விண்டோஸ் இயங்குதளத்தில் இயங்கும் பயன்பாட்டை

by **RAJABTHEEN** Thu Apr 14, 2011 3:28 am

மைக்ரோசாப்ட் விண்டோஸ் இயங்குதளத்தில் ஒரே நேரத்தில்
ஒன்றுக்கு மேற்பட்ட பயன்பாடுகளை இயக்க முடியும் என்பது அறிந்ததே. இதற்கு
மல்ட்டி டாஸ்கிங் என்று பெயர்.ஏதேனும் ஒரு காரணத்தால் ஒரு குறிப்பிட்ட
இயங்கிக்கொண்டிருக்கக் கூடிய பயன்பாட்டினை அல்லது செயலை அடுத்தவர்
கண்ணிலிருந்து மறைக்க விரும்புகிறீர்கள்.

சாதாரணமாக நாம்
இணையத்தில் உலவுவதை அடுத்தவர் பார்வையில் இருந்து மறைக்க விரும்புவோம் -
இது இயல்பான ஒன்று.

நமக்குப் பின்னால் திடீர் என்று ஒருவர் வந்து நின்று நம் கணினித்
திரையை உற்று நோக்கும்போது பல நேரம் நாம் டென்ஸனாகி இருந்திருப்போம்.
அதிர்ச்சியடைந்திருப்போம்.

இது போன்ற வேளைகளில் நமக்கு
உதவுவதற்காகவே ஒரு இலவச மென்பொருள் உள்ளது. அதன் பெயர் WinRAP. இதைத்
தரவிறக்கி நிறுவி இயக்கவும். அதில் உங்கள் கணினியில் தற்போது எந்தெந்த
பயன்பாடுகள் இயக்கத்தில் / உபயோகத்தில் உள்ளன என்கிற ஒரு பட்டியல் இடம்
பெற்றிருக்கும். அதில் தேவையானவற்றைத் தெரிவு செய்து, Hide அழுத்தவும்.