஆய்வாளர்கள் கருத்து தெரிவித்துள்ளனர்.

உடல் உறுப்பு வளர்வதற்கு பாலூட்டிகளின் தசைப் பொருட்கள் உயிரியல் மூலப் பொருளாக பயன்படும் என்கிற இந்த விஞ்ஞானிகள் ஆய்வு ஏ.சி.எஸ் கெமிக்கல் பயாலஜி இதழில் வெளியாகியுள்ளது.